ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວສານພົ້ນເດັ່ນປະຈຳວັນ

ຖະແຫຼງຂ່າວ ຈາກ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດ COVID-19
ນະຄອນຫຼວງ ປຸກລະດົມໃຫ້ຟາມລ້ຽງໝູທີ່ໄດ້ປິດໄປໃຫ້ຟື້ນຄືນ
ແຜນພັດທະນາເສດຖະກິດ-ສັງຄົມ ທົ່ວ ນວ ປະຕິບັດໄດ້ລື່ນແຜນການ
ຜົນຂອງກອງປະຊູມ ຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ນະຄອນຫຼວງວຽງຈັນ - ຈັງຫວັດໜອງຄາຍ ຄັ້ງທີ 12, ຄັ້ງວັນທີ 18 ມັງກອນ 2020
ຄະນະຜູ້ແທນນະຄອນຫຼວງຢ້ຽມຢາມ ແລະ ແລກປ່ຽນບົດຮຽນກັບແຂວງສຽມຮຽບ
​ເປີດນໍາໃຊ້ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫຼວງວຽງຈັນ ສາຂາເມືອງນາຊາຍທອງ
ລົງນາມສ້າງສະຖານີລົດເມນະຄອນຫຼວງວຽງຈັນທີ່ສູນການຄ້າລາວ-ໄອເຕັກ
ພິທີຮັບສະມາຊິກຊາວໜຸ່ມປະຊາຊົນປະຕິວັດລາວ ທົ່ວນະຄອນຫຼວງວຽງຈັນປະຈຳປີ 2019 ຄັ້ງວັນທີ 14 ທັນວາ 2019 ທີ່ ຫໍພິພິຕະພັນ ປະທານ ໄກສອນ ພົມວິຫານ
ປີດງານຕະຫຼາດນັດສົ່ງເສີມຜົນຜະລິດກະສິກຳ ແລະ ຜະລິດຕະພັນທີ່ຜະລິດໄດ້ຢູ່ພາຍໃນ ຢູ່ສະຖານທີ່ຂອງສູນການຄ້າລາວ-ໄອເຕັກ
ທ່ານ ບຸນ​ຍັງ ວໍລະ​ຈິດ ປະທານ​ປະເທດ​ພ້ອມ​ຄະນະ​ລົງ​ຢ້ຽມຢາມ ແລະ ເຮັດ​ວຽກ​ຢູ່​ເມືອງ ໄຊ​ທານີ ນະຄອນຫຼວງ​ວຽງ​ຈັນ
ຫ້ອງວ່າການ ນະຄອນຫຼວງວຽງຈັນ ໄດ້ສົມທົບກັບຂະແໜງການກ່ຽວຂ້ອງຂອງເມືອງຈັນທະບູລີ ໄດ້ລົງກວດກາສານປົນເປື້ອນໃນພືດຜັກ ທີ່ໄດ້ນໍາເຂົ້າຈາກ ສປ ຈີນ
ການກະກຽມຊົນລະປະທານ ໃນການສະໜອງນໍ້າຮັບໃຊ້ການຜະລິດກະສິກໍາ ປະຈໍາປີ 2019
ຕະຫຼາດສົມຫວັງ ຈຸດແລກປ່ຽນສິນຄ້າກະສິກຳຫັດຖະກຳ
ເລີ່ມກໍ່ສ້າງໂຮງງານແປຮູບຂີ້ເຫຍື້ອ ຜະລິດເປັນພະລັງງານທົດແທນ
http://vientianecity.gov.la/index.php/news/2019-07-15-02-30-49/557-2020-01-10-06-21-55

      ວັນທີ 16 ມັງກອນ 2019 ທີ່ພະແນກພະລັງງານ ແລະ ບໍ່ແຮ່ ນວ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ແລະ ຮັກນະຄອນຫຼວງວຽງຈັນ, ແຜນວຽກ 3 ຫຼຸດ 3 ເພີ້ມ 3 ຂະບວນການ ປະຈຳປີ 2018 ແລະ ທິດທາງແຜນການ ປະຈຳປີ 2019. ເຂົ້າຮ່ວມເປັນປະທານຮ່ວມໂດຍທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຊົງເລົາ ນົງຢູ ຫົວໜ້າພະແນກພະລັງງານ ແລະ ບໍ່ແຮ່ ນວ ພ້ອມດ້ວຍບັນດາພະແນກການ, ເມືອງອ້ອມຂ້າງ, ແຂກທີ່ຖືກເຊີນ, ບັນດາພະນັກງານຫຼັກແຫຼ່ງ-ພະນັກງານວິຊາການ ພາຍໃນພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມໄດ້ຮັບຟັງການຜ່ານບົດສະຫຼຸບປະຈຳປີ ການຈັດັຕ້ງປະຕິບັດວຽກງານຮອບດ້ານ ໃນປີ 2018 ແລະ ທິດທາງແຜນການປີ 2019 ໂດຍທ່ານ ຫົວໜ້າພະແນກພະລັງງານ ແລະ ບໍ່ແຮ່ ນວ ຈາກນັ້ນ ກໍແມ່ນບັນດາຫົວໜ້າຫ້ອງການພະລັງງານ ແລະ ບໍ່ແຮ່ ຂອງແຕ່ລະເມືອງ ຂື້ນລາຍງານ ແລະ ປະກອບຄຳເຫັນຕໍ່ບົດສະຫຼຸບຂອງຫົວໜ້າພະແນກ.
ໃນບາງຕອນຂອງບົດສະຫຼຸບ ທ່ານ ຊົງເລົາ ນົງຢູ ຫົວໜ້າພະແນກພະລັງງານ ແລະ ບໍ່ແຮ່ ກ່າວວ່າ: ສຳລັບວຽກງານຄຸ້ມຄອງພະລັງງານ ແລະ ສົ່ງເສີມພະລັງງານທົດແທນ ໄລຍະ 1 ປີ ຜ່ານມາສາມາດອອກອະນຸຍາດດຳເນີນກິດຈຳການດ້ານໄຟຟ້າໄດ້ທັງໝົດ 15 ຫົວໜ່ວຍ (ເປັນການຕໍ່ອະນຸຍາດ) ແລະ ອອກໃບຢັ້ງ ຢືນຂໍຢຸດເຊົາຊົ່ວຄາວ 02 ຫົວໜ່ວຍ; ໄດ້ຈັດຕັ້ງປະຕິບັດໃນການກວດກາ, ຕິດຕາມການຊົມໃຊ້ໄຟຟ້າຂອງປະຊາຊົນ ໃນນະຄອນຫຼວງວຽງຈັນ ໂດຍເລັ່ງໃສ່ຈຸດທີ່ມີຄວາມສ່ຽງທີ່ຈະເກີດອຸບັດຕິເຫດໄຟ້ຟ້າ ລັດວົງຈອນ ອັນເປັນສາເຫດໜື່ງທີ່ພາໃຫ້ມີໄຟໄໝ້, ສາມາດຈັດຕັ້ງປະຕິບັດລົງກວດກາໄດ້ຄົບ 09 ເມືອງ ແລະ ສໍາເລັດ ໃນການຖອດຖອນບົດຮຽນແລ້ວ 01 ເມືອງ (ເມືອງ ປາກງື່ມ) ມີລາຍລະອຽດດັ່ງລຸ່ມນີ້:
+ ບ້ານທີ່ປະຕິບັດໄດ້ແລ້ວມີ 380 ບ້ານ ເທົ່າກັບ 79% (ໃນຈໍານວນ 481 ບ້ານ);
+ ຫຼັງຄາເຮືອນທີ່ກວດກາແລ້ວມີ 50.505 ຫຼັງຄາ ເທົ່າກັບ 37,47% (ໃນຈໍານວນ 135.050 ຫຼັງຄາ);
+ ພົບເຫັນບັນຫາ 22.763 ຫຼັງຄາ ເທົ່າກັບ 45,07%;
+ ແກ້ໄຂແລ້ວ 5.000 ຫຼັງຄາ ເທົ່າກັບ 21,96%;
+ ຍັງບໍ່ທັນໄດ້ແກ້ໄຂ 17.512 ຫຼັງຄາ ເທົ່າກັບ 80,47%;
+ ຕິດຕັ້ງລະບົບຕັດໄຟອະຕະໂນມັດ 5.638 ຫຼັງຄາ.
- ວຽກງານທໍລະນີສາດ ແລະ ແຮ່ທາດ: ຕິດຕາມກວດກາ, ຄຸ້ມຄອງບັນດາຫົວໜ່ວຍທຸລະກິດ ທີ່ດໍາເນີນກິດຈະການດ້ານການຊອກຄົ້ນ-ສຳຫຼວດແຮ່ທາດ ຈຳນວນ 12 ຫົວໜ່ວຍ ທີ່ຂັ້ນສູນກາງອອກອະນຸຍາດ ທີ່ມີທີ່ຕັ້ງຢູ່ໃນນະຄອນຫຼວງ;
- ຕິດຕາມກວດກາ ການຂຸດຄົ້ນແຮ່ທາດແບບຊະຊາຍ (ບໍ່ມີໃບອະນຸຍາດ) ໂດຍສະເພາະແມ່ນການຂຸດຄົ້ນດິນແດງ, ຫີນດານ ແລະ ຫີນກໍ່ສ້າງ ແລະ ແຮ່ທາດອື່ນໆ, ເຊີ່ງໃນປີ 2018 ສາມາດລົງກວດກາ ຈຳນວນ 07 ຄັ້ງ ໃນຂອບເຂດ 4 ເມືອງ ຄື: ເມືອງ ໄຊເສດຖາ 03 ຄັ້ງ, ໄຊທານີ 02 ຄັ້ງ, ຫາດຊາຍຟອງ 01 ຄັ້ງ ແລະ ນາຊາຍທອງ 01 ຄັ້ງ ແລະ ພົບເຫັນບັນຫາ 11 ກໍລະນີ;
- ວຽກງານ ຄຸ້ມຄອງບໍ່ແຮ່:ບັນດາໂຄງການຂຸດຄົ້ນແຮ່ທາດຢູ່ໃນນະຄອນຫລວງວຽງຈັນ ທີ່ສູນກາງອອກອະນຸຍາດມີ 04 ໂຄງການ ຄື: ໂຄງການຂຸດຄົ້ນຖ່ານຫີນ 01 ໂຄງການ, ໂຄງການຂຸດຄົ້ນເກືອໂປຼຕັສ ມີ 02 ໂຄງການ (ປະຈຸບັນແມ່ນໄດ້ຢຸດເຊົາ) ແລະ ໂຄງການຂຸດຄົ້ນຄໍາ ມີ 01 ໂຄງການ ໃຫ້ໄດ້ມາດຕະຖານຕາມການມອບໝາຍຂອງຂັ້ນເທິງ;
- ຄຸ້ມຄອງ, ກວດກາ, ຕິດຕາມ ບັນດາໂຮງງານອຸດສາຫະກຳເສີມຄຸນຄ່າ ແລະ ແຍກແຮ່ທາດ ຈຳນວນ 11 ຫົວໜ່ວຍ ມີມູນຄ່າການລົງທຶນ 87,2 ລ້ານໂດລ້າສະຫະລັດ ປະຕິບັດລະບຽບການນຳເຂົ້າ-ສົ່ງອອກ ແຮ່ທາດ, ຜະລິດ ຕະພັນແຮ່ທາດ, ສານເຄມີ ແລະ ວັດຖຸສະຫນອງໂຄງການ ໃຫ້ຖືກຕ້ອງຕາມລະບຽບຫຼັກການ; ການນຳເຂົ້າວັດຖຸສະໜອງໂຄງການໃນ ໄລຍະໜື່ງປີ ສາມາດປະຕິບັດໄດ້ດັ່ງນີ້:
+ ການນໍາເຂົ້າ: ມີທັງໝົດ 153.961 ໂຕນ, ລວມເປັນມູນຄ່າ 3.8 ລ້ານໂດລ້າສະຫະລັດ.
+ ການສົ່ງອອກ: ມີທັງໝົດ 14.924 ໂຕນ, ລວມເປັນມູນຄ່າ 16 ລ້ານໂດລ້າສະຫະລັດ.
- ຄຸ້ມຄອງການຜະລິດ-ການຈຳໜ່າຍ ຫີນພູ, ຫີນດານ, ເກືອກິນ ແລະ ດິນປະເພດຕ່າງໆ ໃນໜື່ງປີມີລາຍລະອຽດດັ່ງລຸ່ມນີ້:
- ການຜະລິດ:
+ ເກືອຕົ້ມ 2.529 ໂຕນ, ເປັນມູນຄ່າ 1.733 ລ້ານກີບ;
+ ເກືອຕາກ 2.516 ໂຕນ, ເປັນມູນຄ່າ 720 ລ້ານກີບ;
+ ຫີນກໍ່ສ້າງ 126.864 ແມັດກ້ອນ, ເປັນມູນຄ່າ 6.022 ລ້ານກີບ;
+ ຫີນດານ 6.000 ແມັດກ້ອນ, ເປັນມູນຄ່າ 210 ລ້ານກິບ;
+ ດິນແດງ 144.511 ແມັດກ້ອນ, ເປັນມູນຄ່າ 1.156 ລ້ານກີບ.
- ການຈຳໜ່າຍ:
+ ເກືອຕົ້ມ 2.972 ໂຕນ, ເປັນມູນຄ່າ 3.252 ລ້ານກີບ (ໃນນີ້ ຈໍານວນ 443 ໂຕນ ເປັນສິນຄ້າຄ້າງສາງຂອງປີຜ່ານມາ ລວມເປັນມູນຄ່າ 484 ລ້ານກີບ;
+ ເກືອຕາກ 3.496 ໂຕນ, ເປັນມູນຄ່າ 1.261 ລ້ານກີບ (ໃນນີ້ ຈໍານວນ 980 ໂຕນ ເປັນສິນຄ້າຄ້າງສາງຂອງປີຜ່ານມາ ລວມເປັນມູນຄ່າ 353 ລ້ານກີບ;
+ ຫີນກໍ່ສ້າງ 104.990 ແມັດກ້ອນ, ເປັນມູນຄ່າ 7.114 ລ້ານກີບ;
+ ຫີນດານ 5.000 ແມັດກ້ອນ, ເປັນມູນຄ່າ 225 ລ້ານກິບ;
+ ດິນແດງ 144.511 ແມັດກ້ອນ, ເປັນມູນຄ່າ 2.167 ລ້ານກີບ.

ໃນປີ 2018 ໄດ້ຊຸກຍູ້ໃຫ້ບັນດາຜູ້ປະກອບການມອບພັນທະເຂົ້າງົບປະມານລັດປະຕິບັດໄດ້ທັງໝົດ 2.229 ລ້ານກວ່າກີບ;

ໃນຕອນທ້າຍທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ມີຄຳເຫັນສະຫຼຸບ ເຊີ່ງໄດ້ເນັ້ນໜັກ ໃຫ້ພະແນກພະລັງງານ-ບໍ່ແຮ່ ເອົາໃຈໃສ່ 5 ແຜນວຽກຄື:
1. ການຈັດຕັ້ງປະຕິບັດໂຄງການຍົກລະດັບແສງສະຫວ່າງ ຂອງ ນະຄອນຫຼວງ ມີ: 1) ແສງຫວ່າງເຂດຊານເມືອງທີ່ມີຊຸມຊົນໜາແໜ້ນ; 2) ຍົກລະດັບຄວາມສະຖຽນຂອງການນຳໃຊ້ລະບົບໄຟຟ້າໃນຕົວເມືອງ, ການນຳໃຊ້ລະບົບການເປີດ-ປິດ ແສງໄຟ, ໄຟຟ້າ ທີ່ທັນສະໄໝ; 3) ການຈັດການກັບການນຳໃຊ້ໄຟຟ້າສາທາລະນະ ເປັນຕົ້ນ: ເສົາໄຟຟເຍືອງທາງຕາມເສັ້ນທາງຫຼວງ, ເສັ້ນທາງສາຍຫຼັກ, ສວນສາທາລະນະ, ແລະ ສະຖານທີ, ກິດຈະກຳສາທາລະອື່ນໆ...
2. ສືບຕໍ່ແກ້ໄຂຈຸດອ່ອນ-ຂໍ້ຄົງຄ້າງ: ເຊັ່ນການກວດກາການຕິດຕັ້ງໄຟຟ້າໃນຄົວເຮືອນ, ຫ້ອງການ ແລະ ສະຖານທີອື່ນໆ ທີ່ບໍ່ໄດ້ມາດຖານ ແລະ ບໍ່ຖືລະບຽບ.
3. ວຽກງານການຂຸດຄົ້ນແຮ່ທາດ, ຫີນ ແລະ ແຮ່ອື່ນໆ.
4. ການຮູ້ຊົມໃຊ້ໄຟຟ້າຢ່າງປະຢັດ ໃນຫ້ອງການ, ຕຶກສຳນັກງານອົງການ.
5. ການປ້ອງກັນຫ່າງສຽງສັງຄົມ ໃນຂະແໜງການພະລັງງານ-ບໍ່ແຮ່ ແລະ ບັນກາອື່ນໆ...
ເອົາໃຈໃສ່ສືບຕໍ່ຈັດຕັ້ງປະຕິບັດແຜນວຽກປະຈຳປີ 2019 ແລະ ໃນຕໍ່ໜ້າໃຫ້ສຳເລັດ ແລະ ບັນລຸຄາດໝາຍ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 128

ຈຳນວນຜູ້ເຂົ້າຊົມເດືອນນີ້ 128

ຈຳນວນຜູ້ເຂົ້າຊົມທັງໝົດ 64615

Currently are 23 guests and no members online