Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018

ນິຕິກຳສຳຄັນ

ຂ່າວສານໜ້າສົນໃຈ

14731129 341142679567598 4026899628305069105 n

ເພື່ອ​ຮອງ​ຮັບ​ການ​ຂະຫຍາຍຕົວ​ຂອງ​ຊຸມ​ຊົນ ແລະ ຮັບປະກັນ ການ​ສະໜອງ​ນ້ຳ​ໃຫ້​ພຽງພໍ​ກັບຄວາມ​ຕ້ອງການ​ຂອງ​ພໍ່​ແມ່​ປະຊາຊົນ​ ໃນ​ຂອບ​ເຂດນະຄອນຫຼວງວຽງ​ຈັນ ລັດ​ວິ​ສາ​ຫະ​ກິດ​ນ້ຳ​ປະປາ ນະຄອນຫຼວງ​ວຽງ​ຈັນ ໄດ້ວາງ​ສີ​ລາ​ລຶກ​ໂຄງການ​ຂະຫຍາຍ ແລະ ປັບປຸງ​ລະບົບ​ການ​ຄຸ້ມ​ຄອງນ້ຳ​ປະປາ ໂດຍ​ນຳ​ໃຊ້​ເງິນ​ກູ້​ຈາກບໍ​ລະ​ສັດ ນໍ​ຣີນ​ໂກ ​ສປ ຈີນ ຂຶ້ນວັນ​ທີ 12 ຕຸລາ 2016 ທີ່​ຜ່ານ​ມາ ທີ່​ບ້ານ​ໂຄກ​ແຮ່ ເມືອງ​ສັງ​ທອງ ນະຄອນຫຼວງ​ວຽງ​ຈັນ ໂດຍ​ມີທ່ານ ສິນ​ລະ​ວົງ ຄຸດ​ໄພທູນ ເຈົ້າຄອງ​ນະຄອນຫຼວງ ທ່ານ ກວນ ຮົວ​ບິງ ເອກ​ອັກ​ຄະ​ລັດ​ຖະ​ທູດ​ຈີນ ປະຈຳ​ລາວ ເຂົ້າ​ຮ່ວມ.

ທ່ານ ຄຳ​ເຜີຍ ວົງສາ​ຄຳ​ຜຸຍ ອຳນວຍ​ການ​ລັດ​ວິ​ສາ​ຫະ​ກິດ​ນ້ຳ​ປະປາ ນວ ກ່າວ​ວ່າ: ຍ້ອນ​ເຫັນ​ໄດ້​ຄວາມຈຳເປັນ ແລະ ຄວາມ​ຕ້ອງການຂອງ​ປະຊາຊົນ ແລະ ອີງໃສ່​ແຜນພັດທະນາ 5 ປີ (2016-2020) ໂດຍ​ການ​ນຳ​ນະຄອນຫຼວງ​ວຽງຈັນ ໄດ້​ນຳ​ສະເໜີ​ຕໍ່​ລັດຖະບານ ເພື່ອ​ຂໍ​ອະນຸມັດ​ເງິນ​ກູ້​ຢືມ​ຈາກ​ບໍລິ​ສັດ ນໍ​ຣີນ​ໂກ ​ສປ ຈີນ ມູນ​ຄ່າ 100 ລ້ານ​ໂດ​ລາ​ສະຫະລັດ ຫຼື ປະມານ 800 ຕື້​ກວ່າ​ກີບ ເພື່ອ​ພັດທະ​ນາ ແລະ ຂະຫຍາຍ​ລະບົບ​ທໍ່ ລວມ​ທັງ​ການ​ປັບປຸງ ແລະ ການນຳ​ໃຊ້​ເຄື່ອງມື​ທັນ​ສະໄໝ ເປັນຕົ້ນແມ່ນ ​ຂະຫຍາຍ​ລະບົບ​ທໍ່​ແຕ່​ຂະໜາດ 63-700 ມິນ​ລີ​ແມັດ ມີ DIP HDPE ໃນ​ໄລຍະ​ຍາວ​ຫຼາຍກວ່າ 450 ກິໂລແມັດ ຢູ່​ເມືອງນາ​ຊາຍ​ທອງ ເມືອງ​ສີ​ໂຄດ​ຕະບອງ ໄຊ​ທານີ ແລະ ໄຊ​ເຊດ​ຖາ ພ້ອມ​ດ້ວຍ​ວຽກ​ການ​ປ່ຽນ​ຖ່າຍລະບົບ​ທໍ່​ເກົ່າຈຳນວນ​ໜຶ່ງ ປະມານ 264 ກິໂລແມັດ ກໍ່ສ້າງອ່າງເກັບນ້ຳ​ສູງ 3 ໜ່ວຍ ຢູ່​ບ້ານເວີນ​ຄຳ ນ້ຳ​ຊວງ ແລະ ບ້ານສອງ​ຂົວ​ກາງ​ແສນ ກໍ່ສ້າງ​ລະບົບນ້ຳ​ປະປາ​ຄົບ​ຊຸດ​ຢູ່​ບ້ານ​ໂຄກ​ແຮ່ ເມືອງ​ສັງ​ທອງ ແລະ ບ້ານ​ໝາກນາວ-ນາລ້ອງ ເມືອງ​ປາກ​ງື່ມ ຕິດ​ຕັ້ງ ແລະ ນຳ​ໃຊ້​ລະບົບ SCADA ເຂົ້າ​ໃນ​ການ​ຄຸ້ມ​ຄອງໂຮງງານ ລະບົບ​ທໍ່ ແລະ ອ່າງນ້ຳ​ສູງ​ຢູ່​ສຳນັກງານ​ໃຫຍ່​ໂພນເຄັງ ກໍ່ສ້າງ​ຫ້ອງການ​ສາຂາເມືອງ​ນາ​ຊາຍ​ທອງ ໄຊ​ທານີ ແລະ ປ່ອງ​ບໍລິການ ບ້ານ​ຈັນ​ສະຫວ່າງ.

ສຳລັບ​ການຈັດຕັ້ງ​ປະຕິບັດໂຄງການ​ທີ່​ກ່າວ​ມາ​ນັ້ນ ແມ່ນການ​ປະກອບສ່ວນ​ທາງ​ດ້ານ​ສະຖານ​ທີ່​ກໍ່ສ້າງ​ການ​ເວັ້ນ​ຄືນ​ທີ່​ດິນ ແລະ ສິ່ງ​ອຳນວຍ​ຄວາມ​ສະດວກຕ່າງໆ ຈາກ​ບັນດາ​ພາກສ່ວນ​ທີ່ກ່ຽວຂ້ອງ ເປັນຕົ້ນ​ແມ່ນ ເມືອງສັງ​ທອງ ໄດ້​ມອບ​ທີ່​ດິນ​ໃນ​ການກໍ່ສ້າງ​ໂຮງງານ​ຜະລິດ​ນ້ຳຢູ່​ບ້ານໂຄກ​ແຫ້ ເມືອງ​ປາກ​ງື່ມ ແລະ ເມືອງ​ຫາດ​ຊາຍ​ຟອງ ໄດ້​ອຳນວຍຄວາມ​ສະດວກ ແລະ ມອບ​ດິນໃຫ້​ໂຄງການ​ເພື່ອ​ກໍ່ສ້າງ​ຫ້ອງການ ແລະ ໂຮງງານ​ຜະລິດ​ນ້ຳ ນອກ​ນັ້ນ ເມືອງ​ນາ​ຊາຍ​ທອງ ສີໂຄດ ຈັນທະ​ບູ​ລີ ໄຊ​ທານີ ກໍ່​ອຳນວຍ​ຄວາມ​ສະດວກ​ໃນ​ການຊອກ​ຫາ​ທີ່​ດິນ​ກໍ່ສ້າງ​ອ່າງເກັບນ້ຳສູງ ແລະ ແລວ​ວາງ​ທໍ່​ນ້ຳ​ປະປາອີກ​ດ້ວຍ ໂຄງການ​ດັ່ງກ່າວ​ແມ່ນຈະ​ຈັດ​ຕັ້ງ​ປະຕິບັດ ປະມານ 21 ເດືອນ ແລະ ໃຫ້​ສຳເລັດ​ຂັ້ນ​ພື້ນຖານ​ກາງ​ປີ 2018 ຖ້າ​ໂຄງການ​ນີ້ສຳເລັດ ​ແມ່ນ​ຈະ​ເຮັດ​ໃຫ້​ປະຊາຊົນ​ໄດ້​ຊົມໃຊ້​ນ້ຳ​ກວມ​ເອົາ 95% ຂອງ​ປະຊາຊົນ​ທີ່​ມີ​ລະບົບ​ທໍ່​ນ້ຳ​ໄປເຖິງ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 46

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 261

ຈຳນວນຜູ້ເຂົ້າຊົມເດືອນນີ້ 699

ຈຳນວນຜູ້ເຂົ້າຊົມທັງໝົດ 37928

Currently are 32 guests and no members online

ແຜນທີ່ນະຄອນຫຼວງວຽງຈັນ