Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

" ຮ່າງ " ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ

ນິຕິກຳສຳຄັນ

ຂ່າວສານໜ້າສົນໃຈ

       ຕອນເຊົ້າ ວັນທີ 19 ມີນາ 2019 ທີ່ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດກອງປະຊຸມເຜີຍແຜ່ເຊື່ອມຊືມ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ ພາຍໃຕ້ການເປັນປະທານ ຂອງ ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ເຂົ້າຮ່ວມມີ ທ່ານ ພົຈວ. ບຸບຜາ ສີພົມມາ ຫົວໜ້າກອງບັນຊາການ ປກສ ນວ, ພູວົງ ວົງຄຳຊາວ ຫົວໜ້າຫ້ອງວ່າການນະຄອນຫຼວງວຽງຈັນ, ທ່ານ ເດດສົງຄາມ ທຳມະວົງ ຫົວໜ້າພະແນກໂຍທາທິການ-ຂົນສົ່ງ ນວ ແລະ ບັນດາພະນັກງານ-ຕຳຫຼວດ, ກຳລັງກອງບັນຊາການ ປກສ ນວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

     ກອງປະຊຸມ ໄດ້ຮັບຟັງການເຊື່ອມຊືມ ຂໍ້ຕົກລົງ ເຈົ້າຄອງນະຄອນຫຼວງວຽງຈັນ ສະບັບເລກທີ 1323/ຈນວ, ລົງວັນທີ 21 ທັນວາ 2018 ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ.

    ໂອກາດນີ້ ທ່ານ ສິນລະວົງ ຄຸດໄພທູນ ໄດ້ມີຄຳເຫັນຕໍ່ກອງປະຊຸມດັ່ງກ່າວ ເຊີ່ງມີເນື້ອໃນບາງຕອນວ່າ: ສະເພາະປີ 2018 ຢູ່ ນວ ມີຜູ້ບາດເຈັບຈາກອຸປະຕິເຫດ ຈໍານວນ 1.522 ຄົນ ແລະ ເສັຍຊີວິດຈໍານວນ 238 ຄົນ ແລະ ຍັງມີົນສະຫາບການສັນຈອນແອອັດ ຕື່ມອີກ, ຍ້ອນເຫັນໄດ້ຜົນກະທົບດັ່ງກ່າວ ນວ ຈື່ງໄດ້ຄົ້ນຄ້ວາອອກນິຕິກໍານີ້ ຊື່ງຈຸດປະສົງຄາດໝາຍຂອງຂໍ້ຕົກລົງ 1323 ນີ້ ແມ່ນເລັ່ງໃສ່ເພື່ອຮັບປະກັນຊີວິດ, ຊັບສິນ ຂອງພົນລະເມືອງ, ເຮັດໃຫ້ເມືອງຫຼວງມີຄວາມສະຫງົບສຸກ ແລະ ສັງຄົມມີຄວາມປອດໄພ ທັງເປັນການຈັດຕັ້ງຜັນຂະຫຍາຍກົດໝາຍ, ຄໍາສັ່ງຂອງລັດຖະບານ ກໍຄືວິໄສທັດ(ທີ 2), ຄາດໝາຍໃຫຍ່ (ທີ 1) ແລະ ໂຄງການບຸກທະລຸ(ທີ4) ກ່ຽວກັບການຢັບຢັ້ງປະກົດການລົດຕິດ ແລະ ອຸປະຕິເຫດຕາມທ້ອງຖະໜົນ ທີ່ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກໍານົດໄວ້.

ເພື່ອຜັນຂະຫຍາຍ ຂໍ້ຕົກລົງສະບັບນີ້ໃຫ້ບັນລຸຄາດໝາຍພວກເຮົາ ຕ້ອງເປັນເຈົ້າການຮ່ວມກັນເພື່ອຈັດຕັ້ງປະຕິບັດ:

- ສໍາລັບພາກລັດ: ອົງການປົກຄອງນະຄອນຫຼວງວຽງຈັນ, ອົງການປົກຄອງເມືອງ ແລະ ອົງການປົກຄອງບ້ານ, ກົມຈະລາຈອນ ກະຊວງປ້ອງກັນຄວາມສະຫງົບ, ກອງບັນຊາການປ້ອງກັນຄວາມສະຫງົບ (ປກສ) ນະຄອນຫຼວງວຽງຈັນ ແລະ ປກສ ເມືອງ. ກ່ອນອື່ນຕ້ອງອ່ານ ແລະ ກໍາແໜ້ນຈຸດປະສົງ ແລະ ເນື້ອໃນສໍາຄັນຂອງຂໍ້ຕົກ ລົງ 1323 ໃຫ້ດີ, ຕ້ອງເປັນແບບຢ່າງໃນການປະຕິບັດລະບຽບກົດໝາຍ, ປຸກລະດົມ ແລະ ສຶກສາອົບຮົມພະນັກງານ ໃນຂະແໜງການຂອງຕົນ ໃຫ້ເຂົ້າຮ່ວມໃນການປະຕິບັດ ແລະ ພິຈາລະນາບັນຫາຄວາມກ້າວ ໜ້າຂອງພະນັກງານ-ລັດຖະກອນ ທີ່ລະເມີດມາດຕະການ ດັ່ງກ່າວ.

- ບັນດາສື່ມວນຊົນ ຕ້ອງໂຄສະນາເຜີຍແຜ່ກົດໝາຍ, ລະບຽບການທີ່ກ່ຽວຂ້ອງ ແລະ ຂໍ້ຕົກລົງສະບັບນີ້ ລວມທັງຜົນຮ້າຍຂອງການເກີດອຸປະເຫດຕາມຖະໜົນ ໃຫ້ສັງຄົມໄດ້ຮັບຮູ້ ແລະ ມີສະຕິໃນການປະຕິບັດກົດລະບຽບການຈະລາຈອນຢ່າງເຄັ່ງຄັດ.

- ສໍາລັບປະຊາຊົນ, ຫົວໜ່ວຍທຸລະກິດເອກະຊົນ ແລະ ການຈັດຕັ້ງພາຍໃນ ແລະ ຕ່າງປະເທດ ທີ່ດໍາລົງຊີວິດ ແລະ ເຄື່ອນໄຫວ ຢູ່ນະຄອນຫຼວງວຽງຈັນ ຕ້ອງມີສະຕິຕື່ນຕົວເຄົາລົບລະບຽບກົດໝາຍ, ໃຫ້ຄວາມຮ່ວມມືຈັດຕັ້ງປະຕິບັດຂໍ້ຕົກລົງນີ້ ເປັນຢ່າງດີ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 51

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 227

ຈຳນວນຜູ້ເຂົ້າຊົມເດືອນນີ້ 953

ຈຳນວນຜູ້ເຂົ້າຊົມທັງໝົດ 47477

Currently are 45 guests and no members online

ແຜນທີ່ນະຄອນຫຼວງວຽງຈັນ