Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
3 ຫຼຸດ 3 ເພີ່ມ 3 ຂະບວນການ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018

ນິຕິກຳສຳຄັນ

ຂ່າວສານໜ້າສົນໃຈ

 31723347 567668763613086 7351530769912692736 n 31841581 567672033612759 8102282081066811392 n 31773197 567670816946214 408392153660653568 n

ໃນຕອນບ່າຍຂອງວັນທີ 26 ເມສາ 2018 ທ່ານ ປອ ສິນລະວົງຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງເຄື່ອນໄຫວພົບປະປະຊາຊົນ ແລະ ຊຸກຍູ້ການພັດທະນາ ຢູ່ເມືອງໄຊທານີ ນວ.

ຊື່ງຈຸດທຳອິດຄະນະໄດ້ລົງກວດກາເບີ່ງສະພາບການນຳໃຊ້ຂົວຫ້ວຍນ້ຳເຄັມ, ຊື່ງຂົວດັ່ງກ່າວໄດ້ຖືກນຳໃຊ້ມາແຕ່ຊຸມປີ 1970, ໃນແຕ່ລະວັນມີພາຫະນະຂອງປະຊາຊົນ ແລະ ລົດບັນທຸກສິນຄ້າໜັກແລ່ນຜ່ານຈຳນວນຫຼວງຫຼາຍ, ອີງໃສ່ອາຍຸການໃຊ້ງານຈື່ງເຮັດໃຫ້ຂົວດັ່ງກ່າວເປ່ເພຕາມການເວລາ ແລະ ເຄີຍຫັກມາແລ້ວ. ຊື່ງໃນໄລຍະຜ່ານມາທາງເມືອງ ແລະ ພະແນກໂຍທາທິການ-ຂົນສົ່ງ ກໍ່ໄດ້ດຳເນີນການສ້ອມແປງມາແລ້ວຫຼາຍຄັ້ງແຕ່ກໍຍັງບໍ່ທັນຖາວອນເທື່ອ. ໃນໂອກາດລົງກວດກາຄັ້ງນີ້ ທ່ານ ສິນລະວົງ ຄຸດໄພທູນ ໄດ້ຊີ້ນຳໃຫ້ພະແນກໂຍທາທິການ-ຂົນສົ່ງ ສົມທົບກັບກະຊວງໂຍທາທິການ-ຂົນສົ່ງ ເພື່ອຄົ້ນຄ້ວາແຜນການປັບປຸງ ແລະ ສ້ອມແປງ. ເຊີ່ງໃນເບື້ອງຕົ້ນນີ້ຄວນປັບປຸງບູລະນະສ້ອມແປງຂົວແຫ່ງນີ້ໃຫ້ຮັບປະກັນຄວາມປອດໄພ ແລະ ປະຊາຊົນສາມາດນຳໃຊ້ໄປມາໄດ້ເປັນປົກກະຕິ ແລະ ໃນຕໍ່ໜ້ານີ້ຄວນສ້າງຂົວອີກແຫ່ງໜື່ງ (ຢູ່ບໍລິເວນທາງຂ້າງຂົວເກົ່າ) ທີ່ໄດ້ມາດຕະຖານຖາວອນ.

- ຈຸດທີສອງ ຄະນະໄດ້ລົງພົບປະປະຊາຊົນບ້ານໜອງໂນ. ຊື່ງທ່ານເຈົ້າຄອງໄດ້ໃຫ້ທິດຊີ້ນຳໃນການຍົກລະດັບການສ້າງບົ້ານໜອງໂນໃຫ້ເປັນບ້ານພັດທະນາຕາມ 17 ຕົວຊີ້ວັດ, ຕ້ອງສູ້ຊົນເຮັດໃຫ້ບ້ານໜອງໂນ ເປັນບ້ານພັດທະນາທີ່ຢູ່ດີກິນດີ ພ້ອມກັນນັ້ນກໍໃຫ້ເອົາໃຈໃສ່ການຈັດວາງແຜນຜັງຂອງໝູ່ບ້ານ: ຜັງເສັ້ນທາງ, ຜັງດ້ານສີ່ງແວດລ້ອມຂອງເສັ້ນທາງ, ສວນສາທາລະນະແຄມງື່ມ, ຜັງການປຸກສ້າງເຮືອນ... ເພື່ອເປັນການດຶງດູດການທ່ອງທ່ຽວ; ຍົກລະດັບການຜະລິດສິນຄ້າທີ່ເປັນເອກະລັກຂອງບ້ານ: ໝາກເພັດ, ໝາກຮຸ່ງ, ຄວນຂະຫຍາຍໃຫ້ຫຼາຍຂື້ນຕື່ມ; ສົ່ງເສີມໃຫ້ທຸກບ້ານທຸກເຮືອນ ທີ່ຢູ່ແຄມງື່ມ ປູກໄມ້ປ່ອງ, ໄມ້ງິ້ວ ຫຼື ຕົ້ນໄມ້ຊະໜິດຕ່າງໆ. ເພື່ອສ້າງແຄມງື່ມໃຫ້ເປັນສາຍນ້ຳທີ່ສະອາດ, ຂຽວ, ປ້ອງກັນຕາຝັ່ງເຈືອນ; ໃຫ້ເອົາໃຈໃສ່ຈັດຕັ້ງປະຕິບັດມະຕິ VI ຂອງ ນວ. ກ່ຽວກັບການປົດປ່ອຍແຮງງານຊາວນາປີລະ 10%. ພ້ອມດຽວກັນນັ້ນ ກໍໃຫ້ຍົກສູງຄວາມເປັນແບບຢ່າງນຳໜ້າຂອງພັກ, ຂອງສະມາຊິກພັກຢູ່ໃນບ້ານອີກດ້ວຍ; ເອົາໃຈໃສ່ຕິດຕາມຂໍ້ມູນຂ່າວສານທັງພາຍໃນ ແລະ ຕ່າງປະເທດ ຜ່ານສື່ຕ່າງໆ.

- ຈຸດທີ 3 ໄດ້ລົງກວດກາສະຖານທີ່ ທີ່ຈະສ້າງເປັນບ່ອນຂື້ນເຮືອ, ລົງເຮືອ ເພື່ອຮັບໃຊ້ໃຫ້ແກ່ລາຍການທ່ອງທ່ຽວລ່ອງງື່ມຂອງ ນວ ຢູ່ສວນເພັດນ້ຳງື່ມ. ຊື່ງເຫັນວ່າຈຸດດັ່ງກ່າວມີຄວາມເໝາະສົມ ແລະ ເປັນແຫຼ່ງທ່ອງທ່ຽວທີ່ຈະເກີດຂື້ນໃໝ່ອີກແຫ່ງໜື່ງຂອງ ນວ ໃນຕໍ່ໜ້າ.|

 

ວຽງຈັນວັນໃໝ່ ຂ່າວສານທັນສະໄໝເພື່ອຊາວວຽງ

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 31

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 262

ຈຳນວນຜູ້ເຂົ້າຊົມເດືອນນີ້ 1166

ຈຳນວນຜູ້ເຂົ້າຊົມທັງໝົດ 32201

Currently are 50 guests and no members online

ແຜນທີ່ນະຄອນຫຼວງວຽງຈັນ