Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

3 ຫຼຸດ 3 ເພີ່ມ 3 ຂະບວນການ
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.

ນິຕິກຳສຳຄັນ

ຂ່າວສານໜ້າສົນໃຈ

683ca074d4bd201a03756d5f812aa2fe

        ປັດຈຸບັນ​ ກ້າວ​ເຂົ້າ​ສູ່​ລະດູຝົນ ແລະ ເຫັນ​ໄດ້​ລະດັບ​ນ້ຳຂອງ​ໄດ້​ເພີ່ມ​ຂຶ້ນ​ໄວ​ຜິດ​ປົກກະຕິ ເພື່ອ​ກະກຽມ​ຄວາມ​ພ້ອມ​ບໍ່​ໃຫ້​ນ້ຳ​ຖ້ວມ​ຕົວ​ເມືອງ​ນະຄອນຫຼວງ​ວຽງ​ຈັນ ໂດຍ​ສະເພາະ ບໍ່​ໃຫ້​ນ້ຳ​ຖ້ວມ​ພື້ນ​ທີ່​ການ​ຜະລິດ ແລະ ເຮືອນ​ຊານ​ຂອງ​ປະຊາຊົນ ເມືອງ​ຫາດ​ຊາຍ​ຟອງ.

    ວັນ​ທີ 6 ສິງຫາ 2018 ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ​ຈາກ​ພາກສ່ວນ​ກ່ຽວຂ້ອງ​ໄດ້​ລົງ​ຕິດຕາມ​ສະພາບ​ປະຕູ​ນ້ຳ​ທີ່​ປ່ອງ​ໃສ່​ນ້ຳຂອງ ຄື: ປະຕູ​ນ້ຳ​ຫ້ວຍ​ເດື່ອ ປະຕູ​ນ້ຳ​ຫ້ວຍ​ແປນ ປະຕູ​ນ້ຳ​ຫ້ວຍ​ປາກ​ສຽດ ແລະ ປະຕູ​ນ້ຳທ່າ​ໜອງ​ຄັນ ຢູ່​ເມືອງ​ຫາດ​ຊາຍ​ຟອງ ຈຸດປະສົງ​ການ​ລົງ​ມາ​ຄັ້ງ​ນີ້ ເພື່ອ​ກວດກາ​ເບິ່ງ​ຄວາມ​ພ້ອມ​ສຳລັບ​ການ​ຮອງ​ຮັບ​ການ​ຕ້ານ​ຖ້ວມ​ໃນ​ປີ 2018 ດ້ວຍ​ຄວາມ​ເປັນ​ຫ່ວງ​ເປັນ​ໃຍ​ບໍ່​ໃຫ້​ນ້ຳ​ຖ້ວມ​ພື້ນ​ທີ່​ການ​ຜະລິດ ແລະ ເຮືອນ​ຊານ​ຂອງ​ປະຊາຊົນ​ໃນ​ຂອບ​ເຂດ​ເມືອງ​ຫາດ​ຊາຍ​ຟອງ ແລະ ກວດກາ​ເບິ່ງ​ສະພາບ​ການ​ສ້ອມແປງ​ປະຕູ​ນ້ຳ​ທີ່​ມີ​ຄວາມ​ຮັບປະກັນ​ຕໍ່​ການ​ໄຫຼ​ເຂົ້າຂອງ​ນ້ຳຂອງ​ໃນ​ເວລາ​ທີ່​ສູງ​ກວ່າ​ລະດັບ​ນ້ຳ​ຫ້ວຍ.

    ຜ່ານ​ມາ​ການກວດເບິ່ງ​ຕົວ​ຈິງ​ໃນ 4 ປະຕູ​ນ້ຳ​ເຫັນ​ວ່າ​ມີ​ຄວາມ​ຮັບປະກັນ​ໂດຍ​ພື້ນຖານ ເຊິ່ງ​ໃນ​ໄລຍະ​ຕົ້ນ​ລະດູຝົນ​ຮອດ​ປັດຈຸບັນ​ຄະນະ​ຮັບຜິດຊອບ​ຈັດ​ຕັ້ງ​ທີມ​ງານ​ລົງ​ຕິດຕາມ​ກວດກາ​ເບິ່ງ​ສະພາບ​ປະຕູ​ນ້ຳ​ລຽບ​ຕາມ​ນ້ຳຂອງ ກວດເບິ່ງ​ຄວາມ​ຊຶມ​ຂອງ​ນ້ຳ ເຊິ່ງ​ໄດ້​ພົບ​ເຫັນ​ປະຕູ​ນ້ຳ​ສ່ວນ​ໜຶ່ງ​ຍັງ​ມີ​ນ້ຳ​ຊຶມ​ເລັກ​ນ້ອຍ ເນື່ອງ​ຈາກ​ສະພາບ​ປະຕູ​ນ້ຳມັນ​ເກົ່າ​ຫຼາຍ ແລະ ມີ​ປະຊາຊົນ​ຫາ​ປາ​ເອົາ​ຫີນ​ມາ​ໜູນ​ປະຕູ​ນ້ຳ ເຮັດ​ໃຫ້​ປະຕູ​ນ້ຳ​ປິດ​ບໍ່​ແຈບ.

ທ່ານ ຫຼ້າ​ສາຍ ນວນ​ທາ​ສິງ ຫົວໜ້າ​ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ ໄດ້​ກ່າວ​ວ່າ: ຫຼັງ​ຈາກ​ລະດັບ​ນ້ຳ​ລົດ​ລົງ ຄະນະ​ຮັບຜິດຊອບ​ຈະ​ໄດ້​ສືບຕໍ່​ສ້ອມແປງ​ປະຕູ​ນ້ຳ​ຄືນໃໝ່​ເພື່ອ​ບໍ່​ໃຫ້​ນ້ຳ​ຊຶມ  ແລະ ມີ​ຄວາມ​ຮັບປະກັນ ເພື່ອ​ບໍ່​ໃຫ້​ເກີດ​ມີ​ຜົນ​ກະທົບ​ສ້າງ​ຄວາມ​ເສຍ​ຫາຍ​ຕາມ​ມາ ແລະ ປີ 2018 ນະຄອນຫຼວງ​ວຽງ​ຈັນ​ຍັງ​ບໍ່​ມີ​ບັນຫາ​ດ້ານ​ນ້ຳ​ຖ້ວມ​ເທື່ອ ແຕ່​ເຖິງ​ຢ່າງໃດ​ກໍ່​ຕາມ ກໍ່​ໄດ້​ມີ​ການ​ກຽມ​ຄວາມ​ພ້ອມ​ຕ້ານ​ແລ້ງ-ຕ້ານ​ຖ້ວມ ເພື່ອ​ຮັບປະກັນ​ບໍ່​ໃຫ້​ມີ​ນ້ຳ​ຖ້ວມ​ເນື້ອທີ່​ການ​ຜະລິດ ແລະ ເຮືອນ​ຊານ​ຂອງ​ປະຊາຊົນ.

ທີ່ມາຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 27

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 151

ຈຳນວນຜູ້ເຂົ້າຊົມເດືອນນີ້ 677

ຈຳນວນຜູ້ເຂົ້າຊົມທັງໝົດ 30179

Currently are 92 guests and no members online

ແຜນທີ່ນະຄອນຫຼວງວຽງຈັນ