Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018

ນິຕິກຳສຳຄັນ

ຂ່າວສານໜ້າສົນໃຈ

39589291 655621794817782 1521646976704184320 n

      ວັນ​ທີ 20 ສິງ­ຫາ 2018 ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ພ້ອມ​ດ້ວຍ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ແລະ ບັນ­ດາ​ລັດ­ຖະ­ມົນ­ຕີ ຮອງ​ລັດ­ຖະ­ມົນ­ຕີ​ກະ­ຊວງ​ກ່ຽວ­ຂ້ອງ ໄດ້​ລົງ​ຕິດ­ຕາມ​ສະ­ພາບ ນ້ຳ­ຂອງ​ຍື່ງ​ຖ້ວມ​ຈຸດ​ຫຼໍ່​ແຫຼມ​ເຂດ​ເມືອງ​ສີ​ໂຄດ​ຕະ­ບອງ ເມືອງ​ຈັນ­ທະ​ບູ​ລີ ແລະ ເມືອງ​ສີ​ສັດ­ຕະ​ນາກ ເປັນ­ຕົ້ນ ປາກ​ຫ້ວຍ​ນ້ຳ​ມູນ ແລະ ຫ້ວຍ​ນ້ຳ​ໜາ ເມືອງ​ສີ​ໂຄດ​ຕະ­ບອງ ເຊິ່ງ​ເປັນ​ຈຸດ​ທີ່​ລະ­ດັບ​ນ້ຳ­ຂອງ​ສູງ​ກວ່າ​ລະ­ດັບ​ນ້ຳ​ຫ້ວຍ ຈຶ່ງ​ເຮັດ​ໃຫ້​ນ້ຳ­ຂອງ​ໄຫຼ​ເຂົ້າ​ປາກ​ຫ້ວຍ​ແລ້ວ­ໄປ​ຖ້ວມ​ເຮືອນ​ຊານ ແລະ ເນື້ອ­ທີ່​ທຳ​ການ​ຜະ­ລິດ​ຂອງ​ປະ­ຊາ­ຊົນ​ຫຼາຍ​ຄອບ­ຄົວ ນັບ​ແຕ່​ວັນ​ທີ 17 ສິງ­ຫາ 2018 ເປັນ­ຕົ້ນ​ມາ ແລະ ວັນ​ທີ 21 ສິງ­ຫາ 2018 ລະ­ດັບ​ນ້ຳ­ຂອງ​ຈະ​ເພີ່ມ​ຂຶ້ນ​ຕື່ມ​ອີກ 60 ຊັງ​ຕີ​ແມັດ ຈາກ​ສະ­ພາບ​ຝົນ­ຕົກ​ແຮງ​ຕິດ­ຕໍ່​ກັນ​ຫຼາຍ​ມື້ ບວກ​ໃສ່​ການ​ປ່ອຍ​ນ້ຳ​ເຂື່ອນ​ໄຟ­ຟ້າ​ນ້ຳ​ງື່ມ 1 ຈຶ່ງ​ເຮັດ​ໃຫ້​ລະ­ດັບ​ນ້ຳ­ຂອງ​ເພີ່ມ​ຂຶ້ນ ຕາມ​ການ​ລາຍ​ງານ​ຂອງ​ທ່ານ​ເຈົ້າ­ເມືອງ​ສີ​ໂຄດ​ຕະ­ບອງ​ໃຫ້​ຮູ້​ວ່າ: ມາ​ຮອດ​ວັນ​ທີ 20 ສິງ­ຫາ 2018 ໄດ້​ຍົກ­ຍ້າຍ​ປະ­ຊາ­ຊົນ​ທີ່​ຖືກ​ນ້ຳ​ຖ້ວມ​ໄປ​ຢູ່​ເຂດ​ປອດ​ໄພ​ຊົ່ວ­ຄາວ ຈຳ­ນວນ 480 ຄອບ­ຄົວ ພົນ­ລະ­ເມືອງ 2.384 ຄົນ ໃນ 5 ບ້ານ ຄື: ບ້ານ​ໜອງ​ດາ ໂນນ​ຂີ້­ເຫຼັກ ຕາດ​ທອງ ດ່ານ​ຄຳ ແລະ ບ້ານ​ດອນ​ຊີງ​ຊູ້ ທີ່​ຍົກ­ຍ້າຍ​ໄປ​ພັກ​ເຊົາ​ຢູ່​ໂຮງ­ຮຽນ​ປະ­ຖົມ​ບ້ານ​ໜອງ​ດາ ໂຮງ­ຮຽນ​ປະ­ຖົມ​ບ້ານ​ຕາດ​ທອງ ແລະ ຫ້ອງ­ການ​ບ້ານ​ໂນນ​ຂີ້­ເຫຼັກ ສ່ວນ​ປະ­ຊາ­ຊົນ​ບ້ານ​ດ່ານ​ຄຳ ໄດ້​ໄປ​ອາ­ໄສ​ຢູ່​ນຳ​ພີ່­ນ້ອງ ນອກ​ນີ້​ຍັງ​ມີ​ບ້ານ​ອ່າງ​ໃຫຍ່ ອຸບ​ມຸງ ແລະ ບ້ານ​ຍ່າ​ພະ ທີ່​ນ້ຳ­ຂອງ​ໄຫຼ​ເຂົ້າ​ເຮືອນ​ຊານ​ປະ­ຊາ­ຊົນ​ທີ່​ຕັ້ງ​ຢູ່​ແຄມ​ນ້ຳ­ຂອງ.

ຜ່ານ​ການ​ລົງ​ຕິດ­ຕາມ​ເບິ່ງ​ຕົວ​ຈິງ​ຢູ່ 2 ຈຸດ​ນີ້​ເຫັນ​ວ່າ ຖ້າ​ບໍ່​ມີ​ການ​ແກ້​ໄຂ​ດ່ວນ​ຈະ​ເຮັດ​ໃຫ້​ນ້ຳ­ຂອງ​ໄຫຼ​ເຂົ້າ​ປາກ​ຫ້ວຍ​ແລ້ວ­ໄປ​ຖ້ວມ​ເຮືອນ​ຊານ ແລະ ເນື້ອ­ທີ່​ທຳ​ການ​ຜະ­ລິດ​ຂອງ​ປະ­ຊາ­ຊົນ 3 ບ້ານ​ຫຼາຍ​ຂຶ້ນ​ກວ່າ​ເກົ່າ ຄື: ບ້ານ​ຕາດ​ທອງ ໂນນ​ຂີ້­ເຫຼັກ ແລະ ບ້ານ​ໜອງ​ດາ ດັ່ງ­ນັ້ນ ທ່ານ​ນາ­ຍົກ ແລະ ທ່ານ​ເຈົ້າ​ຄອງ ພ້ອມ​ດ້ວຍ​ຄະ­ນະ​ໄດ້​ຊີ້​ນຳ​ໃຫ້​ພະ​ແນກ​ກະ­ສິ­ກຳ ແລະ ປ່າ­ໄມ້ ພະ​ແນກ ຍທຂ ນະ­ຄອນ­ຫຼວງ ແລະ ພາກ­ສ່ວນ​ກ່ຽວ­ຂ້ອງ​ສົມ­ທົບ​ກັບ​ອຳ­ນາດ​ການ​ປົກ­ຄອງ​ເມືອງ​ໃຊ້​ງົບ​ສຸກ​ເສີນ​ນະ­ຄອນ­ຫຼວງ​ເຮັດ​ປະ­ຕູ​ເຫຼັກ​ຕັນ​ຫ້ວຍ​ນ້ຳ​ໜາ​ເພື່ອ​ບໍ່​ໃຫ້​ນ້ຳ­ຂອງ​ໄຫຼ​ເຂົ້າ ແລະ ໃນ​ປີ​ຕໍ່​ໄປ​ໃຫ້​ເຮັດ​ປະ­ຕູ​ນ້ຳ­ປາກ​ຫ້ວຍ​ນ້ຳ​ໜາ ແລະ ນ້ຳ​ມູນ​ແບບ​ຖາ­ວອນ ພ້ອມ​ນີ້ ຍັງ​ແນະ­ນຳ​ໃຫ້​ຕິດ­ຕາມ​ເຝົ້າ​ລະ­ວັງ​ການ​ເພີ່ມ​ຂຶ້ນ​ຂອງ​ນ້ຳ­ຂອງ​ຢ່າງ​ໃກ້­ຊິດ​ເພື່ອ​ກຽມ​ຄວາມ​ພ້ອມ​ຍົກ­ຍ້າຍ​ປະ­ຊາ­ຊົນ ແລະ ເຄື່ອງ​ຂອງ​ໄປ​ຢູ່​ບ່ອນ​ທີ່​ປອດ​ໄພ ເພື່ອ​ຮັບ­ປະ­ກັນ​ການ​ສູນ​ເສຍ​ຕາມ​ມາ ພ້ອມ​ນີ້ ທ່ານ​ນາ­ຍົກ​ພ້ອມ​ຄະ­ນະ​ຍັງ​ໄດ້​ໄປ​ຢ້ຽມ­ຢາມ​ປະ­ຊາ­ຊົນ​ທີ່​ຍົກ­ຍ້າຍ​ມາ​ຢູ່​ໂຮງ­ຮຽນ​ປະ­ຖົມ​ບ້ານ​ໜອງ​ດາ​ຕື່ມ​ອີກ.

ພາຍ­ຫຼັງ​ສຳ­ເລັດ​ລົງ​ຕິດ­ຕາມ​ຢູ່​ເມືອງ​ສີ​ໂຄດ​ຕະ­ບອງ ທ່ານ​ນາ­ຍົກ​ພ້ອມ​ຄະ­ນະ​ໄດ້​ລົງ​ຕິດ­ຕາມ​ສະ­ພາບ​ນ້ຳ​ຖ້ວມ​ເຂດ​ທ່າ​ວັດ​ຈັນ ເມືອງ​ຈັນ­ທະ​ບູ​ລີ ໂດຍ​ໄດ້​ຮັບ​ຟັງ​ການ​ລາຍ​ງານ​ສະ­ພາບ​ນ້ຳ​ຖ້ວມ​ເຂດ​ສຳ​ປະ­ທານ ນາ­ຄາ​ຣາ​ຊ ຊິ​ຕີ້ ຈາກ​ທ່ານ​ເຈົ້າ­ເມືອງ​ຈັນ­ທະ​ບູ​ລີ ແລະ ເຈົ້າ​ຂອງ​ຜູ້​ສຳ​ປະ­ທານ ເຫັນ​ວ່າ​ສະ­ພາບ​ນ້ຳ­ຂອງ​ໄດ້​ຍື່ງ​ຂຶ້ນ​ສູງ​ຖ້ວມ​ບັນ­ດາ​ຮ້ານ​ຂາຍ ເຄື່ອງ​ຍັງ​ເຫຼືອ​ແຕ່​ຫຼັງ­ຄາ ສ່ວນ​ເຄື່ອງ​ຂອງ​ຊາວ​ຄ້າ­ຂາຍ​ຈຳ­ນວນ​ຫຼາຍ​ແມ່ນ​ຍົກ­ຍ້າຍ​ອອກ​ທັນ ແຕ່​ກໍ່​ຍັງ​ມີ​ເຄື່ອງ​ຂອງ​ຈຳ ນວນ​ໜຶ່ງ​ຖືກ​ນ້ຳ​ຖ້ວມ​ຂັງ​ຢູ່​ພາຍ​ໃນ​ຮ້ານ​ທີ່​ໄດ້​ສ້າງ​ຄວາມ​ເສຍ​ຫາຍ ຈາກ​ນັ້ນ ທ່ານ​ນາ­ຍົກ​ພ້ອມ​ຄະ­ນະ​ຍັງ​ໄດ້​ໄປ​ເບິ່ງ​ຈຸດ​ທ່າ­ເຮືອ​ຫຼັກ 4 ເຊິ່ງ​ເປັນ​ເຂດ​ຕ່ຳ​ທີ່​ເປັນ​ຈຸດ​ຫຼໍ່​ແຫຼມ ເຫັນ​ວ່າ​ສະ­ພາບ​ນ້ຳ​ຢູ່​ຈຸດ​ດັ່ງ­ກ່າວ​ຍັງ​ບໍ່​ທັນ​ຂຶ້ນ​ສູງ ຖ້າ​ທຽບ­ໃສ່​ນ້ຳ​ຖ້ວມ​ໃນ​ປີ 2008.

#ແຫຼ່ງຂ່າວ: ໜັງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 64

ຈຳນວນຜູ້ເຂົ້າຊົມວານນີ້ 77

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 1118

ຈຳນວນຜູ້ເຂົ້າຊົມທັງໝົດ 32153

Currently are 45 guests and no members online

ແຜນທີ່ນະຄອນຫຼວງວຽງຈັນ