Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

    f81819c393c7f965eae76328c27704dd

     ພິ­ທີ​ເປີດ​ນຳ​ໃຊ້ຫ້ອງ​ປະ­ຕູ​ດຽວ ຈັດ​ຂຶ້ນ​ໃນ​ວັນ​ທີ 23 ສິງ­ຫາ 2018 ທີ່​ສຳ­ນັກ­ງານ​ຫ້ອງ​ວ່າ­ການ​ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ​ມີ​ທ່ານ ອຸ­ດອນ ໄຊ​ມຸນ­ຕີ ຮອງ​ປະ­ທານ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງຈັນ ຫົວ­ໜ້າ​ໂຮງ­ຮຽນ​ທິດ​ສະ​ດີ​ການ­ເມືອງ-ການ​ປົກ­ຄອງ ນະ­ຄອນ­ຫຼວງ​ວຽງ​ຈັນ ທ່ານ ພູ​ວົງ ວົງ​ຄຳ​ຊາວ ຫົວ­ໜ້າ​ຫ້ອງ​ວ່າ­ການ ນະ­ຄອນ­ຫຼວງ​ວຽງ​ຈັນ ທ່ານ ບຸນ​ໜາ ຜາ​ທຸມ​ມະ​ວົງ ຫົວ­ໜ້າ​ພະ​ແນກ​ພາຍ​ໃນ ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ຄະ­ນະ​ນຳ​ພັກ-ລັດຂັ້ນ​ເມືອງ ພະ​ແນກ ຫ້ອງ­ການ ກອງ​ບັນ­ຊາ​ການ ອົງ​ການ­ຈັດ­ຕັ້ງ​ມະ­ຫາ­ຊົນ​ອ້ອມ​ຂ້າງ​ນະ­ຄອນ­ຫຼວງ.

    ທ່ານ ວຽງ​ສະ­ໄໝ ພາ​ສະ­ເຫຼີມ​ສຸກ ຮອງ​ຫົວ­ໜ້າ​ຫ້ອງ​ວ່າ­ການ ຜູ້​ຊີ້​ນຳ​ວຽກ​ງານ​ຫ້ອງ​ບໍ­ລິ­ການ​ປະ­ຕູ​ດຽວ​ພາຍ​ໃນ​ສຳ­ນັກ­ງານ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ກ່າວ​ວ່າ: ການ​ບໍ­ລິ­ການ​ປະ­ຕູ​ດຽວ ແມ່ນ​ເພື່ອ​ແກ້​ໄຂ​ບັນ­ຫາ​ຄວາມ​ຊັກ​ຊ້າ ໃນ​ຂອບ​ເຂດ​ຂອງ​ບໍ­ລິ­ຫານ ປະ­ຢັດ​ບຸ​ຄະ­ລາ​ກອນ ເພື່ອ​ນຳ​ໃຊ້​ເຄື່ອງ­ມື​ທັນ​ສະ­ໄໝ (Smart Documents) ແລະ ເພື່ອ​ເຮັດ​ໃຫ້​ມີ​ບໍ­ລິ­ຫານ​ລັດ​ມີ​ຄວາມ​ໂປ່ງ​ໃສ ແລະ ອຳ­ນວຍ​ຄວາມ​ສະ­ດວກ​ສະ­ບາຍ​ໃຫ້​ຜູ້­ນຳ​ມາ​ໃຊ້​ການ​ບໍ­ລິ­ການ ຢູ່​ສຳ­ນັກ­ງານນະ­ຄອນ­ຫຼວງ​ວຽງ​ຈັນ ເທົ່າ​ທີ່​ເຮົາ​ເຮັດ​ໄດ້ຢາກ​ໃຫ້​ບໍ­ລິ­ການ​ໄວ ປັດ­ຈຸ­ບັນ​ຍັງ​ບໍ່​ທັນ​ມີ​ຂໍ້​ມູນ​ທີ່​ຊັດ​ເຈນ ນະ­ໂຍ­ບາຍ​ຂອງ​ລັດ­ຖະ­ບານ​ແມ່ນ​ບໍ່​ໃຫ້​ກາຍ 10 ວັນ ແລະ ເພື່ອ​ປະ­ຢັດ​ຄ່າ​ໃຊ້​ຈ່າຍ​ຕ່າງໆ​ລົງ ສຳ­ລັບ​ຄາດ­ໝາຍ​ຜົນ​ໄດ້​ຮັບ​ແມ່ນ​ຫຼຸດ​ເວ­ລາ​ກາຍ ແກ້​ໄຂ​ເອ­ກະ­ສານ​ໃຫ້​ສັ້ນ​ລົງ​ບໍ່​ເກີນ 10 ວັນ ຕາມ​ຄາດ­ໝາຍ​ຂອງ​ລັດ­ຖະ­ບານ​ວາງ​ອອກ ສ້າງ​ສິ່ງ​ອຳ­ນວຍ​ຄວາມ​ສະ­ດວກ​ໃນ​ການ​ບໍ­ລິ­ຫານ​ທຸ­ລະ​ກິດ ແລະ ປະ­ຊາ­ຊົນ​ໃຫ້​ດີ ແລະ ໄວ​ຂຶ້ນ (ປັດ​ຈຸບ​ບັນ ສປປ ລາວ ຖືກ​ຈັດ​ໃນ​ອັນ​ດັບ​ທີ 141 ຂອງ​ປະ­ເທດ​ທີ່​ບໍ­ລິ­ຫານ​ທຸ­ລະ​ກິດ​ດີ ລັດ­ຖະ­ບານ​ສູ້​ຊົນ​ໃຫ້​ເລື່ອນ​ມາ​ຢູ່​ໃນ​ອັນ​ດັບ​ບໍ່​ເກີນ​ສອງ​ຕົວ​ເລກ) ຫຼຸດ​ຈຳ­ນວນ​ຄົນ​ທີ່​ເຮັດ​ວຽກ​ຂາ​ເຂົ້າ-ຂາ​ອອກ ແລະ ຄ່າ​ໃຊ້​ຈ່າຍ​ຕ່າງໆ​ທີ່​ບໍ່​ຈຳ­ເປັນ​ລົງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 64

ຈຳນວນຜູ້ເຂົ້າຊົມວານນີ້ 77

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 1118

ຈຳນວນຜູ້ເຂົ້າຊົມທັງໝົດ 32153

Currently are 66 guests and no members online

ແຜນທີ່ນະຄອນຫຼວງວຽງຈັນ