Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

     WhatsApp Image 2017 12 18 at 9.30.30 AM

     ຕອນເຊົ້າຂອງວັນທີ 18 ທັນວາ 2017, ທີຫ້ອງວ່າການນະຄອນຫຼວງວຽງຈັນ ໄດ້ເປິດກອງປະຊຸມຄົບຄະນະບໍລິຫານງານພັກ ຮ່ວມກັບ ອັງການປົກຄອງ ນະຄອນຫຼວງວຽງຈັນ (ເປີດກວ້າງ) ຄັ້ງທີ 10, ສະໄໝທີ VI, ຊື່ງກອງປະຊຸມຈະໄດ້ຈັດຂື້ນໄປເວລາ 3 ວັນ (ແຕ່ວັນທີ 18-20 ທັນວ່າ 2017), ເຊີ່ງກອງປະຊຸມຄັ້ງນີ້ໄດ້ຕົກລົງບັນຫາສໍາຄັນດັ່ງນິ້:

  • ໃນວັນທີ 18 ທັນວາ ຈະມີການພິຈາລະນາ ແລະ ໃຫ້ທິດຊີ້ນຳຄື:
  1. ພິຈາລະນາ ແລະ ໃຫ້ທິດຊີ້ນໍາກ່ຽວກັບ ການສະຫຼູບຕີລາຄາການຈັດຕັ້ງນຳພາ ການຈັດຕັ້ງປະຕິບັດວຽກງານພົ້ນເດັ່ນ ປະຈຳໄຕມາດIV ປີ 2017 ແລະ ທິດທາງແຜນການ ປະຈຳໄຕມາດ I ປີ 2018, ໂດຍແມ່ນສະຫາຍ ແກ້ວພິລາວັນ ອາໄພລາດ ຮອງເລຂາຄະນະພັກ, ຮອງເຈົ້າຄອງນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.
  2. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ແຜນການສ້າງໜ່ວຍພັກຢູ່ຫົວໜ່ວຍເສດຖະກິດ ແລະ ວິສາຫະກິດເອກະຊົນ ຢູ່ນະຄອນຫຼວງວຽງຈັນ, ໂດຍແມ່ນຄະນະຈັດຕັ້ງນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.
  3. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ແຜນກຳນົດພະນັກງານນຳພາ-ຄຸ້ມຄອງ, ໂດຍແມ່ນຄະນະຈັດຕັ້ງນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.
  4. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ການປະຕິບັດວິໄນ ພະນັກງານ-ລັດຖະກອນ ຈຳນວນໜຶ່ງ ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ໂດຍແມ່ນຄະນະຄົ້ນຄວ້າວິໄນ ລາຍງານ ແລະ ຮ່າງມະຕິ.
  5. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ການປະເມີນຜົນ ຫຼື ໃຫ້ຄະແນນພະນັກງານ-ລັດຖະກອນ ປະຈຳປີ 2017,ໂດຍແມ່ນພະແນກກວດກາລັດ ແລະ ພະແນກພາຍໃນ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.
  6. ພິຈາລະນາແລະ ໃຫ້ທິດຊີ້ນຳ ກ່ຽວກັບ ການສະຫຼູບຕີລາຄາການຈັດຕັ້ງປະຕິບັດວຽກງານຂອງສະພາປະຊາຊົນ ນະຄອນຫຼວງວຽງຈັນ ປະຈຳປີ 2017 ແລະ ທິດທາງແຜນການປີ 2018, ໂດຍແມ່ນ ສະພາປະຊາຊົນ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.
  • ໃນວັນທີ 19 ທັນວາ ສຶບຕໍ່ການພິຈາລະນາ ແລະ ໃຫ້ທິດຊີ້ນຳຄື:
  1. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ:

        1. “ຮ່າງ” ຂໍ້ຕົກລົງ ວ່າດ້ວຍການຈັດຕັ້ງປະຕິ ບັດ ແຜນພັດທະນາເສດຖະກິດ-ສັງຄົມ ແລະ ແຜນງົບປະມານ ປະຈຳປີ 2018;2. ບັນດາໂຄງການພັດທະນາ (ໂຄງການໃໝ່, ໂຄງການສືບຕໍ່ ແລະ ໂຄງການໂຈະ), ໂດຍແມ່ນພະແນກການເງິນ ແລະ ພະແນກແຜນການ-ການລົງທຶນ ນວ ລາຍງານ ແລະ ຜ່ານຮ່າງມະຕິ.

       2. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ການປະຕິບັດຕົວເລກລາຍຮັບ ປະຈຳປີ 2017 ແລະ ຕົວເລກຄາດໝາຍ ປະຈຳປີ 2018, ໂດຍແມ່ນພະແນກການເງິນ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.

        3. ພິຈາລະນາແລະ ໃຫ້ທິດຊີ້ນຳ ກ່ຽວກັບ ບົດລາຍງານ ຂອງທ່ານເຈົ້າຄອງນະຄອນ ຫຼວງວຽງຈັນສະເໜີຕໍ່ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນ ນະຄອນ ຫຼວງວຽງຈັນ ຊຸດທີ I, ໂດຍແມ່ນຫ້ອງວ່າການນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.

        4. ພິຈາລະນາແລະ ໃຫ້ທິດຊີ້ນຳ ກ່ຽວກັບ ຜົນການສຶກສາຄວາມເປັນໄປໄດ້ໂຄງການກໍ່ສ້າງໂຮງງານນໍ້າປະປາ 100.000 ແມັດກ້ອນ ຢູ່ເຂດອຸດສາຫະກຳ ຫຼັກ 21 ນະຄອນຫຼວງວຽງຈັນ, ໂດຍແມ່ນພະແນກແຜນການ ແລະ ການລົງທຶນ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.

        5. ພິຈາລະນາ ກ່ຽວກັບ ແຜນວຽກຈຸດສຸມ ແລະ ຕາຕະລາງການທ່ອງທ່ຽວ ເພື່ອຕ້ອນຮັບປີທ່ອງທ່ຽວລາວ 2018, ໂດຍແມ່ນພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນວ ລາຍງານ ແລະ ຜ່ານຮ່າງມະຕິ.

        6. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ການກຳນົດຫົວໜ່ວຍລາຄາທີ່ດິນລັດທົ່ວນະຄອນຫຼວງວຽງຈັນ, ໂດຍແມ່ນພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນວ ລາຍງານ ແລະ ຜ່ານຮ່າງມະຕິ.

  • ໃນວັນທີ 20 ທັນວາ ສຶບຕໍ່ການພິຈາລະນາ ແລະ ໃຫ້ທິດຊີ້ນຳຄື:

       1. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ແຜນວຽກຈຸດສຸມ ຂອງແນວລາວສ້າງຊາດ ແລະ ອົງການຈັດຕັ້ງມະຫາຊົນ (ຊາວໜຸ່ມ, ແມ່ຍິງ, ກຳມະບານ ແລະ ສະຫະພັນນັກຮົບເກົ່າ), ໂດຍແມ່ນແນວລາວສ້າງຊາດ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.

       2. ພິຈາລະນາ ແລະ ໃຫ້ທິດຊີ້ນຳ ກ່ຽວກັບ ແຜນວຽກຈຸດສຸມ ປີ 2018 ຂອງວຽກງານປ້ອງກັນຊາດ ປ້ອງກັນຄວາມສະຫງົບ ຂອງນະຄອນຫຼວງວຽງຈັນ, ໂດຍແມ່ນກອງບັນຊາການທະຫານ ແລະ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ລາຍງານ ແລະ ຜ່ານຮ່າງມະຕິ.

       ກອງປະຊຸມຄົບຄະນະບໍລິຫານງານພັກ ຮ່ວມກັບ ອັງການປົກຄອງ ນະຄອນຫຼວງວຽງຈັນ (ເປີດກວ້າງ) ຄັ້ງທີ 10, ສະໄໝທີ VI ຜົນຂອງການພິຈາລະນາແຕ່ລະຫົວຂໍ້ແຕ່ວັນທີ 18-20 ນັ້ນຈະນໍາມາລາຍງານເພີ່ມເຕີ່ມ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 117

ຈຳນວນຜູ້ເຂົ້າຊົມອາທິດນີ້ 429

ຈຳນວນຜູ້ເຂົ້າຊົມເດືອນນີ້ 1309

ຈຳນວນຜູ້ເຂົ້າຊົມທັງໝົດ 34297

Currently are 51 guests and no members online

ແຜນທີ່ນະຄອນຫຼວງວຽງຈັນ