Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

     

      ວັນ​ທີ 1 ມີນາ 2019 ທີ່ຜ່ານມາ ແຂວງ​ວຽງ​ຈັນ ໄດ້​ເປັນ​ເຈົ້າພາບ​ຈັດ​ກອງ​ປະຊຸມ​ພົບ​ປະ 3 ແຂວງ (ນວ ແຂວງ​ວຽງ​ຈັນ ແລະ ແຂວງ​ໄຊ​ສົມບູນ) ຂຶ້ນ ໂດຍ​ມີ​ທ່ານ ວິ​ດົງ ໄຊ​ຍະ​ສອນ ເຈົ້າແຂວງ​ວຽງ​ຈັນ, ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນວ, ທ່ານ ພົນ​ຕີ ຄຳ​ລຽງ ອຸ​ທະ​ໄກສອນ ເຈົ້າແຂວງ​ໄຊ​ສົມບູນ, ພ້ອມ​ດ້ວຍ​ຮອງ​ເຈົ້າແຂວງ ຮອງ​ເຈົ້າ​ຄອງ ນວ ບັນດາ​ຫ້ອງການ ພະແນກການ ແລະ ຂະແໜງການ​ກ່ຽວ ຂ້ອງ​ເຂົ້າ​ຮ່ວມ.


       ໂດຍ​ສືບຕໍ່​ຈາກ​ກອງ​ປະຊຸມ​ເຊື່ອມ​ຊຶມ ແລະ ຜັນ​ຂະຫຍາຍ​ມະຕິ 7 ຂອງ​ກອງ​ປະຊຸມ​ຄົບ​ຄະນະ​ບໍ​ລິ ຫານ​ງານ​ສູນ​ກາງ​ພັກ ສະໄໝ​ທີ X ໂດຍ​ສະເພາະ​ການ​ເຜີຍແຜ່​ມະຕິ​ວ່າ​ດ້ວຍ​ການ​ເພີ່ມ​ທະວີ​ການ​ນຳພາ​ແກ້​ໄຂ​ຄວາມ​ຫຍຸ້ງຍາກ​ທາງ​ດ້ານ​ເສດຖະກິດ-ການ​ເງິນ ແລະ ສ້າງ​ຄວາມ​ເຂັ້ມແຂງ ຂອງ​ການ​ຄຸ້ມ​ຄອງ​ມະຫາ​ພາກ ແລະ ມະຕິ​ວ່າ​ດ້ວຍ​ການ​ປັບປຸງ​ຮາກ​ຖານ​ການເມືອງ​ຂອງ​ລະບອບ​ປະຊາທິປະໄຕ​ປະຊາຊົນ​ໃຫ້​ເຂັ້ມ ແຂງ​ໜັກ​ແໜ້ນ ທີ່​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ຢູ່​ນະຄອນຫຼວງ​ວຽງ​ຈັນ (ນວ) ໂດຍ​ການ​ເຂົ້າ​ຮ່ວມ​ຂອງ ນວ ແຂວງ​ວຽງ​ຈັນ ແລະ ແຂວງ​ໄຊ​ສົມບູນ.

     ຈຸດປະສົງ​ເພື່ອ​ຄົ້ນຄວ້າ​ປຶກສາ​ຫາລື ແລະ ແລກປ່ຽນ​ບົດຮຽນ​ກ່ຽວ​ກັບ​ການ​ພັດທະນາ​ເສດຖະກິດ-ສັງ ຄົມ ໂດຍ​ສະເພາະ​ບັນດາ​ໜ້າ​ວຽກ​ຈຸດ​ສຸມ​ພັດທະນາ​ທີ່​ຈະ​ສຸ່ມ​ໃສ່​ຈັດ​ຕັ້ງ​ປະຕິບັດ​ໃຫ້​ມີ​ຜົນສຳເລັດ​ຕາມ​ລະດັບ​ຄາດໝາຍ ແລະ ມີ​ອັນ​ພົ້ນ​ເດັ່ນ​ຂຶ້ນ​ກວ່າ​ເກົ່າ ລວມ​ເຖິງ​ການ​ຮ່ວມ​ມື​ດ້ານ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ ກໍ​ຄື​ປະກົດ​ການ​ຫຍໍ້ທໍ້​ຕ່າງໆ​ທີ່ 3 ແຂວງ​ຈະ​ໄດ້​ພ້ອມ​ກັນ​ສຸມ​ທຸກ​ກຳລັງ ເພື່ອ​ແກ້​ໄຂ​ຮ່ວມ​ກັນ​ຢ່າງ​ຈິງ​ຈັງ ແລະ ບັນຫາ​ການ​ແກ້​ໄຂ​ຄວາມທຸກ​ຍາກ​ໃຫ້​ປະຊາຊົນ ການ​ຊຸກຍູ້-ສົ່ງເສີມ ແລະ ສ້າງ​ສິ່ງ​ອຳນວຍ​ຄວາມ​ສະດວກ​ຮ່ວມ​ກັນ​ດ້ານ​ການ​ຜະລິດ​ເປັນ​ສິນຄ້າ ຕິດ​ພັນ​ການ​ກັບ​ພັດທະນາ​ການທ່ອງທ່ຽວ​ເຊື່ອມ​ຕໍ່​ລະຫວ່າງ 3 ແຂວງ ໃຫ້​ມີ​ຜົນສຳເລັດ​ອັນ​ໃໝ່ ແຂງແຮງ​ກວ່າ​ເກົ່າ ແລະ ສາມາດ​ສ້າງ​ລາຍ​ຮັບ​ໃຫ້​ສູງ​ຂຶ້ນ.

ແຫຼ່ງຂ່າວ: ໜັງສືວຽງຈັນໃໝ່
#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ປະຕິທິນ

March 2019
S M T W T F S
24 25 26 27 28 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 53

ຈຳນວນຜູ້ເຂົ້າຊົມວານນີ້ 29

ຈຳນວນຜູ້ເຂົ້າຊົມອາທິດນີ້ 53

ຈຳນວນຜູ້ເຂົ້າຊົມເດືອນນີ້ 1197

ຈຳນວນຜູ້ເຂົ້າຊົມທັງໝົດ 43520

Currently are 37 guests and no members online

ແຜນທີ່ນະຄອນຫຼວງວຽງຈັນ