Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

48378785 724622081251086 7608972879161458688 n

     ວັນ​ທີ 20 ທັນ­ວາ 2018 ທ່ານ ຄຳ​ໄຕ ສີ​ພັນ​ດອນ ອະ­ດີດ​ປະ­ທານ​ພັກປະ­ທານ​ປະ­ເທດ​ແຫ່ງ ສປປ ລາວ ລົງ​ຢ້ຽມ­ຢາມ ແລະເຮັດ​ວຽກ​ຢູ່​­ນະຄອນຫຼວງ​ວຽງ​ຈັນ. ໂອກາດມາຢ້ຽມຢາມຄັ້ງນີ້ ຕ້ອນ­ຮັບ​ໂດຍ​ທ່ານສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງພ້ອມ​ດ້ວຍ​ການ​ນຳ​ຂັ້ນ​ສູງຂອງນະ­ຄອນ­ຫຼວງ ແລະພະ­ນັກ­ງານ​ຫຼັກ​ແຫຼ່ງ​ອ້ອມ​ຂ້າງ​ເຂົ້າ​ຮ່ວມ.

  48424870 724622071251087 7115511798622584832 n

   ການ​ມາ​ຢ້ຽມ­ຢາມ​ຄັ້ງ​ນີ້ທ່ານ​ໄດ້​ຮັບ​ຟັງ​ການ​ລາຍ​ງານ​ສະ­ພາບ​ການ­ຈັດ­ຕັ້ງ​ປະ­ຕິ­ບັດວຽກ​ງານ​ພົ້ນ​ເດັ່ນ​ຂອງ​ນະ­ຄອນ­ຫຼວງ​ວຽງ​ຈັນເຊິ່ງ​ທ່ານ​ໄດ້​ຍ້ອງ­ຍໍ​ຊົມ­ເຊີຍ​ຕໍ່​ຜົນ­ສຳ­ເລັດທີ່​ນະ­ຄອນ­ຫຼວງ​ວຽງ​ຈັນ​ຍາດ​ມາ​ໄດ້ ພ້ອມ​ນັ້ນ ກໍ່​ໃຫ້​ກຽດ​ໂອ້​ລົມພ້ອມ​ທັງ​ແນະ­ນຳ​ໃຫ້​ຍົກ​ສູງ​ຄວາມ​ສາ­ມາດ​ການ​ນຳ­ພາ​ຂອງ​ລັດໃນ​ການ​ນຳ­ພາ​ເປັນ​ເຈົ້າ​ການ​ກຳ­ນົດ​ແນວ­ທາງ​ນະ­ໂຍ­ບາຍ ເສດ­ຖະ­ກິດວັດ­ທະ­ນະ­ທຳ-ສັງ­ຄົມ ການ​ຕ່າງ­ປະ­ເທດ ຮັບ­ປະ­ກັນ​ຄວາມ​ສາ­ມັກ­ຄີ ແລະຄວາມ​ເປັນ​ປຶກ​ແຜ່ນ​ຂອງ​ປະ­ຊາ­ຊົນ​ບັນ­ດາ­ເຜົ່າສົມ­ທົບ​ທຶນ­ຮອນ​ດ້ານ​ເຕັກ​ໂນ​ໂລ​ຊີ​ຈາກ​ພາຍ​ນອກປະ­ກອບ­ສ່ວນ​ເຮັດ​ໃຫ້​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ດີ​ຂຶ້ນປະ­ກອບ­ສ່ວນ​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ຂາດ­ແຄນ​ຫຼ້າ­ຫຼັງ​ໄດ້​ດີພ້ອມ​ນັ້ນ ເສີມ​ຂະ­ຫຍາຍ​ສິດ​ເປັນ​ເຈົ້າ​ຂອງ​ປະ­ຊາ­ຊົນ​ຂັ້ນ​ຕ່າງໆໂດຍ​ຜ່ານ​ແນວ​ໂຮມ​ບ້ານ ອົງ​ການ­ຈັດ­ຕັ້ງ​ຂັ້ນ​ຕ່າງໆປະ­ກອບ­ສ່ວນ​ປົກ​ປັກ​ຮັກ­ສາ​ປະ­ເທດ​ຊາດ ແລະຊີ­ວິດ​ການ​ເປັນ​ຢູ່​ໃຫ້​ດີ​ຂຶ້ນ​ເປັນ​ກ້າວໆ ນອກ​ນີ້ສາຍ​ພົວ­ພັນ​ພິ­ເສດ​ກັບ ສສ ຫວຽດ­ນາມ ແລະ ປະ­ເທດ​ເພື່ອນ​ມິດ​ຍຸດ​ທະ​ສາດ ສປຈີນ ແລະ ປະ­ເທດ​ອື່ນໆ​ໃນ​ສາ­ກົນ ແມ່ນ​ໄດ້​ຮັບ​ການ​ເຊີດ​ຊູສາ­ມາດ​ສ້າງ​ປະ­ຖົມ​ປັດ​ໄຈ​ໃຫ້​ແກ່​ການ​ກ້າວ​ຂຶ້ນ​ສັງ­ຄົມ​ນິ­ຍົມແຕ່​ກໍ່​ຍັງ​ມີ​ຂໍ້­ຄົງ­ຄ້າງ​ຫຼາຍ​ຢ່າງທີ່​ການ​ນຳ​ນະ­ຄອນ­ຫຼວງ​ວຽງ​ຈັນ​ຕ້ອງ​ໄດ້​ເອົາ­ໃຈ­ໃສ່​ແກ້​ໄຂ​ຢ່າງ​ຈິງ​ຈັງພະ­ນັກ­ງານ​ຈຳ­ນວນ​ບໍ່​ໜ້ອຍ​ໄດ້​ສວຍ​ໃຊ້​ອຳ­ນາດ ໜ້າ­ທີ່ ຕຳ­ແໜ່ງ​ງານວາງ​ໂຕ​ເປັນ​ນາຍ​ໄປ​ທາງ​ໃດ​ມີ​ການ​ຕ້ອນ­ຮັບ​ໃຫຍ່​ໂຕ ເຫັນ​ວ່າ​ບໍ່​ເໝາະ​ສົມອີກ​ດ້ານ​ໜຶ່ງ ການ​ກໍ່­ສ້າງ​ພື້ນ­ຖານ​ໂຄງ​ລ່າງ​ເສດ­ຖະ­ກິດກໍ່​ມີ​ມູນ​ຄ່າ​ແພງ​ກວ່າ​ຄວາມ​ເປັນ​ຈິງເປັນ​ການ​ສ້າງ​ໜີ້​ສິນ​ທີ່​ໜັກ­ໜ່ວງ​ໃຫ້​ປະ­ເທດ​ຊາດ ນອກ​ນີ້ບັນ­ຫາ​ດ້ານ​ສັງ­ຄົມ​ຄວາມ​ແຕກ​ໂຕນ​ດ້ານ​ລາຍ​ຮັບ ແລະຄວາມ​ຮັ່ງ­ມີ​ລະ­ຫວ່າງ​ຕົວ​ເມືອງ ແລະ ຊົນ­ນະ­ບົດລະ­ຫວ່າງ​ຜູ້​ປະ­ກອບ​ການ​ໃນ​ຂະ­ແໜງ​ອຸດ­ສາ­ຫະ­ກຳ ແລະບໍ­ລິ­ການ​ກັບ​ຊາວ​ກະ­ສິ­ກອນ​ກໍ່​ນັບ​ມື້​ນັບ​ຫ່າງ​ອອກທຸກ​ມື້​ປະ­ຊາ­ຊົນ​ແບກ​ຫາບ​ພາ­ລະ​ຢ່າງ​ໜັກ­ໜ່ວງ ຕົວ­ຢ່າງຈະ​ເອົາ​ລູກ​ເຂົ້າ​ໂຮງ­ຮຽນ​ກໍ່​ຕ້ອງ​ເສຍ​ເງິນເຈັບ​ປ່ວຍ​ເຂົ້າ​ໂຮງ­ໝໍ​ກໍ່​ເສຍ​ເງິນ ລູກ​ຫຼານ​ເຂົ້າ​ເປັນ​ພະ­ນັກ­ງານທະ­ຫານ ຕຳ­ຫຼວດ​ກໍ່​ເສຍ​ເງິນ ຟ້ອງ​ຮ້ອງ​ກັນ​ຢູ່​ສານ​ກໍ່​ເສຍ​ເງິນມີ​ຄົນ​ລັກ​ເຄື່ອງ​ຈະ​ໄປ​ຫາ​ຕຳ­ຫຼວດ​ໄປ​ຈັບ​ຄົນ​ຂີ້­ລັກ​ກໍ່​ຕ້ອງ​ໄດ້​ເສຍ​ເງິນແລະ ບັນ­ຫາ​ອື່ນໆ ຖ້າ​ບໍ່​ແກ້​ໄຂ​ໄວ​ຈະ​ເຮັດ​ໃຫ້​ສັງ­ຄົມ​ລາວກາຍ­ເປັນ​ສັງ­ຄົມ​ຜູ້​ມີ​ເງິນ​ເປັນ​ຄົນ​ມີ​ອຳ­ນາດ​ເຮັດ​ໄດ້​ທຸກ​ຢ່າງຄວາມ​ຍຸ­ຕິ​ທຳ​ບໍ່​ສາ­ມາດ​ຮຽກ­ຮ້ອງ​ໄດ້.

    ທ່ານ ຄຳ​ໄຕ ສີ​ພັນ​ດອນຍັງ​ໄດ້​ໃຫ້​ທິດ​ຊີ້​ນຳ​ຕື່ມ​ວ່າ: ນະ­ຄອນ­ຫຼວງ​ວຽງ​ຈັນຍັງ​ມີ​ຫຼາຍ​ບັນ­ຫາ​ຕ້ອງ​ເອົາ­ໃຈ­ໃສ່​ແກ້​ໄຂ ເປັນ­ຕົ້ນຄວາມ​ບໍ່​ສະ­ຫງົບ​ໃນ​ເຂດ​ໃຈ­ກາງ​ກໍ່​ຍັງ​ແກ່­ຍາວ ແລະ ແກ້​ໄຂ​ບໍ່​ທັນ​ໄດ້ການ​ລັກ​ເລັກ​ຂະ­ໂມຍ​ນ້ອຍ​ມີ​ຢູ່​ທົ່ວ​ໄປ ແລະອຸ­ບັດ​ຕິ​ເຫດ​ຕາມ​ຖະ­ໜົນ​ເກີດ​ຂຶ້ນ ໃນ​ນະ­ຄອນ­ຫຼວງ​ວຽງ​ຈັນເຫັນ​ວ່າ​ມີ​ຄົນ​ເຈັບ­ເປັນ ແລະ ຕາຍ​ເປັນ​ຈຳ­ນວນ​ຫຼາຍຕ້ອງ​ໄດ້​ຄົ້ນ­ຄວ້າ​ຄືນ ພ້ອມ​ກັນ​ຕີ​ລາ­ຄາ​ຢ່າງ​ເຂັ້ມ​ງວດ ແລະເອົາ­ໃຈ­ໃສ່​ແກ້​ໄຂ ສິ່ງ​ສຳ­ຄັນ​ແມ່ນ​ການ​ປັບ­ປຸງ​ກຳ­ລັງ​ທັງ​ປະ­ລິ­ມານ ແລະຄຸ­ນະ­ພາບ ສະ­ນັ້ນ ຢາກ​ໃຫ້​ຄະ­ນະ​ນຳ​ນະ­ຄອນ­ຫຼວງ​ວຽງ​ຈັນຕ້ອງ​ຮີບ​ເລັ່ງ​ແກ້​ໄຂຖື​ເອົາ​ການ​ສ້າງ​ສັງ­ຄົມ​ຕ້ອງ​ເລີ່ມ​ຈາກ​ການ​ສ້າງ​ປະ­ຖົມ​ປັດ​ໄຈ​ສັງ­ຄົມ​ນິ­ຍົມ​ແຕ່​ຮາກ​ຖານກ່ອນ​ອື່ນ​ຕ້ອງ​ກຳ­ນົດ​ໃນ​ມະ­ຕິ​ກອງ​ປະ­ຊຸມ​ໃຫຍ່​ຂອງ​ພັກເພື່ອ​ເປັນ​ທິດ​ຊີ້​ນຳ​ໃຫ້​ແກ່​ຄະ­ນະ​ພັກ​ຂັ້ນ​ຕ່າງໆທັງ​ເປັນ​ທິດ​ຊີ້​ນຳ​ໃຫ້​ແກ່​ລັດ ຫັນ​ເປັນ​ນິ­ຕິ​ກຳ ລະ­ບອບ​ລະ­ບຽບ ແລະຍຸດ​ທະ​ສາດ​ການ​ພັດ­ທະ­ນາ ທັງ​ເປັນ​ບ່ອນ​ອີງ​ໃຫ້​ແກ່​ການ​ຄຸ້ມ​ຄອງ ແລະຕິດ­ຕາມ​ກວດ­ກາ​ການ­ຈັດ­ຕັ້ງ​ປະ­ຕິ­ບັດ.

ເນື້ອໃນຂ່າວ: ໜັງສືພິມວຽງຈັນໃໝ່.
#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ປະຕິທິນ

January 2019
S M T W T F S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 9

ຈຳນວນຜູ້ເຂົ້າຊົມວານນີ້ 102

ຈຳນວນຜູ້ເຂົ້າຊົມອາທິດນີ້ 282

ຈຳນວນຜູ້ເຂົ້າຊົມເດືອນນີ້ 1453

ຈຳນວນຜູ້ເຂົ້າຊົມທັງໝົດ 40447

Currently are 12 guests and no members online

ແຜນທີ່ນະຄອນຫຼວງວຽງຈັນ