Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

4180ee218a228a94c0d4365315756cd2

     ວັນ​ທີ 9 ກຸມພາ 2018 ຢູ່ສະຖານກົງສູນ​ໃຫຍ່​ລາວ​ທີ່​ນະຄອນ​ດາ​ນັງ ​ສສ ຫວຽດນາມ ໄດ້ມີ​ພິທີ​ມອບ-ຮັບ​ເຄື່ອງ​ຊ່ວຍເຫຼືອບັນເທົາ​ທຸກ ​ໃຫ້​ແກ່​ປະຊາຊົນ​ບັນດາ​ແຂວງ​ພາກ​ກາງ​ຫວຽດນາມ ລວມ​ມີ​ແຂວງ​ກວາງ​ຈິ ແຂວງເຫືອ​ທຽນ​ເຫວ້ ນະຄອນ​ດາ​ນັງ ແຂວງ​ກວາງ​ນາມ ແຂວງ​ກວາງງາຍ ແລະ ແຂວງ​ບິ່ງ​ດິ່ງ ເຊິ່ງເດີນທາງ​ໄປ​ມອບ​ເຄື່ອງ​ຊ່ວຍເຫຼືອຄັ້ງ​ນີ້ ນຳ​ໂດຍ​ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນະຄອນຫຼວງ​ວຽງ​ຈັນ ປະທານ​ສະມາຄົມ​ມິດຕະພາບ​ລາວ-ຫວຽດນາມ ນະຄອນຫຼວງ​ວຽງຈັນ ພ້ອມ​ດ້ວຍ​ຄະນະ​ສະມາຊິກ ສະມາຄົມ​ມິດຕະພາບ ລາວ-ຫວຽດນາມ ແລະ ອະດີດ​ນັກ​ສຶກສາ​ລາວ ​ທີ່​ເຄີຍ​ຮຽນ​ຢູ່​ຫວຽດນາມ.

ການ​ມອບ​ເຄື່ອງ​ຊ່ວຍເຫຼືອ​ຄັ້ງນີ້ ເພື່ອ​ຊ່ວຍເຫຼືອ​ບັນເທົາ​ທຸກ ແລະ ທັງ​ເປັນ​ການ​ມອບ​ຂອງຂວັນ​ອວຍພອນ​ປີ​ໃໝ່​ຫວຽດນາມ ໃຫ້​ແກ່​ປະຊາຊົນ​ບັນດາ​ແຂວງພາກ​ກາງ​ຫວຽດນາມ ທີ່​ໄດ້​ຮັບຜົນ​ກະທົບ​ຈາກ​ພາຍຸ​ໝາຍ​ເລກ 12 ເຊິ່ງ​ເຄື່ອງ​ຊ່ວຍເຫຼືອ​ບັນເທົາທຸກ​ຄັ້ງ​ນີ້ ລວມ​ມີເຂົ້າສານ​ໜຽວ 77 ໂຕນ ລວມ​ມູນ​ຄ່າ 500 ລ້ານ​ກີບ ແລະ ເຄື່ອງນຸ່ງ​ຫົ່ມ​ຈຳນວນ​ໜຶ່ງ ເຄື່ອງ​ຊ່ວຍເຫຼືອ​ດັ່ງກ່າວ​ແມ່ນ​ໄດ້​ມາຈາກ​ການຈັດຕັ້ງ​ລະດົມ​ ວັດຖຸ​ປັດໄຈ​ຈາກ​ທຸກ​ອົງ​ການຈັດຕັ້ງ​ທຸກພາກສ່ວນ ແລະ ປະຊາຊົນ ນະຄອນ​ຫຼວງ​ວຽງ​ຈັນ ​ທຸກ​ຄອບຄົວ.

ການ​ມອບ​ເຄື່ອງ​ບັນເທົາ​ທຸກຄັ້ງ​ນີ້ ເຖິງ​ວ່າ​ມູນ​ຄ່າ​ບໍ່​ຫຼາຍ​ທຽບໃສ່​ຄວາມ​ຕ້ອງການ​ຕົວ​ຈິງ​ ຂອງບັນດາ​ແຂວງ​ທີ່​ຖືກ​ຜົນ​ກະທົບຈາກ​ອຸ​ທົກ​ກະ​ໄພ​ດັ່ງກ່າວ ແຕ່ເປັນ​ການ​ແບ່ງ​ເບົາ ບັນເທົາ​ທຸກ​ດ້ານ​ຈິດໃຈ​ຂອງປະຊາຊົນ​ຜູ້​ປະສົບ​ໄພ ໃນ​ຍາມ​ມີ​ບັນຫາ ທີ່​ປະຊາຊົນ​ສອງ​ຊາດ​ມີ​ມູນເຊື້ອ​ຊ່ວຍເຫຼືອ​ເຊິ່ງ​ກັນ ແລະ ກັນ​ມາ​ນານ​ແລ້ວ.

 

ຂໍ້ມູນຈາກ: ໜັງສືພີມວຽງຈັນໃໝ່

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 82

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 82

ຈຳນວນຜູ້ເຂົ້າຊົມເດືອນນີ້ 520

ຈຳນວນຜູ້ເຂົ້າຊົມທັງໝົດ 37749

Currently are 31 guests and no members online

ແຜນທີ່ນະຄອນຫຼວງວຽງຈັນ