Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

" ຮ່າງ " ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ
3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ

ນິຕິກຳສຳຄັນ

ຂ່າວສານໜ້າສົນໃຈ

 

 741d2625f567607304f64f0656c0f929  

   ພະ​ແນກ​ສາ­ທາ­ລະ­ນະ​ສຸກ ນະ­ຄອນ­ຫຼວງ​ວຽງ​ຈັນ (ນວ)ໄດ້​ຈັດ​ກອງ​ປະ­ຊຸມ​ປຸກ­ລະ­ດົມ​ຂົນ­ຂວາຍຂະ​ບວນ​ການ​ສັກ​ຢາ​ກັນ​ພະ­ຍາດ​ແຫ່ງ​ຊາດເພື່ອ​ໂຕ້​ຕອບ​ການ​ລະ­ບາດ​ຂອງ​ພະ­ຍາດ­ໝາກ­ແດງ​ໃຫຍ່ ແລະ ໝາກ​ແດງ​ນ້ອຍ ຂັ້ນນວ ຂຶ້ນ​ວັນ​ທີ 6 ພຶດ­ສະ­ພາ 2019 ທີ່​ຫ້ອງ​ວ່າ­ການ​ປົກ­ຄອງ ນວເປັນ​ປະ­ທານ​ຂອງ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວຜູ້​ຊີ້​ນຳ​ວຽກ​ງານ​ຂົງ­ເຂດ​ວັດ­ທະ­ນະ­ທຳ-ສັງ­ຄົມ ມີ​ຮອງ​ເຈົ້າ­ເມືອງຮອງ​ຫົວ­ໜ້າ​ພະ​ແນກ ຫົວ­ໜ້າ​ຫ້ອງ­ການ​ສາ­ທາ­ລະ­ນະ​ສຸກ​ເມືອງ ແລະຫົວ­ໜ້າ​ຫ້ອງ­ການ​ສຶກ​ສາ​ເມືອງ ແລະ ພະ­ນັກ­ງານ​ວິ­ຊາ​ການ​ເຂົ້າ​ຮ່ວມ.

    ໃນ​ໄລ­ຍະ​ຜ່ານ​ມາ​ເລີ່ມ​ແຕ່​ປີ 2005 ໄດ້​ມີ​ການ​ປັບ­ປຸງ​ວຽກ​ງານ​ສັກ​ຢາ​ກັນ​ພະ­ຍາດໂດຍ​ມີ​ການ​ຊ່ວຍ­ເຫຼືອ​ທາງ​ດ້ານ​ວິ­ຊາ​ການ ແລະງົບ­ປະ­ມານ​ຈາກ​ຫຼາຍ​ຄູ່​ຮ່ວມ​ພັດ­ທະ­ນາ ໃນ​ນັ້ນໄດ້​ມີ​ການ­ຈັດ­ຕັ້ງ​ຫຼາຍ​ກິດ­ຈະ­ກຳ​ທີ່​ຕິດ​ພັນ​ກັບ​ອຳ­ນາດ​ການ​ປົກ­ຄອງ​ທຸກ​ຂັ້ນ​ຂອງນວ ໄດ້​ສົມ­ທົບ​ກັບ​ຂະ­ແໜງ­ການ​ສາ­ທາ­ລະ­ນະ​ສຸກ ເພື່ອ​ປັບ­ປຸງ​ຄຸນ​ນະ​ພາບແລະ ຂະ­ຫຍາຍ​ຕາ​ໜ່າງ​ການ​ບໍ­ລິ­ການ ເພື່ອ​ກັນ​ພະ­ຍາດ ແລະສົ່ງ­ເສີມ​ສຸ­ຂະ­ພາບເພື່ອ​ຈະ​ໃຫ້​ມີ​ການ​ບັນ­ລຸ​ການ​ກຳ­ຈັດ​ພະ­ຍາດ­ໝາກ­ແດງ​ໃນ​ທົ່ວ​ປະ­ເທດໄດ້​ເພີ່ມ​ຂຶ້ນ​ຈາກ 40% ປີ 2017 ມາ​ເປັນ 80% ປີ 2018 ນອກ​ນັ້ນ​ຍັງ​ໄດ້​ຈັດ​ວັນ​ສັກ​ຢາ​ກັນ​ພະ­ຍາດ­ໝາກ­ແດງ​ຂຶ້ນ 4 ຄັ້ງໃນ​ທົ່ວ​ປະ­ເທດ​ຄື: ຄັ້ງ​ທີ 1 ປີ 2007 ໃນ​ກຸ່ມ​ອາ­ຍຸ​ລຸ່ມ 15 ປີບັນ­ລຸ​ກວມ​ໄດ້ 96% ຄັ້ງ​ທີ 2 ປີ 2011 ໃນ​ກຸ່ມ​ອາ­ຍຸ​ລຸ່ມ 19 ປີບັນ­ລຸ​ກວມ​ໄດ້ 97% ຄັ້ງ​ທີ 3 ປີ 2014 ໃນ​ກຸ່ມ​ອາ­ຍຸ​ລຸ່ມ 1 ປີບັນ­ລຸ​ກວມ​ໄດ້ 100% ແລະ ຄັ້ງ​ທີ 4 ປີ 2017 ໃນ​ກຸ່ມ​ອາ­ຍຸ​ລຸ່ມ 5 ປີບັນ­ລຸ​ກວມ​ໄດ້ 99%.

    ກອງ​ປະ­ຊຸມ​ຄັ້ງ​ນີ້ເພື່ອ​ປຸກ­ລະ­ດົມ​ຂົນ­ຂວາຍ​ໃນ​ຂະ​ບວນ​ການ​ສັກ​ຢາ​ກັນ​ພະ­ຍາດ ເປັນ­ຕົ້ນກະ­ກຽມ​ຄວາມ​ພ້ອມ​ໃນ​ການ­ຈັດ­ຕັ້ງ​ປະ­ຕິ­ບັດວັນ​ສັກ​ຢາ​ກັນ​ພະ­ຍາດ​ແຫ່ງ​ຊາດເພື່ອ​ໂຕ້​ຕອບ​ການ­ລະ­ບາດ­ພະ­ຍາດ​ໝາກ​ແດງ​ໃນ ນວ ເພື່ອ​ຄົ້ນ­ຄວ້າ​ສົນ­ທະ­ນາແລະ ແບ່ງ​ຄວາມ​ຮັບ­ຜິດ­ຊອບ ແລະ ໜ້າ­ທີ່​ໃຫ້​ແຕ່​ລະ​ພາກ­ສ່ວນສ້າງ​ເງື່ອນ­ໄຂ​ເຮັດ​ໃຫ້​ວັນ​ສັກ​ຢາ​ກັນ​ພະ­ຍາດ​ແຫ່ງ​ຊາດ ບັນ­ລຸ 95% ຂຶ້ນ​ໄປ​ໃນ​ທຸກ​ເມືອງ​ທຸກ​ບ້ານເພື່ອ​ປິດ​ຊ່ອງ​ຫວ່າງ​ດ້ານ​ພູມ​ຄຸມ​ກັນ​ຕໍ່​ພະ­ຍາດ­ໝາກ­ແດງ.

    ສະ­ນັ້ນ ຂະ​ບວນ​ການ​ສັກ​ຢາ​ກັນ​ພະ­ຍາດ​ແຫ່ງ​ຊາດ​ປີ​ນີ້ຄາດ­ໝາຍ​ຈະ​ໃຫ້​ສຳ­ເລັດ​ວັນ​ທີ 15 ພຶດ­ສະ­ພາ 2019 ເພື່ອ​ຮັບ­ປະ­ກັນ​ໃຫ້​ແຕ່​ລະ​ກຸ່ມ​ອາ­ຍຸ ໂດຍ​ສະ­ເພາະ​ກຸ່ມ​ອາ­ຍຸ 6 ເດືອນ​ຫາ 10 ປີ ຈຶ່ງ​ຮຽກ­ຮ້ອງ​ມາ​ຍັງ​ຜູ້​ປົກ­ຄອງຈົ່ງ​ໄດ້​ພ້ອມ​ກັນ​ນຳ​ເອົາ​ລູກ​ຫຼານ​ຂອງ​ຕົນມາ​ຮັບ​ການ​ສັກ​ຢາ​ປ້ອງ​ກັນ​ພະ­ຍາດ­ໝາກ­ແດງ ຢູ່​ສະ­ຖານ­ທີ່​ບໍ­ລິ­ການ ຫຼືທີມ​ງານ​ແພດ​ທີ່​ລົງ​ໄປ​ສັກ​ຢາ​ຢູ່​ຈຸດ​ບໍ­ລິ­ການ​ໃນ​ບ້ານເພື່ອ​ສ້າງ​ພູມ​ຄຸມ​ກັນ​ໃຫ້​ລູກ​ຫຼານ​ຂອງ​ຕົນໃຫ້​ປາ­ສະ­ຈາກ​ພະ­ຍາດ­ໝາກ­ແດງ.

ຂໍ້ມູນຈາກ: ໜັງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 37

ຈຳນວນຜູ້ເຂົ້າຊົມວານນີ້ 27

ຈຳນວນຜູ້ເຂົ້າຊົມອາທິດນີ້ 64

ຈຳນວນຜູ້ເຂົ້າຊົມເດືອນນີ້ 861

ຈຳນວນຜູ້ເຂົ້າຊົມທັງໝົດ 48721

Currently are 12 guests and no members online

ແຜນທີ່ນະຄອນຫຼວງວຽງຈັນ