Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

17155931 384433718603259 1912660527301902108 n

ເພື່ອ​ເພີ່ມ​ທະວີ​ວຽກ​ງານ​ສະກັດ​ກັ້ນ ແລະ ຕ້ານ​ຢາ​ເສບ​ຕິດ​ໃຫ້ຫຼຸດ​ລົງແນໃສ່​ຮັບປະກັນ​ສະຖຽນລະ​ພາບ​ທາງ​ດ້ານ​ການເມືອງຄວາມ​ເປັນ​ລະບຽບ​ຮຽບ​ຮ້ອຍປອດ​ໄພ​ໃນ​ສັງຄົມ ແລະຄວາມໝັ້ນຄົງ​ຂອງ​ປະເທດ​ຊາດ​ຢ່າງໜັກ​ແໜ້ນເປັນ​ພື້ນຖານ​ໃຫ້ການພັດທະນາ​ເສດຖະກິດ-ສັງຄົມຂອງ​ປະເທດກໍ່​ຄືນະຄອນຫຼວງວຽງ​ຈັນ ປະຕິບັດ​ຕາມ 3 ຂໍ້​ແຂ່ງຂັນ​ຂອງ​ກະຊວງ​ສຶກ​ສາ​ທິ​ການແລະ ກີລາ ວາງ​ອອກ ສົກ​ປີ 2010-2012 ແຜນການ​ສ້າງຄວາມ​ເຂັ້ມແຂງ​ໃຫ້​ແກ່​ສື່​ຕ້ານ​ຢາເສບ​ຕິດ​ໃນ​ໂຮງຮຽນທັງ​ພາກລັດ-ເອກະ​ຊົນ ທີ່​ທາງ​ພະ​ແນກສຶກ​ສາ​ທິ​ການ ແລະ ກີລາຮ່ວມກັບ​ຫ້ອງການ​ສຶກ​ສາ​ທິ​ການ ແລະ ກີລາ​ເມືອງພ້ອມ​ຜູ້ອຳນວຍການໂຮງຮຽນ​ທັງ​ພາກ​ລັດ-ເອກະ​ຊົນ ທົ່ວ ນວ.

ຜ່ານ​ການ​ຮັບຮອງ​ໂຮງຮຽນຊັ້ນ​ມັດທະຍົມ​ສຶກ​ສາ​ເປັນ​ໂຮງຮຽນ​ປອດ​ສິ່ງ​ເສບ​ຕິດ ອີງ​ຕາມເງື່ອນໄຂ ວິທີ​ການ​ກວດກາ​ຢັ້ງຢືນ ແລະຮັບຮອງ ຜ່ານ​ຂະ​ບວນ​ການເຄື່ອນ​ໄຫວ​ກິດຈະກຳ​ຕ່າງໆຈາກການ​ປະ​ເມີນ​ຜົນ​ໂຮງຮຽນ​ທີ່​ສາມາດ​ປະກາດ​ເປັນ​ໂຮງຮຽນ​ປອດຢາ​ເສບ​ຕິດ ທົ່ວນວ ປັດຈຸບັນ ໄດ້​ທັງ​ໝົດ 120 ແຫ່ງ ຈາກ​ໂຮງຮຽນ​ມັດທະຍົມ​ທັງ​ໝົດ 160 ແຫ່ງສົກຮຽນ 2010-2011 ປະ​ເມີນ ແລະ ປະກາດ​ຂຶ້ນ​ປ້າຍໄດ້ 7 ແຫ່ງ 2011-2012 ໄດ້ 18 ແຫ່ງ ສົກຮຽນ 2012-2013 ໄດ້ 15 ແຫ່ງ ສົກຮຽນ 2013-2014 ໄດ້ 22 ແຫ່ງ ສົກຮຽນ 2014-2015 ໄດ້ 55 ແຫ່ງ ໃນ​ນັ້ນ ໂຮງຮຽນ​ສົງ 3 ແຫ່ງ ແລະ ສົກຮຽນ 2015-2016 ໄດ້ 3 ແຫ່ງ.

ໃນ​ສົກຮຽນ 2013-2016 ມີ​ບຸກຄົນ ແລະໂຮງຮຽນ​ຊັ້ນ​ມັດ​ທະຍົມ​ພາກ​ລັດ-ເອກະ​ຊົນສາມາດປະກາດ​ເປັນ​ໂຮງຮຽນ​ປອດ​ຢາເສບ​ຕິດ​ໄດ້ 3 ປີ​ຕິດຕໍ່​ກັນໄດ້​ຮັບຫຼຽນ​ໄຊ​ແຮງ​ງານ​ຊັ້ນ II ຈຳນວນ 1 ຄົນ ຫຼຽນ​ໄຊ​ແຮງ​ງານ​ຊັ້ນ III ຈຳນວນ 17 ໂຮງຮຽນ ພ້ອມ​ທຸງຈາກ​ກະຊວງ​ສຶກ​ສາ​ທິ​ການ ແລະ ກີລາ ໃນ​ສົກຮຽນ 2011-2016 ມີ​ບຸກຄົນ ແລະ ຜູ້ອຳນວຍການໂຮງຮຽນ​ຊັ້ນ​ມັດທະຍົມ​ພາກ​ລັດ ແລະເອກະ​ຊົນ ສາມາດ​ປະກາດເປັນ​ໂຮງຮຽນ​ປອດ​ຢາ​ເສບ​ຕິດ​ໄດ້ 5 ປີ​ຕິດຕໍ່​ກັນໄດ້​ຮັບ​ຫຼຽນ​ກາ​ແຮງງານ ຈຳນວນ 28 ຄົນ ແລະ ໂຮງຮຽນ ຈຳນວນ 25 ແຫ່ງໄດ້ຮັບ​ທຸງໄຊ.

ພິທີ​ປະດັບ​ຫຼຽນ​ໄຊ ຫຼຽນ​ກາ ແລະ ທຸງໄຊ ໃຫ້​ກັບ​ບຸກຄົນແລະ ໂຮງຮຽນ​ທີ່​ປະກາດ​ເປັນ​ໂຮງຮຽນປອດ​ຢາ​ເສບ​ຕິດ 3 ປີ ແລະ 5 ປີຕິດຕໍ່​ກັນຈຳນວນ 42 ໂຮງຮຽນ ໄດ້​ຈັດ​ຂຶ້ນ​ວັນ​ທີ 3 ມີນາ 2017 ທີ່​ສູນ​ການ​ຄ້າ​ລາວ-ໄອ​ເຕັກ ນວ ມີ​ທ່ານ ສີ​ຫຸນ ສິດທິ​ລື​ໄຊຮອງເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ບຸນ​ສຸກ ທິ​ລະ​ສັກຫົວໜ້າກົມ​ພາລະ​ສິລະ​ປະ ກະຊວງ​ສຶກສາ​ທິ​ການ ແລະ ກີລາ ທ່ານ ຊົມພູ ແກ້ວ​ປັນຍາຫົວໜ້າ​ພະ​ແນກສຶກ​ສາ​ທິ​ການ ແລະ ກີລາ ນວ ບັນດາ​ທ່ານ​ເຈົ້າເມືອງຮອງ​ເຈົ້າເມືອງ ຮອງ​ຫົວໜ້າ​ພະ​ແນກຫ້ອງການ ພະນັກງານ​ຄູ-ອາຈານ ແລະນັກຮຽນ​ເຂົ້າ​ຮ່ວມ.

 

vientianemai.net
ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 117

ຈຳນວນຜູ້ເຂົ້າຊົມອາທິດນີ້ 429

ຈຳນວນຜູ້ເຂົ້າຊົມເດືອນນີ້ 1309

ຈຳນວນຜູ້ເຂົ້າຊົມທັງໝົດ 34297

Currently are 115 guests and no members online

ແຜນທີ່ນະຄອນຫຼວງວຽງຈັນ