Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018

ນິຕິກຳສຳຄັນ

ຂ່າວສານໜ້າສົນໃຈ

40279567 662004270846201 504217804656869376 n

       ຕອນເຊົ້າຂອງວັນທີ 27 ສິງຫາ 2018 ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍ ທ່ານ ພົຈວ. ສີພອນ ຈັນສົມວົງ ຫົວໜ້າກອງບັນຊາການທະຫານ ນວ, ທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ, ທ່ານ ຈັນທະລາ ອິນທະລັງສີ ເມືອງໄຊທານີ , ພະແນກ ແຮງງານ ແລະ ສະຫວັດດີການສັງຄົມ, ພະແນກກະສິກຳ-ປ່າໄມ້, ພະແນກໂຍທາທິການ-ຂົນສົ່ງ ແລະ ບັນດາພາກສ່ວນທີ່ກ່ຽວຂ້ອງ. ໄດ້ລົງຕິດຕາມສະພາບນ້ຳຖ້ວມຢູ່ທີ່ ເຂດບ້ານທ່າສະຫວ່າງເມືອງໄຊທານີ ນວ, ບ້ານແສນດິນ ເມືອງນາຊາຍທອງ ນວ; ຫ້ວຍອີໂຢດ ແລະ ເສັ້ນທາງຊາຍແດນເຊື່ອມຕໍ່ລະຫວ່າງເມືອງນາຊາຍທອງ ແລະ ເມືອງໄຊທານີ; ເຊີ່ງປະຈຸບັນແມ່ນໄດ້ຮັບຜົນກະທົບໜັກຈາກການເພີ່ມຂື້ນຂອງລະດັບນ້ຳງື່ມ. ໜັກທີ່ສຸດກໍແມ່ນບ້ານແສນດິນ ເມືອງນາຊາຍທອງ ນວ. ເຊີ່ງມີເນື້ອທີ່ການຜະລິດກະສິກຳຂອງປະຊາຊົນ ເຊັ່ນ ສວນມັນຕົ້ນ, ສວນສາລີ ແລະ ສວນພືດຜັກຕ່າງໆ ສະເລ່ຍຜົນເສຍຫາຍແມ່ນ 500 ກ່ວາເຮັກຕາ ແມ່ນຖືກນ້ຳຖ້ວມໝົດແລ້ວ ລວມທັງເຮືອນຊານ ແລະ ໃນຕົວເທດສະບານ, ບ້ານແສນດິນເອງ ກໍຖືກນໍ້າໄຫຼເຂົ້າຖ້ວມເຊັ່ນກັນ. ວັດແທກລະດັບນ້ຳທີ່ຖ້ວມສູງທີ່ສຸດປະຈຸບັນແມ່ນ 11,34 m.

    40159411 662004494179512 5033724288209780736 n

    ໂອກາດນີ້ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ຕາງໜ້າອົງການປົກຄອງ ນວ ມອບເງິນສົດ ໃຫ້ ທັງ ສອງເມືອງທີ່ຮັບຜົນກະທົບ ເມືອງລະ 20 ລ້ານກີບ ແລະ ມອບເຄື່ອງອຸປະໂພ-ບໍລິໂພກ ຈຳນວນໜື່ງ ເພື່ອຊ່ວຍເຫຼືອໃຫ້ແກ່ປະຊາຊົນທີ່ຍົກຍ້າຍອອກຈາກບ້ານເຮືອນຂອງຕົນທີ່ຖືກນ້ຳຖ້ວມ ມາຢູ່ສູນທີ່ພັກຊົ່ວຄາວ.

     ທ່ານ ສິນລະວົງ ຄຸດໄພທູນ ໄດ້ໃຫ້ທິດຊີ້ນຳ ວ່າ ໃນແຜນວຽກຮີບດ່ວນທີ່ຕ້ອງແກ້ໄຂນີ້ ແມ່ນ: 1) ຕ້ອງເອົາໃຈໃສ່ກວດກາຕິດຕາມຢ່າງໃກ້ສິດບ້ານເຮືອນປະຊາຊົນ ທີ່ໄດ້ຮັບຜົນກະທົບ ເຝົ້າລະວັງ ຫາກເຫັນວ່າມີຄວາມສ່ຽງ ອັນຕະລາຍ ແມ່ນໃຫ້ຍົກຍ້າຍປະຊາຊົນ ມາຢູ່ຈຸດທີ່ປອດໄພທັນທີ່ ຕົ້ນຕໍແມ່ນຍ້າຍຈາກທີ່ຕ່ຳມາຢູ່ທີ່ສູງ ຕ້ອງຮັບປະກັນຄວາມປອດໄພທັງຊີວິດ ຊັບສິນ ເພື່ອບໍ່ໃຫ້ມີການສູນເສຍ, 2) ເອົາໃຈໃສ່ ດ້ານສາທາລະນະສຸກ ພະຍາດທີ່ຈະມາກັບນ້ຳຖ້ວມ ລວມທັງສັດມີພິດຕ່າງໆ (ໃຫ້ປະສານເອົາເຄື່ອງກອງນ້ຳເພື່ອມາກອງນ້ຳສະອາດໃຫ້ປະຊາຊົນໄດ້ຊົມໃຊ້). 3) ໃຫ້ເມືອງສືບຕໍ່ຈັດຕັ້ງປະຕິບັດການແກ້ໄຂ ຊ່ວຍເຫຼືອນີ້ຕໍ່ໄປ ໂດຍສົມທົບກັບຄະນະຕ້ານໄພພິບັດຂັ້ນນະຄອນຫຼວງ ແລະ ພະແນກການກ່ຽວຂ້ອງ ຫາກມີອັນຫຍຸ້ງຍາກ ກໍໃຫ້ລາຍງານຂໍຄຳເຫັນນຳອົງການປົກຄອງ ນວ ເພື່ອຫາວິທີແກ້ໄຂ ແລະ ຊ່ວຍເຫຼືອໃຫ້ທັນການ.

    ຫຼັງຈາກນັ້ນ ທ່ານເຈົ້ງຄອງ ນວ ພ້ອມດ້ວຍຄະນະກໍໄດ້ ສືບຕໍ່ລົງຕິດຕາມສະພາບການຕົວຈິງ ແລະ ລົງພື້ນທີ່ນ້ຳຖ້ວມຢູ່ບ້ານແສນດິນ ເມືອງນາຊາຍທອງ ນວ ຈົນສຳເລັດຕາມແຜນການລົງຕິດຕາມໃນຄັ້ງນີ້.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 262

ຈຳນວນຜູ້ເຂົ້າຊົມເດືອນນີ້ 700

ຈຳນວນຜູ້ເຂົ້າຊົມທັງໝົດ 37929

Currently are 26 guests and no members online

ແຜນທີ່ນະຄອນຫຼວງວຽງຈັນ