ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວສານພົ້ນເດັ່ນປະຈຳວັນ

​ມອບ-ຮັບ​ໂຄງ­ການ​ກໍ່­ສ້າງ​ເດີ່ນ ເສັ້ນ­ທາງ​ເບ​ຕົງ ທາງ​ປູ­ຢາງ ແລະ ສວນ​ດອກ​ໄມ້ ກອງ​ບັນ­ຊາ​ການ​ທະ­ຫານ ນະ­ຄອນ­ຫຼວງ​ວຽງ​ຈັນ (ນວ)
ກອງ​ປະ­ຊຸມ​ຊຸກ­ຍູ້​ຂະ​ບວນ​ການ​ຮັກ​ຊາດ ແລະ ພັດ­ທະ­ນາ​ຂອງ​ພາກ​ທຸ­ລະ​ກິດ ເຂົ້າ​ສູ່​ເມືອງ​ນາ​ຊາຍ​ທອງ ແລະ ເມືອງ​ຫາດ​ຊາຍ​ຟອງ
ປີດງານຕະຫຼາດນັດສົ່ງເສີມຜົນຜະລິດກະສິກຳ ແລະ ຜະລິດຕະພັນທີ່ຜະລິດໄດ້ຢູ່ພາຍໃນ ຢູ່ສະຖານທີ່ຂອງສູນການຄ້າລາວ-ໄອເຕັກ
ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ພ້ອມ​ຄະນະ​ລົງ​ຢ້ຽມຢາມ ແລະ ເຮັດ​ວຽກ​ຢູ່​ເມືອງ ໄຊ​ທານີ ນະຄອນຫຼວງ​ວຽງ​ຈັນ
ຫ້ອງວ່າການ ນະຄອນຫຼວງວຽງຈັນ ໄດ້ສົມທົບກັບຂະແໜງການກ່ຽວຂ້ອງຂອງເມືອງຈັນທະບູລີ ໄດ້ລົງກວດກາສານປົນເປື້ອນໃນພືດຜັກ ທີ່ໄດ້ນໍາເຂົ້າຈາກ ສປ ຈີນ
ຫ້ອງວ່າການ ນະຄອນຫຼວງວຽງຈັນ ໄດ້ສົມທົບກັບຂະແໜງການກ່ຽວຂ້ອງຂອງເມືອງຈັນທະບູລີ ໄດ້ລົງກວດກາສານປົນເປື້ອນໃນພືດຜັກ ທີ່ໄດ້ນໍາເຂົ້າຈາກ ສປ ຈີນ
ການກະກຽມຊົນລະປະທານ ໃນການສະໜອງນໍ້າຮັບໃຊ້ການຜະລິດກະສິກໍາ ປະຈໍາປີ 2019

ກອງ​ປະ­ຊຸມ​ປັບ­ປຸງ​ຄວາມ​ສະ­ດວກ​ໃນ​ການ​ດຳ­ເນີນ​ທຸ­ລະ​ກິດ ແລະ ການ​ລົງ­ທຶນ ຈັດ​ຂຶ້ນ​ວັນ​ທີ 12 ກຸມ­ພາ 2019 ທີ່​ພະ​ແນກ​ແຜນ­ການ ແລະ ການ​ລົງ­ທຶນ ນະ­ຄອນ­ຫຼວງ​ວຽງ​ຈັນ (ນວ) ໂດຍ​ເປັນ​ປະ­ທານ​ຮ່ວມ​ຂອງ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ທ່ານ​ຮອງ​ລັດ­ຖະ­ມົນ­ຕີ ຮອງ​ເຈົ້າ​ຄອງ ນວ ຮອງ​ເຈົ້າ­ແຂວງ​ວຽງ​ຈັນ ຫົວ­ໜ້າ​ພະ​ແນກ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ​ຂອງ​ກອງ​ປະ­ຊຸມ​ຄັ້ງ​ນີ້ ແມ່ນ​ເພື່ອ​ເຜີຍ­ແຜ່​ເອ­ກະ­ສານ​ນິ­ຕິ​ກຳ​ລຸ່ມ​ກົດ­ໝາຍ​ທີ່​ລັດ­ຖະ­ບານ​ໄດ້​ຮັບ­ຮອງ ເພື່ອ​ໃຫ້​ຂະ­ແໜງ­ການ​ທັງ​ສູນ​ກາງ ແລະ ທ້ອງ­ຖິ່ນ​ມີ​ຄວາມ​ເປັນ​ເອ­ກະ​ພາບ​ກັນ ໃນ​ການ​ຄົ້ນ­ຄວ້າ​ພິ­ຈາ­ລະ­ນາ​ການ​ລົງ­ທຶນ​ໃຫ້​ມີ​ຄວາມ​ຖືກ­ຕ້ອງ ສອດ­ຄ່ອງ​ຕາມ​ລະ­ບຽບ​ຫຼັກ­ການ ຕາມ​ສິດ​ໜ້າ­ທີ່ ແລະ ພາ­ລະ​ບົດ​ຂອງ​ຕົນ ໃນ​ແຕ່​ລະ​ຂະ­ແໜງ­ການ ໂດຍ​ສະ­ເພາະ​ແມ່ນ​ຂະ­ແໜງ­ການ​ສົ່ງ­ເສີມ​ການ​ລົງ­ທຶນ ເຊິ່ງ​ຜູ້​ເຂົ້າ​ຮ່ວມ​ໄດ້​ພ້ອມ​ກັນ​ຮັບ​ຟັງ​ການ​ສະ­ເໜີ​ເອ­ກະ­ສານ​ສຳ­ຄັນ​ຄື: ດຳ­ລັດ​ຂອງ​ທ່ານ​ນາ­ຍົກ­ລັດ­ຖະ­ມົນ­ຕີ ວ່າ​ດ້ວຍ​ການ​ຮັບ​ເອົາ​ບັນ­ຊີ​ກິດ­ຈະ­ການ​ຄວບ​ຄຸມ ແລະ ກິດ­ຈະ­ການ​ສຳ​ປະ­ທານ​ຂອງ​ລາວ ຄຳ​ສັ່ງ​ຂອງ​ທ່ານ​ນາ­ຍົກ­ລັດ­ຖະ­ມົນ­ຕີ ວ່າ​ດ້ວຍ​ການ​ປັບ­ປຸງ​ບັນ­ດາ​ລະ­ບຽບ​ການ ແລະ ກົນ​ໄກ​ປະ­ສານ​ງານ​ໃນ​ການ​ດຳ­ເນີນ​ທຸ­ລະ​ກິດ​ຢູ່​ລາວ ຂໍ້​ຕົກ­ລົງ​ວ່າ​ດ້ວຍ​ການ­ຈັດ­ຕັ້ງ ແລະ ເຄື່ອນ​ໄຫວ​ຂອງ​ຫ້ອງ­ການ​ບໍ­ລິ­ຫານ ການ​ລົງ­ທຶນ​ປະ­ຕູ​ດຽວ ແລະ ໜ່ວຍ​ງານ​ປະ­ສານ​ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ​ຂັ້ນ​ສູນ​ກາງ ບົດ​ແນະ­ນຳ​ວ່າ​ດ້ວຍ​ການ​ໃຫ້​ນະ­ໂຍ­ບາຍ​ສົ່ງ­ເສີມ​ການ​ລົງ­ທຶນ​ດ້ານ​ພາ­ສີ​ອາ­ກອນ ແລະ ອາ­ກອນ​ມູນ​ຄ່າ​ເພີ່ມ ສຳ­ລັບ​ແຜນ​ນຳ​ເຂົ້າ­ຂອງ​ວິ​ສາ​ຫະ​ກິດ ແລະ ດຳ­ລັດ​ວ່າ​ດ້ວຍ​ເຂດ​ເສດ­ຖະ­ກິດ​ພິ­ເສດ​ລົງ­ທຶນ.

    ທ່ານ ສຸ­ພັນ ແກ້ວ​ມີ​ໄຊ ກ່າວ​ວ່າ: ໃນ​ໄລ­ຍະ​ຜ່ານ​ມາ ລັດ­ຖະ­ບານ​ກໍ​ໄດ້​ຈັດ​ກອງ​ປະ­ຊຸມ​ປືກ​ສາ​ຫາ­ລື​ກັນ​ຫຼາຍ​ຄັ້ງ ໃນ​ການ​ປະ­ຕິ­ບັດ​ບັນ­ດາ​ນິ­ຕິ​ກຳ​ດັ່ງ­ກ່າວ ເພື່ອ​ໃຫ້­ການ​ປະ­ຕິ­ບັດ​ວຽກ​ງານ​ການ​ລົງ­ທຶນ ມີ​ຄວາມ​ສອດ­ຄ່ອງ​ກັບ​ສະ­ພາບ​ຕົວ​ຈິງ​ໃນ​ປັດ­ຈຸ­ບັນ ພ້ອມ​ທັງ​ຮັບ­ປະ­ກັນ​ຄຸນ​ນະ​ພາບ ຄວາມ​ສະ­ດວກ ງ່າຍ­ດາຍ ແລະ ວ່ອງ­ໄວ​ຫຼາຍ​ຂຶ້ນ​ກວ່າ​ເກົ່າ ເປັນ­ຕົ້ນ ກອງ​ປະ­ຊຸມ​ຄະ­ນະ​ກຳ­ມະ­ການ​ສົ່ງ­ເສີມ​ການ​ລົງ­ທຶນ​ຂັ້ນ​ສູນ​ກາງ ໃນ​ຂອບ​ເຂດ​ທົ່ວ​ປະ­ເທດ ໃນ​ຕົ້ນ​ເດືອນ​ມັງ­ກອນ​ຜ່ານ​ມາ​ນີ້ ສະ­ນັ້ນ ເພື່ອ​ໃຫ້​ມີ​ຄວາມ​ເປັນ​ເອ­ກະ​ພາບ​ກັນ ພວກ​ເຮົາ​ຕ້ອງ​ໄດ້​ສຸມ​ໃສ່ ຄົ້ນ­ຄວ້າ ປະ­ກອບ​ຄຳ​ຄິດ​ຄຳ​ເຫັນ​ຮ່ວມ​ກັນ​ດ້ວຍ​ຄວາມ​ຮັບ­ຜິດ­ຊອບ​ສູງ ເພື່ອ​ສຸມ​ໃສ່​ການ​ປັບ­ປຸງ​ບັນ­ຍາ­ກາດ​ໃນ​ການ​ດຳ­ເນີນ​ທຸ­ລະ​ກິດ​ຢູ່​ພາຍ​ໃນ​ປະ­ເທດ​ໃຫ້​ດີ​ຂຶ້ນ ແນ­ໃສ່​ເຮັດ​ໃຫ້​ອັນ​ດັບ​ຄວາມ​ສະ­ດວກ​ໃນ​ການ​ດຳ­ເນີນ​ທຸ­ລະ​ກິດ​ໄດ້​ອັນ​ດັບ​ທີ ທີ່​ເປັນ​ສອງ​ຕົວ​ເລກ​ໃນ​ປີ 2020 ພ້ອມ​ນັ້ນ​ກໍ​ເພື່ອ​ດຶງ​ດູດ​ເອົາ​ການ​ລົງ­ທຶນ​ທີ່​ມີ​ຄຸນ​ນະ​ພາບ ຊຸກ­ຍູ້​ສົ່ງ­ເສີມ ແລະ ສ້າງ​ຂີດ​ຄວາມ​ສາ­ມາດ​ໃນ​ການ​ແຂ່ງ­ຂັນ​ຂອງ​ທຸ­ລະ​ກິດ​ພາຍ​ໃນ ໂດຍ​ສະ­ເພາະ​ແມ່ນ​ຢູ່​ນະ­ຄອນ­ຫຼວງ​ວຽງ​ຈັນ​ໃຫ້​ສູງ​ຂຶ້ນ​ເລື້ອຍໆ.

ທີ່ມາຂໍ້ມູນຈາກ: ໜັງສືພິມວຽງຈັນໃໝ່.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 62

ຈຳນວນຜູ້ເຂົ້າຊົມວານນີ້ 99

ຈຳນວນຜູ້ເຂົ້າຊົມອາທິດນີ້ 418

ຈຳນວນຜູ້ເຂົ້າຊົມເດືອນນີ້ 435

ຈຳນວນຜູ້ເຂົ້າຊົມທັງໝົດ 54372

Currently are 21 guests and no members online