Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 WhatsApp Image 2018 05 10 at 10.46.30 AM

ພິທີປະກາດ 4 ບຸກ ຄະນະຊາວໜຸ່ມ ປປລ ຮາກຖານຫ້ອງວ່າການນະຄອນຫຼວງວຽງຈັນ (ນວ) ໄດ້ຈັດຂື້ນວັນທີ 4 ພຶດສະພາ 2018 ຢູ່ຫ້ອງວ່າການ ນວ ໂດຍທີທ່ານ ພູວົງ ວົງຄຳຊາວ ຫົວໜ້າຫ້ອງວ່າການ ນວ, ທ່ານ ພັນປະສົງ ໄຊຍະວົງສາ ຮອງເລຂາຄະນະບໍລິຫານງານຊາວໜູ່ມ ປປລ.ນວ ພ້ອມດ້ວຍຄະນະຊາວໜຸ່ມຫ້ອງວ່າການ ນວ ພ້ອມດ້ວຍສະມະຊິກ ແລະ ແຂກຖືກເຊີນເຂົ້າຮ່ວມ.

 

ທ່ານ ໂຕ່ບີ່ ພັນທະລາດ ເລຂາຄະນະຊາວໜຸ່ມຮາກຖານຫ້ອງວ່າການ ນວ ກ່າວວ່າ: ຄະນະຊາວໜຸ່ມ ປປລ ຮາກຖານຫ້ອງວ່າການ ນວ ແມ່ນໜຶ່ງໃນອົງການຈັດຕັ້ງມະຫາຊົນພາຍໃຕ້ການຊີ້ນຳ-ນຳພາໂດຍກົງຮອບດ້ານຈາກຄະນະພັກຮາກຖານຫ້ອງວ່າການ ນວ ແລະ ຄະນະບໍລິຫານງານຊາວໜຸ່ມ ປປລ ນວ ມີພາລະບົດບາດເປັນເສນາທິການໃຫ້ຄະນະພັກຮາກຖານ ຄະນະບໍລິຫານງານ ຊປປລ ນວ ໃນການສຶກສາອົບຮົມການເມືອງ-ແນວຄິດໃຫ້ສະມາຊິກຊາວໜຸ່ມ-ໄວໜຸ່ມ ແລະ ເຕົ້າໂຮມຄວາມສາມັກຄີສະມາຊິກ ຄະນະບໍລິຫານງານຊາວໜຸ່ມ ປປລ ຮາກຖານຫ້ອງວ່າການ ນວ ມີ 3 ສະຫາຍ ຍິງ 1 ສະຫາຍ ແລະ ມີ 2 ໜ່ວຍຂື້ນກັບ ຄື: ໜ່ວຍຊາວໜຸ່ມເລຂານຸການ-ບໍລິຫານ ແລະ ໜ່ວຍຊາວໜຸ່ມຄົ້ນຄວ້າສັງລວມວຽກພັກ-ລັດ ມີສະມາຊິກ 40 ສະຫາຍ ບິງ 17 ສະຫາຍ ໄລຍະຜ່ານມາຄະນະຊາວໜຸ່ມຮາກຖານ ແລະ ສະມາຊິກຊາວໜຸ່ມຫ້ອງວ່າການ ນວ ມີແນວຄິດອຸ່ນອ່ຽງທຸ່ນທ່ຽງ ບຸກປືນເປັນເຈົ້າການ ປະຕິບັດໜ້າທີ່ວຽກງານທີ່ການຈັດຕັ້ງມອບໝາຍສະເລັດຜົນຕາມລະດັບຄາດໝາຍ ໄດ້ຖອກເງິນສະຕິໃຫ້ຄະນະບໍລິຫານງານຊາວໜຸ່ມ ປປລ.ນວ 1,15 ລ້ານກີບ ມີເລິນຄັງ 2,05 ລ້ານກີບ ຖອກເຂົ້າກອງທືນຊ່ວຍເຫຼືອເຊິ່ງກັນ ແລະ ກັນ 6,84 ລ້ານກີບ ປະຕິບັດນະໂຍບາຍຕໍ່ສະມາຊິກ 1,5 ລ້ານກີບ ສະມາຊິກໄດ້ເຂົ້າຮຽນສະໜັບສະໜູນ ແລະ ກົດລະບຽບພັກ 6 ສະຫາຍ ເປັນສະມາຊິກພັກສະຮອງ 7 ສະຫາຍ ສະມາຊິກພັກສົມບູນ 12 ສະຫາຍ.

ໜຶ່ງປີຜ່ານມາ ໄດ້ຮັບໃຊ້ກອງປະຊຸມສະໄໝສາມັນ ວິສາມັນ ແລະ ກອງປະຊຸມຮ່ວມລະຫວ່າງອົງການປົກຮອງຮ່ວມກັບສະພາປະຊາຊົນ ນວ 4 ຄັ້ງ, ກອງປະຊຸມ 3 ຝ່າຍ 2 ຄັ້ງ, ກອງປະຊຸມ 2 ຝ່າຍ 1 ຄັ້ງ, ກອງປະຊຸມຄົບຄະນະບໍລິຫານງານພັກ 3 ຄັ້ງ ກອງປະຊຸມອົງການປົກຄອງ 8 ຄັ້ງກອງປະຊຸມຄະນະປະຈຳພັກ 18 ຄັ້ງ ກອງປະຊຸມເຈົ້າຄອງ-ຮອງເຈົ້າຄອງ 18 ຄັ້ງ ແລະ ກອງປະຊຸມອື່ນໆທີ່ທ່ານເຈົ້່າຄອງ ແລະ ບັນດາທ່ານຮອງເຈົ້າຄອງ ນວ ເປັນປະທານ ໄດ້ຮ່າງແຈ້ງການໜັງສືລັດຖະການຕາມການຕົກລົງ ແລະ ຊີ້ນຳຂອງກອງປະຊຸມຕາມການຊີ້ນຳຂອງການນຳ ນວ 2,120 ສະບັບ.

        ສະມາຊິກຊາວໜຸ່ມນອກຈາກປະຕິບັດໜ້າທີ່ຂອງຕົນແລ້ວ ຍັງໄດ້ບຸກບືນປະກອບອາຊີບເສີມໃນນີ້ ພົ້ນເດັ່ນກວ່າໝູ່ແມ່ນສະຫາຍນາງ ສິດທິພອນ ສິດທິລາດ ເຮັດທຸລະກິດຫ້ອງເຊົ່າ ສ້າງລາຍຮັບ 123,6 ລ້ານກີບຕໍ່ປີ ຜ່ານການເຄື່ອນໄຫວດຳເນີນຊີວີດການເມືອງສາມາດຈັດປະເພດຊາວໜຸ່ມ ປປ ລາວ ເຂັ້ມແຂງ 38 ສະຫາຍ ຍິງ 17 ສະຫາຍ ບໍ່ໄດ້ຈັດປະເພດ 2 ສະຫາຍ (ຍ້ອນໄປຍົກລະດັບ) ຕີລາຄາມາດຖານດ້ານແນວຄິດ 91 % ດ້ານການເຝິກຝົນຫຼໍ່ຫຼອມ 90 % ດ້ານວິຊາຊີບ ແລະ ສ້າງວຽກເຮັດງານທຳ 90 % ຈັດເປັນປະເພດຮາກຖານເຂັ້ມແຂງ.

        ສຳລັບທິດທາງປີ 2018 ຈະເພີ່ມທະວີການສຶກສາອັບຮົມການເມືອງ-ແນວຄິດ ຍົກສູງລະດັບຕື່ນຕົວທາງການເມືອງ ເຊີດຊູນໍ້າໃຈຮັກຊາດ-ຮັກລະບອບໃໝ່ຍົກສູງລະດັບຄວາມຮູ້ ວິທະຍາສາດເຕັກໂນໂລຊີ-ວິຊາຊີບ ແລະ ພາສາຕ່າງປະເທດ ເພີ່ມທະວີຄວາມສາມັກຄີເປັນປຶກແຜ່ນຂອງຄະນະຊາວໜ່າມ-ໄວໜຸ່ມຢ່າງແໜ້ນແຟ້ນພາຍໃຕ້ການນຳພາຂອງຄະນະພັກຮາກຖານຫ້ອງວ່າການ ນວ ເສີມຂະຫຍາຍບົດບາດເປັນກຳລັງຈັນບານຢ່າງຟົດຟື້ນເຂົ້າໃນຂະບວນການປົກປັກຮັກສາ ແລະ ພັດທະນາສຳນັກງານ ເພີ່ມທະວີປັບປຸງກໍ່ສ້າງຊາວໜຸ່ມ ໂດຍຕິດພັນກັບການດຳເນີນຊີວິດການເມືອງ ກວດກາຕິດຕາມການປະຕິບັດມະຕິ ແຜນການ ໂຄງການ ແລະ ການເຄື່ອນໄຫວຂອງຄະນະຊາວໜຸ່ມໃຫ້ມີເນື້ອໃນໜັກແໜ້ນ ໃນນີ້ ດ້ານການເມືອງ-ແນວຄິດໃຫ້ໄດ້ 92% ດ້ານເຝິກຝົນຫຼໍ່ຫຼອມຮໍ່າຮຽນ 91% ຂຶ້ນໄປດ້ານວຽກງານການຈັດຕັ້ງ 91% ຂຶ້ນໄປ ດ້ານວິຊາຊີບ ແລະ ສ້າງວຽກເຮັດງານທຳ 91%.

        ໂອກາດນີ້ ຍັງໄດ້ມີການຍ້ອງຍໍຜົນງານໃນໄລຍະຜ່ານມາ ໃນນີ້ໄດ້ຮັບໃບຢັ້ງຢືນຮາກຖານ 4 ບຸກຄະນະຊາວໜຸ່ມຮາກຖານຫ້ອງວ່າການ ນວ ໃບຢັ້ງຮາກຖານ 4 ບຸກ ໜ່ວຍຊາວໜຸ່ມຂະແໜງເລນຸການ-ໄອທີ ໃບຢັ້ງຢືນໜ່ວຍ 4 ບຸກ ໜ່ວຍຊາວໜຸ່ມຂະແໜງຄົ້ນຄວ້າ-ສັງລວມວຽກພັກ-ລັດ ແລະ ໃບຍ້ອງຍໍສະມາຊິກຊາວໜຸ່ມ 38 ສະຫາຍ ຍິງ 17 ສະຫາຍ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 100

ຈຳນວນຜູ້ເຂົ້າຊົມວານນີ້ 117

ຈຳນວນຜູ້ເຂົ້າຊົມອາທິດນີ້ 501

ຈຳນວນຜູ້ເຂົ້າຊົມເດືອນນີ້ 1381

ຈຳນວນຜູ້ເຂົ້າຊົມທັງໝົດ 34369

Currently are 12 guests and no members online

ແຜນທີ່ນະຄອນຫຼວງວຽງຈັນ