82cb4f8b1fcb8b023b578fd64d7c60c7

ວັນ​ທີ 24 ພຶດສະພາ 2016 ທ່ານ ​ປອ. ສິນ​ລະ​ວົງ ຄຸດ​ໄພທູນ ກຳມະການ​ກົມ​ການເມືອງ​ສູນກາງ​ພັກ ເຈົ້າ​ຄອງ​ນະຄອນຫຼວງວຽງ​ຈັນ ໄດ້​ລົງ​ພົບ​ປະ​ໂອ້​ລົມ​ພະນັກ​ງານ-ລັດຖະກອນ ພະ​ແນກ​ສ່ວຍ​ສາ​ອາກອນ ນະຄອນຫຼວງ​ວຽງ​ຈັນເພື່ອ​ເປັນ​ການ​ຊຸກຍູ້​ພະນັກງານ​ທີ່​ຮັບຜິດຊອບ​ວຽກ​ງານ​ດັ່ງກ່າວ ​ໃຫ້​ມີ​ຄວາມ​ຫ້າວຫັນ​ຕໍ່ໜ້າ​ທີ່​ວິຊາ​ສະເພາະ​ຂອງ​ຕົນ ​ໃນ​ການຈັດ​ເກັບ​ລາຍ​ຮັບ​ສ່ວຍ​ສາ​ອາກອນ​ເຂົ້າ​ງົບປະມານ​ລັດ ໃນ​ສົກປີ 2015-2016 ໃຫ້​ບັນລຸ​ຄາດໝາຍ​ທີ່​ກະຊວງ​ການ​ເງິນ​ວາງ​ໃຫ້.

 

ໂອກາດ​ດັ່ງກ່າວ​ ທ່ານ ຄຳ​ມອນ ບົວ​ພັນ ຫົວໜ້າ​ພະ​ແນກ​ສ່ວຍສາ​ອາກອນ ນວ ໄດ້​ຂຶ້ນ​ລາຍງານ​ສະພາບ​ການເຄື່ອນໄຫວວຽກ​ງານ ​ກ່ຽວ​ກັບ​ການຈັດຕັ້ງ​ປະຕິ​ບັດ​ຈັດ​ເກັບ​ລາຍ​ຮັບໃນ 7 ເດືອນ​ສົກ​ປີ 2015-2016 ແລະ ສະເໜີ​ວິທີ​ການມາດ​ຕະການ ໃນ​ການເຄື່ອນໄຫວ​ຄຸ້ມ​ຄອງ​ເກັບລາຍ​ຮັບ​ສ່ວຍ​ສາ​ອາກອນ ໃນ 4 ເດືອນ​ທ້າຍ​ສົກ​ປີ ເຊິ່ງ​ການ​ເກັບລາຍ​ຮັບ​ສ່ວຍ​ສາ​ອາກອນ​ມາຮອດ​ວັນ​ທີ 20 ພຶດສະພາ 2016 ປະຕິບັດ​ໄດ້ 471,2 ຕື້​ກີບ ເທົ່າ​ກັບ 47,12% ຂອງ​ແຜນການ​ປີ ທຽບໃສ່​ໄລຍະ​ດຽວ​ກັນຂອງ​ສົກ​ປີ 2014-2015 ເພີ່ມ​ຂຶ້ນ 7,9% ໃນ​ນັ້ນ ຂັ້ນ​ພະ​ແນກ​ປະຕິບັດ​ໄດ້ 322,08 ຕື້​ກີບ ຂັ້ນ​ເມືອງ 149,2 ຕື້​ກີບ ສ່ວນ​ມາດ​ຕະການ​ຈຸດ​ສຸມໃນ 4 ເດືອນ​ທ້າຍ​ປີ ອີງໃສ່​ທິດ​ຊີ້ນຳ​ຂອງ​ກະຊວງ​ການ​ເງິນ ກໍ່​ຄືເຈົ້າ​ຄອງ ນວ ຈະ​ຕ້ອງ​ສູ້​ຊົນ​ເກັບລາຍ​ຮັບ​ໃຫ້​ໄດ້ 1.000 ຕື້​ກີບ​ຂຶ້ນໄປ ຈາກ​ຕົວ​ເລກ​ຄາດໝາຍ​ທີ່​ຍັງເຫຼືອ ຈະ​ຕ້ອງ​ໄດ້​ສຸມ​ໃສ່​ໃນ​ການຈັດ​ຕັ້ງ​ປະຕິບັດ.

ຄົ້ນຫາ

ປະຕິທິນ

May 2021
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 0

ຈຳນວນຜູ້ເຂົ້າຊົມວານນີ້ 37

ຈຳນວນຜູ້ເຂົ້າຊົມອາທິດນີ້ 176

ຈຳນວນຜູ້ເຂົ້າຊົມເດືອນນີ້ 216

ຈຳນວນຜູ້ເຂົ້າຊົມທັງໝົດ 79925

Currently are 17 guests and no members online