Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

" ຮ່າງ " ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ
3 ຫຼຸດ 3 ເພີ່ມ 3 ຂະບວນການ

ນິຕິກຳສຳຄັນ

ຂ່າວສານໜ້າສົນໃຈ

     ຕອນເຊົ້າຂອງວັນທີ 25 ມີນາ 2019 ທີ່ຫ້ອງປະຊຸມໃຫຍ່, ສຳນັກງານປົກຄອງນະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບການເຄື່ອນໄຫວຊີ້ນຳ-ນຳພາຮອບດ້ານຄະນະພັກຮາກຖານ, ການຈັດຕັ້ງປະຕິບັດວຽກງານ ຫ້ອງວ່າການນະຄອນຫຼວງວຽງຈັນ ປະຈຳປີ 2018 ແລະ ແຜນວຽກ 2019 ໂດຍການເປັນປະທານຂອງ ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ. ເຂົ້າຮ່ວມມີ ບັນດາສະຫາຍຄະນະປະຈຳພັກ ນວ, ຄະນະພັກ ນວ, ບັນດາພະແນກການ-ຫ້ອງການ ແລະ ພາກສ່ວນກ່ຽວຂ້ອງ ພ້ອມດ້ວຍພະນັກງານຫ້ອງວ່າການນະຄອນຫຼວງວຽງຈັນ.

     ສະຫາຍ ປອ ນາງ ບົວວອນ ສຸກລາແສງ, ຮອງເລຂາຄະະນພັກຮາກຖານ, ຮອງຫົວໜ້າຫ້ອງວ່າການ ນວ ໄດ້ຜ່ານບົດສະຫຼຸບ ຕໍ່ທີ່ປະຊຸມ ເຊີ່ງມີເນື້ອໃນບາງຕອນວ່າ: ປະຈຸບັນ ທົ່ວຄະນະພັກຮາກຖານຫ້ອງວ່າການ ນວ ມີສະມາຊິກພັກທັງໝົດ 51 ສະຫາຍ, ຍິງ 16 ສະຫາຍສະມາຊິກພັກສຳຮອງ 05 ສະຫາຍ, ຍິງ 03 ສະຫາຍ. ໄດ້ຫຍຸບ, ປັບປຸງໂຮມເຂົ້າ, ແຍກອອກ, ປ່ຽນຊື່ ແລະສ້າງຕັ້ງໜ່ວຍພັກຂຶ້ນໃໝ່ ຊຶ່ງປະຈຸບັນມີ ຈໍານວນ 04 ໜ່ວຍພັກຂຶ້ນກັບ ເພື່ອໃຫ້ສອດຄ່ອງກັບພາລະບົດບາດໃໝ່ຂອງຫ້ອງວ່າການ ນວ ຄື: ຫນຶ່ງ, ໜ່ວຍພັກຂະແໜງຄົ້ນຄວ້າສັງລວມ, ສອງ, ໜ່ວຍພັກຂະແໜງບໍລິຫານ-ຄຸ້ມຄອງ, ສາມ ໜ່ວຍພັກຂະແໜງກໍ່ສ້າງຮາກຖານການເມືອງ ຈັດຕັ້ງ-ກວດກາ ແລະ ສີ່, ໜ່ວຍພັກສະຖາບັນຄົ້ນຄວ້າການພັດທະນາເສດຖະກິດ-ສັງຄົມ ນວ. ສັງລວມແລ້ວ ໃນ 1 ປີ ຜ່ານມາ ຄະນະພັກຮາກຖານ ແລະ ຫ້ອງວ່າການ ໄດ້ຈັດຕັ້ງຊີ້ນຳ-ນຳພາ ປະຕິບັດວຽກງານຮອບດ້ານ ບັນລຸໄດ້ຕາມຄາດໝາຍທີ່ວາງໄວ້ເປັນສ່ວນໃຫຍ່, ທັງໝົດນັ້ນກໍ່ຍ້ອນໄດ້ຮັບການຊີ້ນໍາ-ນຳພາ ຢ່າງໃກ້ສິດຈາກຂັ້ນເທິງ ໂດຍສະເພາະແມ່ນສະຫາຍ ເລຂາຄະນະພັກ-ເຈົ້າຄອງນະຄອນຫຼວງວຽງຈັນ, ບັນດາສະຫາຍຮອງເລຂາຄະນະພັກ-ຮອງເຈົ້າຄອງນະຄອນຫຼວງວຽງຈັນ, ຍ້ອນມີຄວາມສາມັກຄີ ແລະ ຍົກສູງຄວາມຮັບຜິດຊອບການເມືອງຂອງບັນດາສະຫາຍຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ, ພະນັກງານ-ລັດຖະ ກອນ ທັງໝົດ ແລະ ຍ້ອນໄດ້ຮັບການສະໜັບສະໜູນຊ່ວຍເຫຼືອຈາກບັນດາພະແນກການ-ອົງການ ແລະ ບັນດາເມືອງທົ່ວ ນວ.

     ພາຍຫຼັງຮັບຟັງບົດສະຫຼຸບ ແລະ ການປະກອບຄຳເຫັນ ຂອງບັນດາສະຫາຍຜູ້ແທນທີ່ເຂົ້າຮ່ວມປະຊຸມ ທ່ານ ສິນລະວົງ ຄຸດໄພທູນ ປະທານກອງປະຊຸມ ກໍໄດ້ສະແດງຄວາມຊົມເຊີຍຜົນສຳເລັດ 1 ປີຜ່ານມາ ຂອງຫ້ອງວ່າການ ກໍຄືຄະນະພັກຮາກຖານ, ສະມາຊິກພັກພະນັກງານ ຫ້ອງວ່າການທັງໝົດ ທີ່ໄດ້ເຮັດຫຼ້ອນໜ້າທີ່ ໃນການເປັນເສນາທິການໃຫ້ການນຳ ນວ ແລະ ການບໍລິການຮັບໃຊ້ປະຊາຊົນ. ພ້ອມນີ້ກໍໃຫ້ສືບຕໍ່ປັບປຸງ ແກ້ໄຂ ບັນຫາທີ່ຍັງເປັນຈຸດອ່ອນ ຂໍ້ຄົງຄ້າງ ຕາມທີ່ບັນດາສະຫາຍຜູ້ແທນທີ່ເຂົ້າຮ່ວມປະຊຸມໄດ້ສະເໜີ ເປັນຕົ້ນການບັນນາທິການ ແລະ ຈັດສົ່ງເອກະສານທີ່ຍັງຊັກຊ້າ, ການຈັດກອງປະຊຸມຕ່າງໆ ແລະ ໜ້າວຽກອື່ນໆ ທີ່ຕິດພັນກັບບົດບາດການເປັນເສນາທິການ ໃຫ້ແກ່ຄະນະພັກ-ອົງງການປົກຄອງ ນວ ຂອງຫ້ອງວ່າການນະຄອນຫຼວງວຽງຈັນ ໃຫ້ດີຂື້ນເປັນກ້າວໆ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 59

ຈຳນວນຜູ້ເຂົ້າຊົມອາທິດນີ້ 237

ຈຳນວນຜູ້ເຂົ້າຊົມເດືອນນີ້ 1068

ຈຳນວນຜູ້ເຂົ້າຊົມທັງໝົດ 44918

Currently are 22 guests and no members online

ແຜນທີ່ນະຄອນຫຼວງວຽງຈັນ