Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

     af2a9859af7117a89c8d92d4936c8788

     ເນື່ອງ​ໃນ​ໂອກາດ​ວັນ​ສ້າງຕັ້ງກອງທັບ​ປະຊາຊົນ​ລາວ ຄົບຮອບ 69 ປີ (20/1/1949-20/1/2018) ທ່ານ ສິນ​ລະ​ວົງ ຄຸດ​ໄພທູນ ກຳມະການ​ກົມ​ການເມືອງສູນ​ກາງ​ພັກ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ ໄດ້​ລົງ​ຢ້ຽມຢາມ ແລະ ພົບ​ປະ​ໂອ້ລົມ​ນາຍ ແລະ ພົນທະຫານ​ກອງພັນ​ໃຫຍ່ 497 ໃນ​ວັນ​ທີ 11 ມັງກອນ 2018 ຖືກ​ຕ້ອນຮັບ​ໂດຍທ່ານ ພົ.ວ ຄຳ​ພາ ສີ​ພອນ​ໄຊ ຄະນະ​ພັກ​ກະຊວງ​ປ້ອງ​ກັນ​ປະເທດ ຮອງ​ຫົວໜ້າ​ກົມ​ໃຫຍ່​ເຕັກນິກ​ກອງທັບ ມີ​ທ່ານ ​ພັອ ອຸດອນ ອ້ວນ​ສັກດາ ເລຂາ​ຄະນະ​ພັກ ຫົວໜ້າການ​ທະຫານ​ກອງພັນ​ໃຫຍ່ 497 ມີ​ຄະນະ​ພັກ-ຄະນະ​ບັນຊາ ພ້ອມ​ດ້ວຍນາຍ ແລະ ພົນ​ທະຫານ ກອງພັນ​ໃຫຍ່ 497 ເຂົ້າຮ່ວມ.

      ຈາກ​ນັ້ນ ທ່ານ ສິນ​ລະ​ວົງ ຄຸດ​ໄພທູນ ໄດ້​ໃຫ້​ກຽດ​ໂອ້​ລົມ ກ່ອນ​ອື່ນ​ທ່ານ​ໄດ້​ຕາງໜ້າ​ໃຫ້​ກົມການເມືອງ​ສູນ​ກາງ​ພັກ ແລະ ອຳນາດ​ການ​ປົກຄອງ​ນະຄອນຫຼວງວຽງ​ຈັນ ຢ້ຽມຢາມ​ຖາມ​ຂ່າວເຖິງ​ນາຍ ແລະ ພົນທະຫານ​ ທີ່​ປະຈຳ​ຢູ່​ກົມ​ກອງ​ດັ່ງກ່າວ ​ໃນ​ການ​ປະຕິ​ບັດ​ໜ້າທີ່​ປ້ອງ​ກັນ​ຊາດ ຮັກສາເຂດ​ນ້ຳ​ແດນ​ດິນ ​ເຮັດ​ໃຫ້​ມີ​ຄວາມສະຫງົບ​ສ້າງ​ເງື່ອນໄຂ​ທຸກ​ຢ່າງ​ ໃນການ​ສ້າງສາ​ພັດທະນາ​ປະເທດຊາດ ພ້ອມ​ນີ້ ທ່ານ​ຍັງ​ຖື​ໂອກາດນີ້​ເນັ້ນ​ໃຫ້​ນາຍ ແລະ ພົນທະຫານກອງພັນ​ໃຫຍ່ 497 ຈົ່ງ​ສືບຕໍ່​ເພີ່ມທະວີ​ເສີມ​ຂະຫຍາຍ​ມູນເຊື້ອ​ອັນ​ດີງາມ​ຂອງ​ກອງທັບ​ປະຊາຊົນ​ລາວ ກໍ່​ຄືກົມ​ກອງ​ຂອງ​ຕົນ ເພີ່ມ​ທະວີສະຕິ​ຕໍ່​ລະບຽບ​ວິໄນ​ຂອງ​ກອງທັບ ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງທາງ​ດ້ານ​ຄຸນສົມບັດ​ສິນ​ທຳ​ປະຕິວັດ ພ້ອມ​ທັງ​ເອົາໃຈໃສ່​ໃນ​ການກໍ່ສ້າງ​ພາລາ​ທິ​ການ​ກັບ​ທີ່ ເພື່ອປັບປຸງ​ກໍ່ສ້າງ​ກົມ​ກອງ​ໃຫ້​ມີຄວາມ​ໜັກ​ແໜ້ນ​ເຂັ້ມແຂງ​ ຕາມທິດ​ສ້າງ​ກົມ​ກອງ​ໃຫ້​ກາຍເປັນ​ກົມກອງ ແລະ ນັກຮົບ​ວັດທະນະທຳ ທີ່​ມີ​ແບບແຜນ​ທັນ​ສະໄໝ.

 

ຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 160

ຈຳນວນຜູ້ເຂົ້າຊົມເດືອນນີ້ 924

ຈຳນວນຜູ້ເຂົ້າຊົມທັງໝົດ 27723

Currently are 58 guests and no members online

ແຜນທີ່ນະຄອນຫຼວງວຽງຈັນ