Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

c7a4d5eaad768cd27d0768c180df5d0e

     ພິທີ​ພົບ​ປະລະຫວ່າງຄະນະຜູ້​ແທນ​ການ​ນຳ​ຂັ້ນ​ສູງ​ນະຄອນຫຼວງ​ວຽງ​ຈັນນຳ​ໂດຍ​ທ່ານ ສິນລະ​ວົງ ຄຸດ​ໄພທູນ ກຳມະການ​ກົມການເມືອງ​ສູນ​ກາງ​ພັກເລຂາ​ຄະນະ​ພັກ ເຈົ້າ​ຄອງ​ນະຄອນຫຼວງວຽງ​ຈັນ ແລະຄະນະ​ຜູ້​ແທນ​ຂັ້ນສູງ​ນະຄອນ​ໂຮ່​ຈີ​ມິງ ​ສສ ຫວຽດນາມ ນຳ​ໂດຍ​ທ່ານ ຫງວຽນ ທ້ຽນເຍິນ ກຳມະການ​ກົມ​ການເມືອງ​ສູນ​ກາງ​ພັກ ເລຂາ​ຄະນະພັກຫົວໜ້າຄະນະ​ສະມາຊິກ​ສະພາ​ແຫ່ງ​ຊາດ ນະຄອນ​ໂຮ່​ຈີ​ມິງ ໄດ້​ມີ​ຂຶ້ນ​ວັນ​ທີ 22 ມັງກອນ 2018 ທີ່​ຫ້ອງ​ວ່າການ​ປົກຄອງນະຄອນຫຼວງ​ວຽງ​ຈັນໂອກາດທີ່​ຄະນະ​ຜູ້​ແທນ​ດັ່ງກ່າວ ​ເດີນທາງມາ​ຢ້ຽມຢາມ ແລະເຮັດ​ວຽກ​ຢູ່ນະຄອນຫຼວງ​ວຽງ​ຈັນ ວັນ​ທີ 22-26 ມັງກອນ​ນີ້.

      ການ​ພົບ​ປະ​ຄັ້ງ​ນີ້ສອງ​ຝ່າຍໄດ້​ຜັດປ່ຽນ​ກັນ​ລາຍ​ງານ​ກ່ຽວ​ກັບສະພາບ​ລວມ​ການ​ພັດທະນາ​ເສດຖະ​ກິດ-ສັງຄົມແລະ ການ​ພັດ​ທະນາ​ພື້ນຖານ​ໂຄງ​ລ່າງ​ຂອງ​ນະຄອນ​ຕົນ​ໃຫ້​ກັນ ແລະ ກັນ​ຊາບເພື່ອ​ເປັນ​ການ​ແລກປ່ຽນ​ຄຳ​ຄິດເຫັນບົດຮຽນ​ເຊິ່ງ​ກັນ ແລະ ກັນ ພ້ອມ​ນັ້ນກໍ່​ໄດ້​ຮ່ວມ​ກັນ​ຕີ​ລາຄາຄືນ​ຜົນ​ໄດ້​ຮັບຂໍ້ຄົງຄ້າງ​ໃນ​ການຈັດ​ຕັ້ງ​ປະຕິບັດ​ໂຄງການ​ຮ່ວມ​ມືລະຫວ່າງ​ສອງ​ນະຄອນ​ໃນ​ໄລຍະຜ່ານ​ມາແລະ ພ້ອມ​ກັນ​ວາງ​ທິດທາງ​ການ​ຮ່ວມ​ມື​ລະຫວ່າງ​ສອງນະຄອນ​ໃນຕໍ່ໜ້າເຊິ່ງ​ທ່ານ​ເຈົ້າຄອງ​ນະຄອນຫຼວງ​ວຽງ​ຈັນ​ໄດ້​ສະເໜີ​ໃຫ້​ນະຄອນ​ໂຮ່​ຈິ​ມິງ​ພິ​ຈາລະນາ​ຊຸກຍູ້​ການ​ຮ່ວມ​ມືລະຫວ່າງຂະແໜງ​ໄປສະນີ ໂທລະ​ຄົມ​ມະນາ​ຄົມ ແລະ ການ​ສື່ສານ​ຂອງສອງ​ນະຄອນ​ໃຫ້​ໄດ້​ມີ​ການ​ຮ່ວມມື​ພັດທະນາ​ລະບົບ​ຄຸ້ມ​ຄອງ​ບໍ​ລິຫານ​ລັດ​ເປັນ​ທັນ​ສະໄໝໂດຍເລັ່ງ​ໃສ່​ການ​ສ້າງ​ຂໍ້​ມູນ​ຂ່າວສານ ການ​ເຊື່ອມ​ໂຍງ​ຂໍ້​ມູນ​ຂ່າວສານການ​ຄຸ້ມ​ຄອງ​ດ້ວຍ​ລະບົບ​ເອ​ເລັກໂຕຣ​ນິກສະເໜີ​ໃຫ້​ສືບຕໍ່​ການຊ່ວຍເຫຼືອ​ທາງ​ການ​ສຶກ​ສາ​ປະລິນ​ຍາ​ຕີ 10 ທຶນປະລິນຍາ​ໂທ 7 ທຶນ ແລະ ລະດັບ​ຊັ້ນ​ກາງ 7 ທຶນ​ຕໍ່​ປີ ຢູ່​ນະຄອນ​ໂຮ່​ຈີ​ມິງຊ່ວຍເຝິກອົບຮົມ​ຍົກ​ລະດັບ​ຄຸນະພາບທາງ​ດ້ານ​ຊັບພະຍາກອນ​ມະນຸດທີ່​ເຄື່ອນ​ໄຫວ​ໃນ​ຂົງເຂດ​ຫໍ​ສະໝຸດ ຫໍ​ພິ​ພິ​ທະ​ພັນ ແລະຈັດ​ຕັ້ງບັນດາ​ກິດຈະກຳ​ແລກປ່ຽນ ແຂ່ງຂັນ​ກີລາ​ເພື່ອ​ແບ່ງປັນ​ບົດຮຽນປະສົບ​ການ ແລະ ຍົກ​ສູງ​ລະດັບວິຊາ​ສະເພາະ​ຂອງ​ຄູ​ເຝິກ ນັກ​ກີລາ ແລະກຳມະການ​ກີລາ ນອກນັ້ນນະຄອນຫຼວງ​ວຽງ​ຈັນ​ຍັງ​ໄດ້ຍິນ​ຂ່າວ​ຈາກ​ນັກທຸລະກິດ​ວ່ານະຄອນ​ໂຮ່​ຈີ​ມິງ​ມີ​ວັດຖຸ​ປະສົງຢາກ​ສ້າງ​ເສັ້ນທາງ​ໜຶ່ງ​ທີ່​ມີ​ຊື່ວ່າວຽງ​ຈັນ-ໂຮ່​ຈີ​ມິງຖ້າ​ມີ​ແຜນ​ສະເໜີ​ໃຫ້​ມີ​ໜ່ວຍ​ວິຊາ​ການ​ຄົ້ນຄວ້າ​ກ່ອນ​ຈຶ່ງ​ຕົກລົງ​ລະອຽດຕໍ່​ໄປເພື່ອ​ເປັນ​ນິມິດ​ໝາຍ​ໃຫ້​ແກ່ສອງ​ນະຄອນ.

     ພ້ອມ​ນີ້ ໃນ​ວັນ​ດຽວ​ກັນ ຄະນະ​ຜູ້​ແທນ​ຂັ້ນ​ສູງ​ນະຄອນ​ໂຮ່​ຈີ​ມິງໄດ້​ທ່ຽວ​ຊົມ​ລາຕີ​ວຽງ​ຈັນນຳພາໂດຍ​ທ່ານ ສີ​ຫຸນ ສິດທິ​ລື​ໄຊ ຮອງເຈົ້າ​ຄອງເຊິ່ງ​ໄດ້​ເດີນທາງ​ອອກຈາກ​ໂຮງແຮມ​ເໝືອງ​ແທງແລ້ວໄປ​ກາບ​ໄຫວ້​ພະ​ທາດຫຼວງ​ວຽງຈັນ ຢ້ຽມຢາມ​ສວນ​ໜອງ​ບົວ​ສະພັງ​ເລນ  ປະຕູ​ໄຊໄປ​ອ້ອມ​ສວນເຈົ້າຟ້າ​ງຸ່ມ ໄປ​ຍັງ​ສາມ​ແຍກ​ປາກປ່າ​ສັກອອກ​ໄປ​ຕາມ​ຖະໜົນແຄມ​ຂອງ ເຂົ້າ​ໂຮງແຮມ​ແລນມາກ​ແມ່​ຂອງ​ຣີ​ເວີ​ໄຊເພື່ອ​ເປັນການ​ຊຸກຍູ້​ສົ່ງເສີມ​ປີ​ທ່ອງ​ທ່ຽວລາວ 2018 ໃຫ້​ເປັນ​ຂະ​ບວນ​ຟົດຟື້ນ ຈາກ​ນັ້ນຄະນະ​ຜູ້​ແທນ​ໄດ້ເຂົ້າ​ຮ່ວມ​ງານ​ລ້ຽງ​ອາຫານ​ຄ່ຳ​ທີ່ໂຮງແຮມ​ດັ່ງກ່າວເປັນ​ເຈົ້າພາບຂອງ​ທ່ານ​ເຈົ້າ​ຄອງ​ນະຄອນຫຼວງວຽງ​ຈັນ.

 

 

ຂອບໃຈ: ໜັງສືພິມວຽງຈັນໃໝ່

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 82

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 82

ຈຳນວນຜູ້ເຂົ້າຊົມເດືອນນີ້ 520

ຈຳນວນຜູ້ເຂົ້າຊົມທັງໝົດ 37749

Currently are 40 guests and no members online

ແຜນທີ່ນະຄອນຫຼວງວຽງຈັນ