Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

f251f4638ed06a4acf3681f75c376c51

      ກອງ​ປະ­ຊຸມ​ສຳນັກງານ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ຄັ້ງ​ທີ 21 ໄດ້​ໄຂ​ຂຶ້ນ​ວັນ​ທີ 6 ກັນ­ຍາ 2018 ທີ່​ສຳນັກງານ​ປົກ­ຄອງ​ນະ­ຄອນ­ຫຼວງ​ວຽງ​ຈັນເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ເຈົ້າ­ເມືອງ ຫົວ­ໜ້າ​ພະ­ແນກ­ການຫົວ­ໜ້າ​ອົງ­ການ​ທຽບ​ເທົ່າ​ຂັ້ນ​ນະ­ຄອນ­ຫຼວງ ຄະ­ນະ​ກຳ­ມະ­ການ​ເສດ­ຖະ­ກິດແຜນ­ການ ແລະ ການ​ເງິນ ສະ­ພາ​ປະ­ຊາ­ຊົນ ເຂົ້າ​ຮ່ວມ.

    ໃນ​ກອງ​ປະ­ຊຸມ​ພາກ​ເຊົ້າ ທ່ານ ພູ​ໂຂງ ບັນ­ນະ​ວົງ ຫົວ­ໜ້າ​ພະ­ແນກ­ແຜນການ ແລະ ການລົງທຶນໄດ້​ຂຶ້ນ​ລາຍ​ງານ​ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 6 ເດືອນ​ຕົ້ນ​ປີ 2018 ແລະ ແຜນ​ຈຸດ​ສຸມ​ທ້າຍ​ປີ 2018 ວ່າ: ໃນ 6 ເດືອນ​ຕົ້ນ​ປີ ນະ­ຄອນ­ຫຼວງ​ວຽງ​ຈັນ ເສດ­ຖະ­ກິດ​ຂະ­ຫຍາຍ­ຕົວ​ໃນ​ລະ­ດັບ 9,6% (ແຜນ​ວາງ​ໄວ້​ແມ່ນ 10,5%) ສ້າງ​ມູນ​ຄ່າ​ເພີ່ມ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ໄດ້​ປະ­ມານ 44.630 ຕື້​ກີບ ສະ­ເລ່ຍ​ຕໍ່​ຫົວ​ຄົນ​ບັນ­ລຸ 5.329 ໂດ​ລາ​ສະ­ຫະ­ລັດ (ແຜນ​ວາງ​ໄວ້​ແມ່ນ 5.490 ໂດ​ລາ​ສະ­ຫະ­ລັດ) ໃນ​ນັ້ນ ກະ­ສິ­ກຳ-ປ່າ­ໄມ້ເພີ່ມ​ຂຶ້ນ 4,7% ກວມ​ເອົາ 14,2% ຂອງ GDP ອຸດ­ສາ­ຫະ­ກຳ ເພີ່ມ​ຂຶ້ນ 12,8% ກວມ​ເອົາ 49,3% ຂອງ GDP ບໍ­ລິ­ການ​ເພີ່ມ​ຂຶ້ນ 8,5% ກວມ​ເອົາ 36,4% ຂອງ GDP ສາ­ມາດ​ເກັບ​ລາຍ​ຮັບ​ໄດ້ 612,06 ຕື້​ກີບ ທຽບ­ໃສ່​ແຜນ­ການ​ປະ­ຕິ­ບັດ​ໄດ້ 54,56% ໃນ​ນັ້ນ ຮັບ​ຈາກ​ສ່ວຍ​ສາ​ອາ­ກອນ 577,18 ຕື້​ກີບ ທຽບ­ໃສ່​ແຜນ­ການ​ປີ (1.146,61ຕື້​ກີບ) ປະ­ຕິ­ບັດ​ໄດ້ 50,34% ຮັບ​ຈາກ​ຊັບ​ສິນ​ຂອງ​ລັດ 34,24 ຕື້​ກີບ ທຽບ­ໃສ່​ແຜນ­ການ​ປີ (65 ຕື້​ກີບ) ປະ­ຕິ­ບັດ​ໄດ້ 52,68% ລາຍ​ຮັບ​ຄຸ້ມ​ຄອງ​ລັດ​ວິ​ສາ​ຫະ​ກິດ 627,49 ລ້ານ​ກີບ ທຽບ­ໃສ່​ແຜນ­ການ​ປີ (633,10 ລ້ານ​ກີບ) ປະ­ຕິ­ບັດ​ໄດ້ 99,11% ສ່ວນ​ການ​ລົງ­ທຶນ​ທົ່ວ​ສັງ­ຄົມ​ປະ­ຕິ­ບັດ​ໄດ້ 8.456,55 ຕື້​ກີບທຽບ­ໃສ່​ແຜນ­ການ​ປີ​ທີ່​ວາງ​ໄວ້ (15.500 ຕື້​ກີບ) ປະ­ຕິ­ບັດ​ໄດ້ 54,56% ໂຄງ­ການ​ລົງ­ທຶນ​ທີ່​ພົ້ນ​ເດັ່ນ ເປັນ­ຕົ້ນ​ແມ່ນໂຄງ­ການ​ຕະ­ຫຼາດ​ທົ່ງ​ຂັນ​ຄຳ ເມືອງ​ຈັນ­ທະ​ບູ​ລີ ໄດ້​ສຳ­ເລັດ 100% ເປີດ​ບໍ­ລິ­ການ​ໂຄງ­ການ​ພັດ­ທະ­ນາ​ສູນ​ການ​ຄ້າ​ຕະ­ຫຼາດ​ທາດ­ຫຼວງ ສຳ­ເລັດ 100% ໄດ້​ເປີດ​ບໍ­ລິ­ການ​ໂຄງ­ການ​ພັດ­ທະ­ນາ​ສູນ​ການ​ຄ້າ​ເວີນ​ເທດ​ເຊັນ​ເຕີປະ­ຕິ­ບັດ​ໄດ້​ສຳ­ເລັດ 80%.

ສຳ­ລັບ​ທິດ​ທາງ​ແຜນ­ການ​ຈຸດ​ສຸມ​ພັດ­ທະ­ນາ​ເສດ­ຖະ­ກິດ-ສັງ­ຄົມ 6 ເດືອນ​ທ້າຍ​ປີ 2018 ສູ້​ຊົນ​ເຮັດ​ໃຫ້​ເສດ­ຖະ­ກິດ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ​ໃນ​ລະ­ດັບ​ສູງລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ນະ­ຄອນ­ຫຼວງ​ວຽງ​ຈັນ​ເພີ່ມ​ຂຶ້ນ​ບໍ່​ຫຼຸດ 10,5% ຄາດ​ຄະ­ເນ​ມູນ​ຄ່າ GDP ໃຫ້​ໄດ້​ໃນ​ລະ­ດັບ 45.450 ຕື້​ກີບສະ­ເລ່ຍ​ຕໍ່​ຫົວ​ຄົນ 5.490 ໂດ​ລາ ໃນ​ນັ້ນ ກະ­ສິ­ກຳ-ປ່າ­ໄມ້​ເພີ່ມ​ຂຶ້ນ 5,5% ກວມ​ເອົາ 15% ຂອງ GDP ອຸດ­ສາ­ຫະ­ກຳ​ເພີ່ມ​ຂຶ້ນ 14% ກວມ​ເອົາ 47% ຂອງ GDP ການ​ບໍ­ລິ­ການ​ເພີ່ມ​ຂຶ້ນ 10% ກວມ​ເອົາ 38% ຂອງ GDP ຮັກ­ສາ​ອັດ­ຕາ​ແລກ­ປ່ຽນໃຫ້​ມີ​ສະ­ຖຽນ​ລະ​ພາບ ເງິນ​ກີບ​ແຂງ​ຄ່າ ຫຼື ອ່ອນ​ຄ່າຢູ່​ໃນ​ລະ­ດັບ​ບໍ່​ກາຍ 5% ຕໍ່​ປີ ສູ້​ຊົນ​ສົ່ງ​ອອກ​ສິນ­ຄ້າສະ­ເລ່ຍ​ໃຫ້​ເພີ່ມ​ຂຶ້ນ 18% ແລະ ການ​ນຳ​ເຂົ້າ​ເພີ່ມ​ຂຶ້ນ​ປະ­ມານ 8% ສືບ­ຕໍ່​ແກ້​ໄຂ​ໜີ້​ສິນ​ທີ່​ຍັງ​ຄ້າງ​ຊຳ­ລະ​ໃຫ້​ແກ່​ບັນ­ດາ​ຫົວ­ໜ່ວຍ​ທຸ­ລະ​ກິດທີ່​ຕິດ​ພັນ​ກັບ​ໂຄງ­ການ​ລົງ­ທຶນ​ຂອງ​ລັດ ແລະເປັນ​ໂຄງ­ການ​ທີ່​ນອນ​ຢູ່​ໃນ​ແຜນ­ທີ່​ເຮັດ​ສຳ­ເລັດ​ແລ້ວ 100% ຄຽງ​ຄູ່​ກັນ​ນັ້ນ​ໄດ້​ເນັ້ນ​ໃສ່​ຄາດ­ໝາຍ​ສຳ­ຄັນ​ແມ່ນ​ຮັບ­ປະ­ກັນ​ໃຫ້ ນະຄອນຫຼວງວຽງຈັນປະ­ຕິ­ບັດ​ຄາດ­ໝາຍ​ການ​ຈັດ​ເກັບ​ການ​ໃຊ້​ຈ່າຍ ແລະການ​ປະ­ຕິ­ບັດ​ພັນ­ທະ​ຕໍ່​ສູນ​ກາງ​ໃຫ້​ບັນ­ລຸ​ຕາມ​ແຜນ​ປະ­ຈຳ​ປີທີ່​ສະ­ພາ​ປະ­ຊາ­ຊົນ ແລະ ລັດ­ຖະ­ບານ​ມອບ​ໝາຍ ພ້ອມ​ກັນ​ນັ້ນຍັງ​ຕ້ອງ​ຂຸດ​ຄົ້ນ​ທ່າ­ແຮງ​ບົ່ມ​ຊ້ອນ​ຕື່ມ​ອີກເພື່ອ​ເປັນ​ຖານ​ແກ້​ໄຂ​ໜີ້​ສິນ​ເກົ່າ​ໃຫ້​ໄດ້​ເພີ່ມ​ອີກ​ຢ່າງ​ໜ້ອຍ 5-10%.

ຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 64

ຈຳນວນຜູ້ເຂົ້າຊົມວານນີ້ 77

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 1118

ຈຳນວນຜູ້ເຂົ້າຊົມທັງໝົດ 32153

Currently are 18 guests and no members online

ແຜນທີ່ນະຄອນຫຼວງວຽງຈັນ