Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
3 ຫຼຸດ 3 ເພີ່ມ 3 ຂະບວນການ

ນິຕິກຳສຳຄັນ

ຂ່າວສານໜ້າສົນໃຈ

38405111 636278586752103 3455029451346149376 n

ກອງປະຊຸມສໍາມະນາຫົວຂໍ້: ການລ້ຽງງົວເປັນສິນຄ້າ ເພື່ອເປັນການສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VI ແລະມະຕິກາງສະໄໝຂອງອົງຄະນະພັກ ນວ ໂດຍສະເພາະກ່ຽວກັບໂຄງການຄໍ້າປະກັນສະບຽງອາຫານແລະ ຜະລິດເປັນສິນຄ້າ, ໃນວັນທີ 2.8.2018 ພະແນກກະສິກຳ-ປ່າໄມ້, ຄະນະໂຄສະນາອົບຮົມ ນວ ຮ່ວມກັບເມືອງປາກງຶ່ມໄດ້ເປັນເຈົ້າພາບຈັດກອງປະຊຸມສໍາມະນາຫົວຂໍ້ການລ້ຽງງົວຊີ້ນເປັນສິ້ນຄ້າ ຢູ່ ນວຂຶ້ນຢູ່ເມືອງ ປາກງື່ມ ເປັນເວລາ 1 ວັນເຕັມ ໂດຍການເປັນກຽດເຂົ້າຮ່ວມຂອງທ່ານປອ. ສິນລະວົງ ຄຸດໄພທູນ ເຈົ້າຄອງ ນວ, ທ່ານຮອງລັດຖະມົນຕີ ກະຊວງກະສິກຳ-ປ່າໄມ້, ຮອງເຈົ້າຄອງ ນວ, ຫົວໜ້າພະແນກການ, ເຈົ້າເມືອງ, ຫ້ອງການ ກສກ-ປມ ເມືອງ, ນັກສໍາມະນາກອນຈາກບັນດາຟາມ ແລະ ສະມາຊິກສະມາຄົມລ້ຽງງົວ ນວ ເຂົ້າຮ່ວມ.

ໃນຄາບເຊົ້າ, ຄະນະນັກສໍາມະນາກອນໄດ້ລົງຢ້ຽມເບີ່ງການລ້ຽງງົວຕົວຈິງຢູ່ຟາມໄຊພອນ(XP) ແລະຟາມ..., ໃນພາກບ່າຍໄດ້ຂຶ້ນຫ້ອງຝຶກອົບຮົມ, ຊື່ງໄດ້ຮັບຟັງການບັນລະຍາຍ: 1) ກ່ຽວກັບແຜນພັດທະນາການລ້ຽງງົວຊີ້ນ ແລະ ການປະສົມພັນທຽມ ໄລຍະປີ 2018-2020, 2) ບາງບົດຮຽນໃນການດໍາເນີນໂຄງການຄຸນນະພາບຊີ້ນງົວລາວ ແລະ3) ບົດຮຽນໃນການລ້ຽງງົວຂອງຟາມໄຊພອນ(XP).

ຫຼັງຈາກນັ້ນກອງປະຊຸມໄດ້ຮັບຟັງການໂອ້ລົມ ແລະ ຄໍາເຫັນຊີ້ນໍາຈາກທ່ານ ເຈົ້າຄອງນວ ຊື່ງທ່ານໄດ້ຍົກໃຫ້ເຫັນເຫດຜົນ ນວເປັນຫຍັງຈີ່ງສົ່ງເສີມການລ້ຽງງົວເປັນສິນຄ້າ:

1) ຍ້ອນ ນວເປັນພື້ນທີ່ທີ່ມີຄົນຢູ່ຫຼາຍ, ການສະໜອງຊີ້ນງົວ ໃຫ້ແກ່ທ້ອງຕະຫຼາດຍັງບໍ່ທັນພຽງພໍ ສ່ວນໜຶ່ງແມ່ນຍັງໄດ້ນໍາເຂົ້າມາຈາກຕ່າງແຂວງຢູ່. ອີກປະການໜຶ່ງນວ ກໍມີເນື້ອທີ່ດິນ ແລະ ທ່າແຮງ ທີ່ເປັນປັດໃຈໃນການລ້ຽງງົວຊີ້ນໄດ້;
2)
ເພື່ອສ້າງໃຫ້ເປັນຕົວແບບ ແລະ ເປັນບົດຮຽນ ໃຫ້ແກ່ພື້ນທີ່ອື່ນ;
3)
ມີຕະຫຼາດສາກົນຮອງຮັບຢູ່ ເປັນຕົ້ນ: ນະຄອນໂຮ່ຈິມິນ ສສ ຫວຽດນາມ ເພາະໄດ້ມີບົດບັນທຶກກັນແລ້ວ.
ສໍາລັບທິດໃນຕໍ່ໜ້າ ເພື່ອຢາກລ້ຽງງົວຊີ້ນເປັນສິນຄ້າຕ້ອງເຮັດແນວໄດນັ້ນ, ທ່ານໄດ້ເນັ້ນວ່າ:

1) ຕ້ອງສ້າງຍີ່ຫໍ້ຊີ້ນງົວວຽງຈັນ ເພື່ອສ້າງຄວາມເຊື່ອໝັ້ນໃຫ້ແກ່ຜູ້ບໍລິໂພກ, ສ່ວນຍີ່ຫໍ້ຈະໃສ່ຊື່ແນວໄດນັ້ນລະອຽດໃຫ້ພະແນກການກ່ຽວຂ້ອງ, ສະມາຄົມລ້ຽງງົວ ແລະຟາມ ປຶກສາຫາລືກັນຕື່ມ (ເບື້ອງຕົ້ນນີ້ ໃສ່ຊື່ວ່າ VVV);

2) ສ້າງມາດຖານຂອງຊີ້ນງົວວຽງຈັນ(8ມາດຖານ):
-
ຕ້ອງກໍານົດປະລິມານໂປຼເຕອິນ ໃນຊີ້ນງົວ 1 g ມີຄຸນຄ່າທາງໂພສະນາການ, ໄຂມັນ ຈໍານວນເທົ່າໃດ?
-
ຮູບຊົງ, ຄຸນລັກສະນະຂອງງົວ ທີ່ກໍາເນີດໃຫ້ມີຊີ້ນ(ສີຊີ້ນ);
-
ໄລຍະການຈະເລີນເຕີບໂຕຂອງງົວ;
-
ອາຫານທີ່ພາໃຫ້ງົວໃຫຍ່;
-
ປະເພດຫຍ້າລ້ຽງງົວ;
-
ຄອກລ້ຽງງົວ;
-
ໂຮງງານຂ້າສັດ, ໂຮງງານປຸງແຕ່ງ(ດອນດູ່ ແລະ ນາຊາຍທອງ);
-
ຕະຫຼາດ ຫຼື ບ່ອນຈໍາໜ່າຍ( ເນັ້ນຕະຫຼາດຢູ່ວຽງຈັນກ່ອນ ໂດຍກໍານົດລາຄາທີ່ເອກະພາບຄືກັນ).

3) ກ່ຽວກັບກົນໄກການລ້ຽງງົວ:
-
ລ້ຽງແບບຟາມໃຜຟາມມັນ ດ້ວຍມາດຖານອັນດຽວກັນ;
-
ສ້າງສະມາຄົມລ້ຽງງົວຂອງ ນວ ດ້ວຍຄວາມສະມັກໃຈເຂົ້າຮ່ວມຂອງບັນດາຟາມ, ສໍາລັບລະບຽບສະມາ ຄົມແມ່ນໃຫ້ ສະມາຄົມເປັນຜູ້ສ້າງຂຶ້ນເອງ, ນວ ເປັນຜູ້ຮັບຮອງ ;
-
ກົນໄກເບື້ອງລັດມອບໃຫ້ພະແນກ ກສກ-ປມ ເປັນເຈົ້າການປະຕິບັດການສ້າງຍີ່ຫໍ້ງົວຊີ້ນວຽງຈັນ ໂດຍມີພະແນກ ອຸດສາຫະກໍາ-ການຄ້າ ເຂົ້າຮ່ວມ
-
ກົນໄກຕ່ອງໂສ້: ມີຜູ້ຜະລິດ, ໂຮງຂ້າສັດ, ບ່ອນປູງແຕ່ງ, ບ່ອນຈໍາໜ່າຍ.
-
ໃຫ້ມີການແບ່ງງານ: ປາກງື່ມໃຫ້ເປັນບ່ອນລ້ຽງງົວ, ໝູ, ຕ້ອງສຸມໃສ່ວ່າຈະເອົາບ້ານໄດລ້ຽງງົວ, ບ້ານໄດລ້ຽງໝູ? ດີແທ້ຄວນສ້າງໃຫ້ບັນດາຟາມລ້ຽງເຫຼົ່ານັ້ນ ຢູ່ໃກ້ກັນເພື່ອນໍາໃຊ້ມູນສັດເປັນພະລັງງານໄຟຟ້າທົດແທນ;
-
ການລ້ຽງໃຫ້ເລືອກບ່ອນທີ່ມີທ່າແຮງເໝາະແກ່ການລ້ຽງໄດ້ ແຕ່ບ່ອນເປັນໃຈກາງແມ່ນຢູ່ເມືອງປາກງື່ມ ແລະ ສ້າງເປັນຕົວແບບໃຫ້ບ່ອນອື່ນມາຮຽນນໍາ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 27

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 151

ຈຳນວນຜູ້ເຂົ້າຊົມເດືອນນີ້ 677

ຈຳນວນຜູ້ເຂົ້າຊົມທັງໝົດ 30179

Currently are 94 guests and no members online

ແຜນທີ່ນະຄອນຫຼວງວຽງຈັນ