Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

26804536 517265571986739 5439472671343784066 n

    ກອງ​ປະຊຸມ​ປະຈຳ​ປີ 2017 ຂອງ​ສະມາຊິກ​ສະພາ​ແຫ່ງ​ຊາດ ຊຸດ​ທີ VIII ປະຈຳ​ເຂດ​ເລືອກ​ຕັ້ງທີ 1 ນະຄອນຫຼວງ​ວຽງ​ຈັນ ຈັດ​ຂຶ້ນວັນ​ທີ 8 ມັງກອນ 2018 ໂດຍ​ເປັນ​ປະທານຂອງ​ທ່ານ ອານຸ​ພາບ ຕຸ​ນາ​ລົມປະທານ​ຄະນະສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງ​ທີ 1 ນະຄອນຫຼວງວຽງ​ຈັນ ມີ​ບັນດາ​ທ່ານ​ຮອງ​ເຈົ້າຄອງ​ນະຄອນຫຼວງ ​ບັນດາການ​ນຳ​ຂອງນວ ນັກ​ປະຕິວັດອາວຸໂສ ອະດີດ​ສະມາຊິກ​ສະພາແຫ່ງ​ຊາດ ນັກທຸລະກິດ ແຂກຖືກ​ເຊີນແລະ ບັນດາ ​ສສຊ ຊຸດ​ທີ VIII ປະຈຳ​ເຂດ​ເລືອກ​ຕັ້ງທີ 1 ເຂົ້າ​ຮ່ວມ.

     ນັບ​ແຕ່​ກອງ​ປະຊຸມ​ຄັ້ງ​ປະຖົມມະລຶກ​ຂອງ​ສະພາ​ແຫ່ງ​ຊາດ ຊຸດທີ VIII ເປັນຕົ້ນ​ມາ ຄະນະ​ສະ​ມາຊິກ ສະມາຊິກ​ສະພາ​ແຫ່ງ​ຊາດ ຊຸດ​ທີ VIII ຂອງ​ເຂດ​ເລືອກ​ຕັ້ງ​ທີ 1 ໄດ້​ສົມທົບ​ກັບ​ສະພາ​ປະຊາຊົນ ນວປະຕິບັດ​ພາລະ​ບົດບາດ​ຕິດຕາມ​ກວດກາ​ການເຄື່ອນໄຫວ ແຜນການ​ໂຄງການ ແລະການຈັດ​ຕັ້ງ​ປະຕິບັດ​ແຜນ​ພັດທະນາເສດຖະກິດ-ສັງຄົມ​ຂອງ​ລັດ​ຖະບານ​ຢູ່ ນວຕິດຕາມ​ການ​ເຄື່ອນໄຫວ​ຂອງ​ອົງການ​ປົກຄອງ ນວເພື່ອ​ຊຸກຍູ້​ການຈັດຕັ້ງ​ປະຕິບັດແຜນ​ພັດທະນາ​ເສດຖະກິດ-ສັງຄົມ ແລະແຜນ​ງົບປະມານ​ຂອງ ນວ ໃຫ້​ໄປ​ຕາມ​ລະບຽບ​ກົດໝາຍໄດ້​ລົງ​ຕິດຕາມ​ກວດກາ​ບັນດາ​ຫົວໜ່ວຍ​ທຸລະ​ກິດ ໂຮງ​ຈັກ​ໂຮງງານທີ່​ສ້າງ​ຜົນ​ກະທົບ​ຕໍ່​ຊີວິດ​ການ​ເປັນຢູ່​ຂອງ​ປະຊາຊົນໄດ້​ແກ້​ໄຂ​ຄຳຮ້ອງ​ຂໍ​ຄວາມ​ເປັນ​ທຳ ຄຳ​ສະເໜີຂອງ​ປະຊາຊົນ​ໃນ​ຂອບ​ເຂດ ນວ ແລະໄດ້​ສົ່ງ​ໃຫ້​ພາກສ່ວນ​ທີ່​ກ່ຽວຂ້ອງ​ແກ້​ໄຂ​ຕາມ​ລະບຽບ​ກົດໝາຍ.

     ກອງ​ປະຊຸມ​ຄັ້ງ​ນີ້ ໄດ້​ພ້ອມ​ກັນສຸມ​ໃສ່​ບາງ​ວຽກ​ງານ​ສຳຄັນ​ພື້ນຖານເປັນຕົ້ນ​ພິຈາລະນາ ແລະຮັບຮອງ​ບົດ​ລາຍ​ງານ​ການ​ເຄື່ອນໄຫວ​ວຽກ​ງານ​ຂອງ​ສະມາຊິກ​ສະພາ​ແຫ່ງ​ຊາດຊຸດ​ທີ VIII ປະຈຳເຂດ​ເລືອກ​ຕັ້ງ​ທີ 1 ນວ ພ້ອມ​ທັງເປີດ​ໂອກາດ​ໃຫ້​ບັນດາ ​ສສຊໄດ້ຊັກ​ຖາມ ແລະ ແລກປ່ຽນ​ບົດຮຽນ​ກັບ​ຄະນະ​ນຳ​ຂອງ ນວ ພະແນກ​ການ ແລະອົງການ​ທີ່​ກ່ຽວຂ້ອງພ້ອມ​ທັງ​ລົງມະຕິ​ຮັບຮອງເອົາ​ບົດ​ລາຍ​ງານ​ການ​ເຄື່ອນໄຫວ​ວຽກ​ງານປີ 2017 ແລະທິດ​ທາງ​ແຜນການ​ປະຈຳ​ປີ 2018 ຂອງ​ຄະນະ​ສະມາຊິກ​ສະພາ​ແຫ່ງຊາດ ຊຸດ​ທີ VIII ປະຈຳ​ເຂດເລືອກ​ຕັ້ງ​ທີ 1 ນວ ເຊິ່ງ​ກອງ​ປະຊຸມ​ຄັ້ງ​ນີ້ຜູ້​ເຂົ້າ​ຮ່ວມ​ໄດ້​ຜັດປ່ຽນກັນ​ຂຶ້ນ​ປະກອບ​ຄຳ​ຄິດ​ຄຳ​ເຫັນຢ່າງ​ກົງ​ໄປ​ກົງ​ມາແລະ ມີ​ຫຼາຍບັນຫາ​ທີ່​ຖືກ​ຍົກ​ຂຶ້ນ​ມາ​ຊັກ​ຖາມຄົ້ນຄວ້າ​ເຮັດ​ໃຫ້​ກອງ​ປະຊຸມ​ມີບັນຍາກາດ​ຄຶກຄື້ນ ເພື່ອ​ຄວາມເປັນ​ເອກະ​ພາບສືບຕໍ່​ວຽກ​ງານໃນ​ການ​ແກ້​ໄຂ​ບັນຫາ​ນຳ​ຜົນ​ປະໂຫຍດ​ອັນ​ຊອບ​ທຳ​ມາສູ່​ປະຊາຊົນ​ບັນດາເຜົ່າ ກໍ່​ຄືຊາວ ນວ ຕາມ​ພາລະ​ບົດບາດ ສິດ ແລະໜ້າທີ່​ຂອງ​ຕົນ.

 

#ຂໍຂອບໃຈ: ນສພ ວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 29

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 161

ຈຳນວນຜູ້ເຂົ້າຊົມເດືອນນີ້ 925

ຈຳນວນຜູ້ເຂົ້າຊົມທັງໝົດ 27724

Currently are 46 guests and no members online

ແຜນທີ່ນະຄອນຫຼວງວຽງຈັນ