Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2017 10 09 at 10.16.01 AM

     ກອງ​ປະຊຸມ​ສະໄໝ​ວິສາມັນເທື່ອ​ທີ 1 ຂອງ​ສະພາ​ປະຊາຊົນ ນະຄອນຫຼວງ​ວຽງ​ຈັນ (ນວ) ຊຸດທີ I ໄດ້​ຈັດ​ຂຶ້ນ​ວັນ​ທີ 4 ຕຸລາ 2017 ຢູ່​ຫ້ອງ​ວ່າການ​ປົກຄອງ ນວ ໂດຍ​ເປັນ​ປະທານ​ຂອງ​ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນວ ມີ​ທ່ານ ສິນ​ລະວົງ ຄຸດ​ໄພທູນ ເຈົ້າ​ຄອງ ນວ ພ້ອມ​ດ້ວຍ​ສະມາຊິກ​ສະພາ​ແຫ່ງຊາດ (​ສສຊ) ປະຈຳ​ເຂດ​ເລືອກຕັ້ງ​ທີ 1 ນວ ສະມາຊິກ​ສະພາ​ປະຊາ​ຊົນ ນວ (​ສສ.ນວ) ແລະ ແຂກ​ຖືກ​ເຊີນ​ເຂົ້າ​ຮ່ວມ.

    ໃນ​ກອງ​ປະຊຸມ​ຄັ້ງ​ນີ້ ຜ່ານ​ການ​ຄົ້ນຄວ້າ​ພິຈາລະນາຢ່າງ​ຕັ້ງໜ້າ ແລະ ດ້ວຍ​ຄວາມຮັບຜິດຊອບ​ສູງ​ຂອງ ​ສສຊ ​ສສ.ນວ ກໍ່​ໄດ້​ຕົກລົງ​ຮັບຮອງ​ເອົາຂໍ້​ຕົກລົງ​ຂອງ​ເຈົ້າ​ຄອງ ນວ ວ່າດ້ວຍ​ການ​ກຳນົດ​ຫົວໜ່ວຍ​ລາຄາຊົດ​ເຊີຍ ແລະ ການ​ຈັດ​ສັນ​ຍົກຍ້າຍ​ປະຊາຊົນ​ທີ່​ຖືກ​ຜົນ​ກະທົບຈາກ​ໂຄງການ​ກໍ່ສ້າງ​ເສັ້ນທາງລົດໄຟ ລາວ-ຈີນ ໃນ 2 ເມືອງ​ຄື: ເມືອງ​ນາ​ຊາຍ​ທອງ ຍາວ 30 ກິໂລແມັດ ປະຊາຊົນ​ໄດ້​ຮັບ​ຜົນກະທົບ 23 ບ້ານ ເມືອງ​ໄຊ​ທານີ ຍາວ 17,5 ກິໂລແມັດ ປະຊາຊົນໄດ້​ຮັບ​ຜົນ​ກະທົບ 11 ບ້ານ ແລະ ການ​ແຕ່ງຕັ້ງ​ບຸ​ຄະລາ​ກອນ​ໃນກົງຈັກ​ການຈັດຕັ້ງ​ຂອງ​ອົງການປົກຄອງ ນວ ໂດຍ​ໄດ້​ຕົກລົງ​ຍົກຍ້າຍ​ທ່ານ ລິນ​ຄຳ ດວງ​ສະຫວັນ ຫົວໜ້າ​ພະ​ແນກ​ກະສິກຳ ແລະ ປ່າໄມ້ ນວ ຜູ້​ເກົ່າ​ໄປ​ປະຕິບັດ​ໜ້າທີ່ຢູ່​ຫ້ອງ​ວ່າການ​ສຳນັກງານ​ນາຍົກ​ລັດຖະມົນຕີ ແລະ ແຕ່ງຕັ້ງ ທ່ານ ຫຼ້າ​ສາຍ ນວນ​ທະ​ສິງ ຮອງເຈົ້າເມືອງ​ໄຊ​ທານີ ເປັນ​ຫົວໜ້າພະ​ແນກ​ກະສິກຳ ແລະ ປ່າໄມ້ ນວ ຜູ້​ໃໝ່ ດ້ວຍ​ຄວາມ​ເປັນເອກະ​ພາບ​ສູງ.

     ທ່ານ ອານຸພາບ ຕຸ​ນາ​ລົມ ໄດ້ກ່າວ​ວ່າ: ກອງ​ປະຊຸມ​ຄັ້ງ​ນີ້ ເປັນກອງ​ປະຊຸມ​ທີ່​ມີ​ຄວາມ​ໝາຍ​ສຳຄັນ​ດ້ານ​ການເມືອງ ແລະ ການຕົກລົງ​ບັນຫາ​ສຳຄັນ​ຕໍ່​ສະພາບການ​ພັດທະນາ​ເສດຖະກິດ ກໍ່​ຄືການ​ປັບປຸງ​ຊີວິດ​ການ​ເປັນ​ຢູ່​ຂອງປະຊາຊົນ ໂດຍ​ສະເພາະ ການສືບຕໍ່​ຈັດ​ຕັ້ງ​ປະຕິບັດ​ມະຕິ​ກອງປະຊຸມ​ໃຫຍ່ ຄັ້ງ​ທີ X ຂອງ​ພັກ ມະຕິ​ກອງ​ປະຊຸມ​ໃຫຍ່ ຄັ້ງ​ທີ VI ຂອງ​ອົງຄະ​ນະ​ພັກ ນວ ແລະ ການຈັດຕັ້ງ​ປະຕິບັດ​ພາລະ​ບົດບາດ​ໃນ​ການ​ເປັນ​ອົງການ​ຕົວແທນ​ແຫ່ງສິດ ແລະ ຜົນ​ປະໂຫຍດ​ອັນ​ຊອບ​ທຳ​ຂອງ​ປະຊາຊົນ ນວ ຜົນສຳເລັດ​ຂອງ​ກອງ​ປະຊຸມ​ຄັ້ງ​ນີ້​ ສະແດງ​ເຖິງ​ຄວາມເປັນ​ເອກະ​ພາບ ແລະ ຄວາມຮັບຜິດຊອບ​ການເມືອງ​ສູງ​ຂອງບັນດາ ​ສສຊ ​ສສ.ນວ ແມ່ນ​ຜົນສຳເລັດ​ຂອງ​ການ​ປະສານ​ສົມທົບລະຫວ່າງສະພາ​ປະຊາຊົນ ອົງການ​ປົກຄອງ ແລະ ພາກສ່ວນ​ກ່ຽວຂ້ອງ ແລະ ແມ່ນ​ການປະກອບສ່ວນ​ອັນ​ສຳຄັນ ແລະ ສົມ​ກຽດ​ຂອງ​ສະພາ​ປະຊາຊົນ ນວ ເຂົ້າ​ໃນ​ການ​ປັບປຸງ​ບູ​ລະນະ​ລັດ​ປະຊາທິປະໄຕປະຊາຊົນ ໃຫ້​ມີ​ຄວາມ​ເຂັ້ມແຂງ ແລະ ໜັກແໜ້ນ​ຂຶ້ນ​ຕື່ມ ໂດຍ​ສະເພາະ ການ​ປະຕິບັດ​ໜ້າທີ່​ການເມືອງ ຕິດ​ພັນ​ກັບ​ໂຄງການ​ພັດທະນາຂອງ​ລັດຖະບານ ກໍ່​ຄື​ການ​ພັດທະນາ​ເສດຖະກິດ-ສັງຄົມຂອງ ນວ.

 

ຂໍ້ມູນຈາກ:ໜັງສືພິມວຽງຈັນໃໝ່

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 83

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 83

ຈຳນວນຜູ້ເຂົ້າຊົມເດືອນນີ້ 521

ຈຳນວນຜູ້ເຂົ້າຊົມທັງໝົດ 37750

Currently are 31 guests and no members online

ແຜນທີ່ນະຄອນຫຼວງວຽງຈັນ