Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
3 ຫຼຸດ 3 ເພີ່ມ 3 ຂະບວນການ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.

ນິຕິກຳສຳຄັນ

ຂ່າວສານໜ້າສົນໃຈ

772e83aad9d8033b8a1b52730299ef74

     ກະຊວງ​ກະສິກຳ ແລະ ປ່າໄມ້​ຮ່ວມ​ກັບ​ນະຄອນຫຼວງ​ວຽງ​ຈັນຈັດ​ງານ​ວາງສະແດງ​ເບ້ຍ​ໄມ້ ຕົ້ນໄມ້ ແລະ ໄມ້​ປະດັບເນື່ອງ​ໃນ​ວັນ​ປູກ​ຕົ້ນໄມ້​ແຫ່ງ​ຊາດ ແລະ ວັນເດັກນ້ອຍ​ສາກົນ 1 ມິຖຸນາໃນ​ວັນ​ທີ 25 ພຶດສະພາ ຫາວັນ​ທີ 6 ມິຖຸນາ 2018 ທີ່​ເດີ່ນ​ສະໜາມ​ຫຼວງ​ໃຫ້​ກຽດ​ເຂົ້າ​ຮ່ວມ​ຂອງທ່ານ ສິນ​ລະ​ວົງ ຄຸດ​ໄພທູນເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ລຽນ ທິ​ແກ້ວ ລັດຖະມົນຕີ​ກະຊວງ​ກະສິກຳ ແລະປ່າໄມ້ ພ້ອມ​ດ້ວຍ​ບັນດາລັດຖະມົນຕີຫົວໜ້າ​ພະແນກການ​ອ້ອມ​ຂ້າງ​ນະຄອນຫຼວງ​ວຽງ​ຈັນ ແລະຜູ້​ປະກອບ​ການ​ເບ້ຍ​ໄມ້​ເຂົ້າ​ຮ່ວມ.

      ທ່ານ ທອງ​ພັດ ວົງ​ມະນີ ຮອງ​ລັດຖະມົນຕີ​ກະສິກຳ ແລະ ປ່າໄມ້ ກ່າວ​ວ່າ:ກ່ອນ​ໜ້າ​ນີ້ 38 ປີ ໂດຍ​ເຫັນ​ໄດ້​ຄວາມ​ສຳຄັນ​ຂອງ​ປ່າໄມ້ ແລະຊັບພະຍາກອນ​ປ່າໄມ້​ຕໍ່​ກັບ​ການ​ພັດທະນາ​ເສດຖະກິດ-ສັງຄົມ​ແຫ່ງ​ຊາດຕໍ່​ກັບ​ການ​ປົກ​ປັກ​ຮັກສາ​ກໍ່​ຄື​ການ​ປັບປຸງ​ຊີວິດ​ການ​ເປັນ​ຢູ່ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ​ບັນດາເຜົ່າ​ນັ້ນ ວັນ​ທີ 9 ກຸມພາ 1980 ສະພາ​ລັດຖະມົນຕີ ​ໄດ້​ອອກ​ມະຕິ​ຕົກລົງ​ວ່າ​ດ້ວຍ​ກຳນົດ​ເອົາ​ວັນ​ທີ 1 ມິຖຸນາເຊິ່ງ​ແມ່ນ​ວັນເດັກນ້ອຍ​ສາກົນ ເປັນ​ວັນ​ປູກ​ຕົ້ນໄມ້​ແຫ່ງ​ຊາ​ຂອງ ​ສປປ ລາວການ​ກຳນົດ​ເອົາ​ວັນ​ດັ່ງກ່າວ​ເປັນ​ວັນ​ປູກ​ຕົ້ນໄມ້ເພື່ອ​ເປັນ​ການ​ປູກ​ຈິດ​ສຳນຶກ​ໃຫ້​ແກ່​ອະນຸຊົນ ແລະ ເຍົາວະ​ຊົນ​ຂອງ​ຊາດ​ກໍ່​ຄື​ລູກ​ຫຼານ​ຜູ້​ເກີດ​ໃໝ່​ໃຫຍ່​ລຸນ​ໃຫ້​ມີ​ສະຕິ​ຮັກ ແລະ ຫວງ​ແຫນ​ປ່າໄມ້ແລະ ຊັບພະຍາກອນ​ປ່າໄມ້ທັງ​ເປັນ​ການ​ປຸກລະດົມ​ທົ່ວ​ປວງ​ຊົນ​ເຂົ້າ​ຮ່ວມ​ໃນ​ການ​ຄຸ້ມ​ຄອງປົກ​ປັກ​ຮັກສາ ​ແລະ ພັດທະນາ​ປ່າໄມ້ແນໃສ່​ເຮັດ​ໃຫ້​ປ່າໄມ້​ມີ​ຄວາມ​ອຸດົມສົມບູນ ກາຍເປັນ​ທ່າແຮງທັງ​ເປັນ​ອົງ​ປະກອບ​ທີ່​ສຳຄັນ​ໃນ​ໂຄງ​ກອບ​ເສດຖະກິດ​ແຫ່ງ​ຊາດຈາກ​ນະໂຍບາຍ​ດັ່ງກ່າວ​ໄດ້​ເຮັດ​ໃຫ້​ຂະ​ບວນ​ປູກ​ຕົ້ນໄມ້​ມີ​ການ​ຂະຫຍາຍຕົວ​ຢ່າງ​ວ່ອງໄວ​ໃນ​ທົ່ວ​ປະເທດໃນ​ແຕ່​ລະ​ປີ​ໄດ້​ມີ​ຂະ​ບວນ​ການ​ປູກ​ໄມ້​ໂດຍ​ຈັດ​ພິທີ​ໄປ​ຄຽງ​ຄູ່​ກັບ​ການ​ສະເຫຼີມສະຫຼອງ​ວັນເດັກນ້ອຍ​ສາກົນ​ຢ່າງ​ເປັນ​ຂະ​ບວນ​ຟົດຟື້ນເຊິ່ງ​ຜ່ານ​ການເຄື່ອນໄຫວ​ວຽກ​ງານ​ປູກ​ໄມ້​ຕົວ​ຈິງ​ໃນ​ໄລຍະ​ຜ່ານ​ມາ​ດ້ວຍ​ການ​ນຳພາ​ຢ່າງ​ໃກ້​ສິດ​ຂອງ​ການ​ນຳ​ພັກ-ລັດ​ຂັ້ນ​ຕ່າງໆ ແລະການ​ຕື່ນ​ຕົວ​ຂອງ​ປະຊາຊົນ​ບັນດາເຜົ່າ ການ​ເປີດ​ກວ້າງ​ການ​ລົງທຶນໄດ້​ເຮັດ​ໃຫ້​ເນື້ອທີ່​ການ​ປູກ​ໄມ້​ເພີ່ມ​ຂຶ້ນ​ຢ່າງ​ຕໍ່​ເນື່ອງ ມາ​ຮອດ​ປີ 2017 ມີ​ເນື້ອທີ່​ປູກ​ໄມ້​ທັງ​ໝົດ​ໃນ​ທົ່ວ​ປະເທດ​ເຖິງ 478.557 ກວ່າ​ເຮັກຕາເທົ່າ​ກັບ 95,7% ທຽບໃສ່​ແຜນການ​ປູກ​ຮອດ​ປີ 2020 (500.000 ເຮັກຕາ)ພົ້ນ​ເດັ່ນ​ແມ່ນ​ຂະ​ບວນ​ການ​ປູກ​ໄມ້​ສັກ ໄມ້​ເກດສະໜາໄມ້​ພັນ​ພື້ນເມືອງ​ຊະນິດ​ຕ່າງໆ ໄມ້​ວິກ ແລະໄມ້​ຢາງພາລາ​ຂອງ​ປະຊາຊົນ​ຊາວ​ກະສິກອນ ພະນັກງານ ທະຫານ ຕຳຫຼວດກໍ່​ຄື​ຜູ້​ປະກອບ​ການ​ນັກ​ລົງທຶນ​ທັງ​ພາຍ​ໃນ ແລະ ຕ່າງປະເທດ.

ສຳລັບ​ງານ​ວາງສະແດງ​ຕົ້ນໄມ້ ແລະ ເບ້ຍ​ໄມ້ ມີ​ຜູ້​ເຂົ້າ​ຮ່ວມ​ທັງ​ພາກ​ລັດບັນດາ​ບໍລິສັດ ຫ້າງ​ຮ້ານ ແລະ ຜູ້​ປະກອບ​ການ​ທັງ​ໝົດ 78 ພາກສ່ວນ ມີ​ທັງ​ໝົດ 100 ເຕັ້ນ ເບ້ຍ​ໄມ້​ທີ່​ນຳ​ມາ​ວາງສະແດງ​ທັງ​ໝົດ​ປະມານ 100.000 ກວ່າ​ເບ້ຍມີ​ຫຼາຍ​ກວ່າ 30 ຊະນິດ ເຊິ່ງ​ເປັນ​ປະເພດ​ໄມ້​ພື້ນເມືອງ​ເຊັ່ນ: ໄມ້​ຂະ​ຍູງໄມ້​ຄຳ​ພີ ໄມ້​ດູ່​ລາຍ ໄມ້​ດູ່ ໄມ້​ແຕ້​ຂ່າ ໄມ້ຍາງ ໄມ້ແຄນ​ເຮືອໄມ້ແຄນ​ຂະ​ຍອມ ສີ​ໄຄ​ຕົ້ນ ຈຳປີ​ປ່າ ສະ​ຝາງ ໄມ້​ຕິ້ວ ໄມ້​ກະຖິນ​ນະ​ລົງນອກ​ນັ້ນ​ຍັງ​ມີ​ປະເພດ​ໄມ້​ໃຫ້​ໝາກ​ໄມ້​ປະດັບ ມີ​ຜະລິດ​ຕະ​ພັນ​ໄມ້ຜະລິດ​ຕະ​ພັນ​ກະສິກຳ ຜັກ​ປອດ​ສານພິດ ແລະ ຜະລິດ​ຕະ​ພັນ​ອື່ນໆແນໃສ່​ຊຸກຍູ້​ທຸລະ​ກິດ​ການ​ກ້າ​ເບ້ຍ​ໄມ້​ໃຫ້​ຂະຫຍາຍຕົວ​ຢ່າງ​ກວ້າງຂວາງຮັບປະກັນ​ການ​ສະໜອງ​ເບ້ຍ​ໄມ້ ແລະຕົ້ນໄມ້​ທຸກ​ຊະນິດ​ໃຫ້​ແກ່​ການ​ປູກ​ຕົ້ນໄມ້ເພື່ອ​ປະກອບສ່ວນ​ເຂົ້າ​ໃນ​ການຈັດຕັ້ງ​ປະຕິບັດ​ຍຸດ​ທະ​ສາດ​ປ່າໄມ້ 2020 ຂອງ​ລັດຖະບານ​ ກໍ່​ຄື​ເພີ່ມ​ຄວາມ​ປົກ​ຫຸ້ມ​ປ່າໄມ້​ໃຫ້​ໄດ້ 70% ແລະປູກ​ຕົ້ນໄມ້​ໃຫ້​ໄດ້ 5 ແສນ​ເຮັກຕາ.

 

 

ຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 27

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 151

ຈຳນວນຜູ້ເຂົ້າຊົມເດືອນນີ້ 677

ຈຳນວນຜູ້ເຂົ້າຊົມທັງໝົດ 30179

Currently are 117 guests and no members online

ແຜນທີ່ນະຄອນຫຼວງວຽງຈັນ