Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

b5ac06e9d25acb7fbb16e59fdf1dfb24

ກອງ​ປະຊຸມ​ຖອດ​ຖອນ​ບົດຮຽນ​ຈາກ​ການຈັດຕັ້ງ​ປະຕິບັດ ການ​ຂຶ້ນ​ທະບຽນ ແລະ ອອກ​ບັດໃຫ້​ຕ່າງປະເທດ ທີ່​ມາ​ເຄື່ອນ​ໄຫວບໍ່​ຖືກຕ້ອງ ​ໄດ້​ຈັດ​ຂຶ້ນ​ໃນ​ວັນ​ທີ 14 ກັນຍາ 2016 ຜ່ານ​ມາ​ທີ່​ຫ້ອງ​ວ່າການ​ນະຄອນຫຼວງ​ວຽງ​ຈັນ ໂດຍການ​ເຂົ້າ​ຮ່ວມ​ຂອງ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ​ນາງ ລຳພອຍ ສີ​ອັກ​ຄະ​ຈັນ ຫົວໜ້າ​ພະແນກ​ແຮງ​ງານ ແລະ ສະຫວັດດີການ-ສັງຄົມ ນະຄອນຫຼວງ​ວຽງຈັນ ພ້ອມ​ດ້ວຍ​ເຈົ້າ​ໜ້າທີ່ ​ປກສ ແລະ ເຈົ້າເມືອງ​ຈາກ 9 ເມືອງ ເຂົ້າ​ຮ່ວມ.

 

ທ່ານ​ນາງ ລຳ​ພອຍ ສີ​ອັກຄະ​ຈັນ ກ່າວ​ວ່າ: ດ້ວຍ​ຄວາມເອົາໃຈໃສ່​ຈາກ​ພາກສ່ວນ​ທີ່​ກ່ຽວຂ້ອງ​ ເຮັດ​ໃຫ້​ແຮງ​ງານ​ທີ່​ເຂົ້າ​ມາອາໄສ​ບໍ່​ຖືກຕ້ອງ ມີ​ຄວາມ​ເຂົ້າໃຈ ເພື່ອ​ການ​ຈັດ​ສັນ​ແຮງ​ງານ​ໃຫ້ເຂົ້າ​ໃນ​ລະບົບ ໂດຍ​ສະເພາະແຮງ​ງານ​ຕ່າງປະເທດ​ທີ່​ມາ ເຄື່ອນ​ໄຫວ​ບໍ່​ຖືກ​ຕາມ​ກົດໝາຍໃຫ້​ເຂົ້າ​ໃນ​ລະບົບ ແລະ ສາມາດ​ກວດ​ສອບ​ໄດ້ ​ໃຫ້​ມີ​ຄວາມເປັນ​ລະບຽບ​ຮຽບ​ຮ້ອຍ​ ຕາມ​ຕົວເລກ​ເກັບ​ກຳ ໂດຍ​ລວມ​ມີ​ຈຳນວນ​ແຮງ​ງານ​ມາ​ຂຶ້ນ​ທະບຽນ 6.283 ຄົນ ແລະ ຈຳນວນ​ອອກບັດ 3.106 ຄົນ ກໍລະນີ​ສຳ​ລະສະສາງ 2.844 ກໍລະນີ ແລະ ກໍ​ລະນີ​ປັບ​ສະຖານະ​ພາບ 262 ກໍລະນີ ໃນ​ນີ້ ມີ​ສັນຊາດ​ຫວຽດນາມ 1.786 ປັບ​ສະຖານະ​ພາບ 180 ກໍລະນີ ສ່ວນ​ທີ່​ເຫຼືອ​ມີ ຈີນ ກຳປູ​ເຈຍ ແລະ ໄທ.

ເພື່ອ​ສືບຕໍ່​ການ​ຂຶ້ນ​ທະບຽນ ແລະ ອອກ​ບັດ​ອະນຸຍາດ​ເຄື່ອນໄຫວ​ຊົ່ວຄາວ​ເປັນ​ປະຈຳ​ ຈະ​ໄດ້ພົວພັນ​ຮ່ວມ​ມື​ກັບ​ຫຼາຍ​ຂະແໜງການ ເຊັ່ນ: ຂະແໜງ​ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໂຍທາ​ທິ​ການ ແລະ ຂົນສົ່ງ ອຸດສາຫະກຳ ແລະ ການ​ຄ້າ ພະລັງ​ງານ ແລະ ບໍ່​ແຮ່ ເຂດ​ເສດ​ຖະກິດ​ພິເສດ ແລະ ເຂດ​ເສດຖະກິດສະເພາະ ຊ່ວຍ​ຊຸກຍູ້​ຫົວໜ່ວຍ​ທຸລະ​ກິດ​ທີ່​ກ່ຽວຂ້ອງ​ກັບ​ຕົນ​ເອງ​ ທີ່ນຳ​ໃຊ້​ແຮງ​ງານ​ຕ່າງປະເທດ​ໃຫ້ມາ​ຂຶ້ນ​ທະບຽນ​ຖືກຕ້ອງ​ຕາມ​ກົດໝາຍ​ແຮງ​ງານ​ ຂອງ ​ສປປ ລາວ ເພື່ອ​ຄວາມ​ເປັນ​ລະບຽບ​ຮຽບຮ້ອຍ ສະຫງົບ​ສຸກ ແຮງ​ງານ​ທັງພາຍ​ໃນ ແລະ ຕ່າງປະເທດ​ເຂົ້າສູ່​ລະບົບ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 61

ຈຳນວນຜູ້ເຂົ້າຊົມວານນີ້ 64

ຈຳນວນຜູ້ເຂົ້າຊົມອາທິດນີ້ 215

ຈຳນວນຜູ້ເຂົ້າຊົມເດືອນນີ້ 653

ຈຳນວນຜູ້ເຂົ້າຊົມທັງໝົດ 37882

Currently are 23 guests and no members online

ແຜນທີ່ນະຄອນຫຼວງວຽງຈັນ