Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ

ນິຕິກຳສຳຄັນ

ຂ່າວສານໜ້າສົນໃຈ

      44023181 687683601611601 3634359411289358336 n

      ໃນວັນທີ 10-12 ຕຸລາ 2018 ທີ່ຜ່ານມາ ທ່ານ ປອ ສິນລະວົງ ຄຸດໄພທູນກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນໄດ້ນຳພາຄະນະຜູ້ແທນຂັ້ນສູງຂອງ ນະຄອນຫຼວງວຽງຈັນ ເດີນທາງໄປຢ້ຽມຢາມ ແລະເຮັດວຽກຢູ່ນະຄອນຫຼວງ ຮ່າໂນ້ຍ ສສ. ຫວຽດນາມ.

     
44171228 687683811611580 4258836755500761088 n

      ໃນໂອກາດຢ້ຽມຢາມຄັ້ງນີ້ ຄະະນຜູ້ແທນ ນວ ໄດ້ພົບກັບສະຫາຍ ຫວງຈຸງ ຮາຍ ກຳມະການກົມການເມືອງສູນກາງພັກກອມມູນິດຫວຽດນາມ, ເລຂາຄະນະພັກນະຄອນຮ່າໂນ້ຍພ້ອມດ້ວຍຄະນະເຊີ່ງທັງສອງຝ່າຍໄດ້ພ້ອມກັນທົບທວນຄືນການປະຕິບັດ ບົດບັນທຶກການຮ່ວມມືຂອງສອງນະຄອນ (ໄລຍະ 2017-2020) ທີ່ໄດ້ລົງນາມກັນໃນເດືອນ 11 ປີ 2017 ຜ່ານມາ ແລະປຶກສາຫາລືແຜນການຮ່ວມມືໃນຕໍ່ໜ້າ.ຜ່ານການທົບທວນທັງສອງຝ່າຍມີຄວາມເພີ່ງພໍໃຈທີ່ເຫັນວ່າບົດບັນທຶກການຮ່ວມມືນັ້ນໄດ້ຮັບການ ຈັດຕັ້ງປະຕິບັດຢ່າງຕັ້ງໜ້າ, ເນື້ອໃນບົດບັນທຶກທົງໝົດມີ 11 ຂໍ້ ມາຮອດປະຈຸບັນ ພຽງເວລາບໍ່ຮອດໜື່ງປີສາມາດປະຕິບັດໄດ້ແລ້ວ 8 ຂໍ້ ຍັງອີກ 3 ຂໍ້ ທີ່ຍັງກຳລັງກະກຽມປະຕິບັດ (ຍ້ອນເວລາຍັງບໍ່ທັນຮອດ); ທັງສອງຝ່າຍຍັງໄດ້ປຶກສາຫາລືແຜນການຮ່ວມມື ໃນຕໍ່ໜ້າເພື່ອເຮັດແນວໃດໃຫ້ຫົວຂໍ້ທີ່ຍັງບໍ່ທັນປະຕິບັດນັ້ນ ໄດ້ຮັບການປະຕິບັດໄວເປັນຕົ້ນ: ໂຄງການຮ່ວມມືໃນການສ້າງສູນການຄ້າວຽງຈັນຢູ່ຮ່າໂນ້ຍ ແລະສູນການຄ້າຮ່າໂນ້ຍຢູ່ວຽງຈັນ... ພ້ອມດຽວກັນນັ້ນ ຄະນະຜູ້ແທນນະຄອນຫຼວງວຽງຈັນຍັງໄດ້ຮັບ ຟັງບົດຮຽນກ່ຽວກັບການສ້າງລັດຖະບານເອເລັກໂຕນິກ ແລະການຈັດເກັບລາຍຮັບຊ່ຽວຊານຈາກຮ່າໂນ້ຍ ອີກດ້ວຍ; ໄດ້ໄປຖອດຖອນບົດຮຽນຕົວຈິງຢູ່ເມືອງລ່ອງບຽນ ນະຄອນຮ່າໂນ້ຍໃນການນຳໃຊ້ລະບົບເອເລັກໂຕນິກ ແລະ ການນຳໃຊ້ເຕັກໂນໂລຊີ ຂ່າວສານການຄຸ້ມຄອງລັດ.44146374 687683521611609 5848740623783297024 n

ນອກນີ້ ຄະນະຍັງໄດ້ເຂົ້າຢ້ຽມຂ່ຳນັບ ສະຫາຍ ເຈີ່ນ ກັວກ ເວື້ອງຜູ້ປະຈຳການຄະນະເລຂາທິການສູນກາງພັກຄອມມູນິດຫວຽດນາມ ແລະ ສະຫາຍ ເຈືອງ ຮວ່າ ບິງຮອງນາຍົກລັດຖະມົນຕີ, ຜູ້ປະຈຳການ ເຊີ່ງໃນໂອກາດນີ້ ທ່ານເຈົ້າຄອງ ນວກໍໄດ້ລາຍງານຜົນການທົບທວນບົດບັນທຶກການຮ່ວມມືຂອງສອງນະຄອນໃຫ້ສະຫາຍຜູ້ປະຈຳການຄະນະເລຂາທິການສູນກາງພັກຄອມມູນິດຫວຽດນາມ ແລະ ສະຫາຍຮອງນາຍົກລັດຖະມົນຕີ ຊາບ. ພ້ອມດຽວກັນນັ້ນ ກໍສະແດງຄວາມຂອບໃຈ ແລະຮູ້ບຸນຄຸນຕໍ່ພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອລາວ ກໍຄື ນວ ຕະຫຼອດມາເຊີ່ງເປັນການປະກອບສ່ວນສຳຄັນເຂົ້າໃນການພັດທະນາຂອງ ນວ ໃຫ້ດີຂື້ນເປັນກ້າວໆ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 46

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 261

ຈຳນວນຜູ້ເຂົ້າຊົມເດືອນນີ້ 699

ຈຳນວນຜູ້ເຂົ້າຊົມທັງໝົດ 37928

Currently are 42 guests and no members online

ແຜນທີ່ນະຄອນຫຼວງວຽງຈັນ