Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2018 09 20 at 10.27.03 AM

ບ້ານໂພນໄຊ ເມືອງໄຊທານີ ນະຄອນຫຼວງວຽງຈັນ ປະກອບມີ 654 ຄອບຄົວ 698 ຫຼັງຄາ ມີພົນລະເມືອງທັງໝົດ 4.355 ຄົນ ບິງ 2.180 ຄົນ, ເລີ່ມແຕ່ວັນທີ 23 ສິງຫາ 2018 ເປັນາຕົ້ນມານ້ຳໄດ້ລົ້ນເຂົ້າສູ່ພື້ນທີ່ທຳການຜະລິດ ໄຮ່ນາ ແລະ ຮົ້ວສວນຂອງປະຊາຊົນ ເຮັດໃຫ້ມີຄວາມເສຍຫາຍຢ່າງໜັກໜ່ວງ ເຊິ່ງມີຈຳນວນຄອບຄົວທີ່ໄດ້ຮັບຜົນກະທົບທັງໝົດ 342 ຄອບຄົວ, 2.371 ຄົນ, ຍິງ 1.251 ຄົນ ເນື້ອທີ່ດີນເສຍຫາຍທັງໝົດ 180 ເຮັກຕາ, ໃນນີ້ຂື້ນກັບເຂດບ້ານແສນດີນ ເມືອງນາຊາຍທອງ 98 ເຮັກຕາ ເສຍຫານ 100% ເນື້ອທີສວນມັນຕົ້ນ 250 ເຮັກຕາ, ສວນອ້ອຍ 25 ເຮັກຕາ, ສວນສາລີ 42 ເຮັກຕາ ແລະ ໜອງປາ 21 ໜອງ ມີເນື້ອທີ່ 9 ເຮັກຕາ ພາຍຫຼັງທີ່ນ້ຳໄດ້ເລີ່ມບົກແຫ້ງລົງ ປັດຈຸບັນປະຊາຊົນທີ່ຍົກຍ້າຍໄດ້ກັບຄືນມາຢູ່ເຮືອນຊານຂອງຕົນເອງໝົດທຸກຄອບຄົວ.

WhatsApp Image 2018 09 20 at 10.26.59 AM

          ວັນທີ 19 ກັນຍາ 2018 ຫ້ອງວ່າການປົກຄອງ ແລະ ພະແນກແຮງງານ ແລະ ສະຫວັດດີການສັງຄົມ ນວ ໄດ້ນຳເອົາເຄື່ອງອຸປະໂພກ-ບໍລິໂພກ ໄປຊ່ວຍເຫຼືອປະຊາຊົນບ້ານໂພນໄຊ ຈຳນວນ 342 ຄອບຄົວ ກ່າວມອບໂດຍ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ແລະ ກ່າວຮັບໂດຍທ່ານ ເຈີ ປາວ ມົວ ນາຍບ້ານໂພນໄຊ ມີທ່ານ ນາງ ລຳພອບ ສີອັດຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ນວ, ທ່ານ ວັນເພັງ ອິນທະວົງ ຮອງເຈົ້າເມືອງໄຊທານີ ຕະຫຼອດຮອດອຳນາດການປົກຄອງບ້ານ ແລະ ປະຊາຊົນເຂົ້າຮ່ວມ.

          ສຳຫຼັບເຄື່ອງທີ່ນຳມາມອບໃຫ້ປະຊາຊົນຄັ້ງນີ້ ປະກອບມຮເຂົ້າສານ 1.750 ກິໂລ, ນ້ຳດື່ມ 250 ແພັກ, ເຂົ້າໜົມ 20 ແກັດ, ປອງປາ 8 ແກັດ, ນົມ 20 ແກັດ, ເຄື່ອງຢັ່ງຊີບ 13 ເປົາ, ເຄື່ອງຊູກຳລັງ 10 ແກັດ, ເຄື່ອງນຸ່ງຫົ່ມ 10 ເປົ່, ເຄື່ອງກອງນ້ຳ 1 ເຄື່ອງ ແລະ ເງິນສົດ 5 ລ້ານກີບ, ເພື່ອເປັນການບັນເທົາທຸກເບື້ອງຕົ້ນ ແລະ ເປັນການໃຫ້ກຳລັງໃຈຜູ້ທີ່ໄດ້ຮັບຜົນກະທົບຈາກນ້ຳຖ້ວມ.

          ໃນໂອກາດນີ້ ປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມຍັງໄດ້ສະເໜີເຖິງພາກສ່ວນກ່ຽວຂ້ອງ ໂດຍຜ່ານທ່ານເຈົ້າຄອງ ນວ ເປັນຕົ້ນ ສະເໜີໃຫ້ພະແນກກະສິກຳ ແລະ ປ່າໄມ້ ນວ ກໍ່ຄື ຫ້ອງການກະສິກຳ ແລະ ປ່າໄມ້ເມືອງລົງເກັບກຳກວດກາຕົວຈິງໃນການຜະລິດຂອງປະຊາຊົນວ່າ ພື້້ນທີ່ໃດຈະເໝາະສົມກັບແນວພັດພຶດຊະນິດໃດສະເໜີໃຫ້ສະໜອງແນວພັນເຂົ້າກະກຽມໃສ່ການຜະລິດລະດຸແລ້ງ ສະເໜີຄອງຊົນລະປະທານອ່າງນ້ຳຫຸມທີ່ຈະສະໜອງນ້ຳຫຼໍ່ລ້ຽງໃຫ້ທົ່ວເຖິງພຽງພໍ ແລະ ສະເໜີໃຫ້ມີການພັດທະນາພື້ນຖານໂຄງລ່າງ ເປັນຕົ້ນ, ເສັ້ນທາງເຂົ້າບ້ານປັດຈຸບັນເປັນທາງດີນແດງ ເປັນຂຸມ ເຮັດໃຫ້ການສັນຈອນໄປມາພົບຄວາມຫຍຸ້ງຍາກລຳບາກ ແລະ ອື່ນໆ.

          ຈາກນັ້ນທ່ານເຈົ້າຄອງ ນວໄດ້ໃຫ້ກຽດໂອ້ລົມ ແລະ ໃຫ້ກຳລັງໃຈປະຊາຊົນ ພ້ອມທັງເນັ້ນໃຫ້ປະຊາຊົນເອົາໃຈໃສ່ແກ່ໄຂເປັນຕົ້ນການຟື້ນຟູເຮືອນຊານເຕຫະສະຖານ, ໂຮງຮຽນ, ກິດຈະກຳຕ່າງໆໃຫ້ກັບຄືນສູ່ສະພາບປົກກະຕິໂດຍໄວ ຟື້ນຟູການເຮັດນາ, ເຮັດສວນ, ໜອງປາ ຕະຫຼອດຮອດການກະເສດຕ່າງໆ ເປັນຕົ້ນ: ປຸກເຂົ້າ, ປຸກຜັກໃຫ້ໄວ, ຟື້ນຟູຖະໜົນຫົນທາງໃຫ້ໄປມາໄດ້ສະດວກສະບາຍ ແລະ ຟື້ນຟູສຸຂະພາບຈິດໃຈ ແກ້ໄຂພະຍາດທີ່ຕິດມາກັບນ້ຳເຊັ່ນ: ຕີນຫໍ, ໄຂຫວັດ, ຕາແດງ ແລະ ພະຍາດຖອກທ້ອງ ພ້ອມນີ້ ກໍ່ເປັນເຈົ້າການຊ່ວຍຕົນເອງກ່ອນ ເນື່ອງຈາກວ່າເຫດການດັ່ງກ່າວທີ່ເກີດຂື້ນກໍ່ຍ້ອນໄພທຳມະຊາດ, ສ່ວນຄຳສະເໜີຂອງປະຊາຊົນພ້ອມໃຫ້ພາກສ່ວນກ່ຽວຂ້ອງນຳໄປຈັດຕັ້ງປະຕິບັດ, ເປັນຕົ້ນ ການສະໜອງນ້ຳເຮັດນາແຊງໃຫ້ທ່ວງທັນເດືອນພະຈິກ 2018, ສະໜອງແນວພັນທີ່ດີໃຫ້ ໂດຍໃຫ້ຂາຍໃນລາຄາທີ່ສົມເຫດສົມຜົນ 1 ກິໂລ ຕໍ່ 6 ພັນກີບ ສະເພາະຄອບຄົວທີ່ທຸກຍາກກໍ່ຈະມີນະໂຍບາຍພິເສດ, ສ່ວນຂໍ້ສະເໜີອື່ນໆຈະນຳໄປພິຈາລະນາ ແລະ ປຶກສາກັບຂະແໜງການກ່ຽວຂ້ອງຕື່ມອີກ, ເພື່ອພ້ອມກັນແກ້ໄຂ ແລະ ຟື້ນຟູສະພາບໄພພິບັດນ້ຳຖ້ວມໃຫ້ກັຍສູ່ສະພາບປົກກະຕິໂດຍໄວເທົ່າທີ່ຈະໄວໄດ້.

 

ທີ່ມາຂໍ້ມູນ: ໜັງສືພີມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 26 guests and no members online

ແຜນທີ່ນະຄອນຫຼວງວຽງຈັນ