Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
3 ຫຼຸດ 3 ເພີ່ມ 3 ຂະບວນການ

ນິຕິກຳສຳຄັນ

ຂ່າວສານໜ້າສົນໃຈ

14485165 337786716569861 875286051796300048 n

ພະແນກ​ໂຍທາ​ທິ​ການ ແລະ ຂົນສົ່ງ ນະຄອນຫຼວງ​ວຽງ​ຈັນ (​ຍທຂ ນວ) ຮ່ວມ​ກັບ​ຫ້ອງ​ວ່າການ​ປົກຄອງ ນວ ໄດ້​ຈັດ​ສຳ​ມະ​ນາ​ກ່ຽວກັບ​ການ​ຄຸ້ມ​ຄອງ​ແຜນຜັງ​ພັດ​ທະນາ​ຕົວ​ເມືອງ​ຢູ່ ນວ ເນື່ອງ​ໃນ​ໂອກາດ​ສັບປະດາ​ເຄຫະ​ສະຖານໂລກ ທີ່​ສູນ​ການ​ຄ້າ ລາວ-ໄອເຕັກ ນວ ວັນ​ທີ 10 ຕຸລາ 2016. ເປັນ​ປະທານ​ຮ່ວມ​ຂອງທ່ານ ສິນ​ລະ​ວົງ ຄຸດ​ໄພທູນ ເຈົ້າຄອງ​ນະຄອນຫຼວງ​ວຽງ​ຈັນ ແລະ ທ່ານ​ນາງ ວິໄລ​ຄຳ ໂພ​ສາ​ລາດ ຮອງ​ລັດຖະມົນຕີ​ກະຊວງ ​ຍທຂ ມີ​ທ່ານ ແກ້ວ​ພິລາ​ວັນ ອາ​ໄພລາດ ຮອງ​ເຈົ້າ​ຄອງ ນວ ເຈົ້າແຂວງ ຮອງ​ເຈົ້າແຂວງ ບັນດາກົມ ສະ​ຖາ​ບັນ ຫົວໜ້າ​ພະ​ແນກ ​ຍທຂ ທົ່ວ​ປະເທດ ເຈົ້າເມືອງ ຮອງ​ເຈົ້າເມືອງ ຫ້ອງການ ​ຍທຂ 9 ຕົວ​ເມືອງ ແລະ ພາກສ່ວນກ່ຽວຂ້ອງ​ເຂົ້າ​ຮ່ວມ.

ສຳ​ມະ​ນາ​ຄັ້ງ​ນີ້ ໄດ້​ສະເໜີກ່ຽວ​ກັບ​ແຜນຜັງ​ການ​ປຸກ​ສ້າງ​ອາຄານ​ຕາມ​ບັນດາ​ເສັ້ນທາງ​ສາຍຫຼັກ ​ບໍລິເວນ​ເຂດ​ຕົວ​ເມືອງເກົ່າ ແລະ ເຂດ​ປົກ​ປັກ​ຮັກສາ​ບູຮານສະຖານ ແຜນຜັງ​ຂະຫຍາຍ​ຜັງເມືອງ ນວ ໂດຍ​ລວມ ແຜນຜັງຂະຫຍາຍ​ພັດທະນາ​ເສັ້ນທາງຫຼວງ​ແຫ່ງ​ຊາດ ແລະ ເສັ້ນທາງຜັງເມືອງ ນວ ເພື່ອ​ແນ່​ໃສ່​ໃຫ້​ບັນດາ​ຜູ້​ເຂົ້າ​ຮ່ວມ​ໄດ້​ປະກອບ​ຄຳ​ຄິດເຫັນ ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ​ຢ່າງ​ກົງ​ໄປ​ກົງ​ມາ ໂດຍສະເພາະ 3 ວິໄສ​ທັດ 6 ຍຸດ​ທະສາດ 5 ຄາດໝາຍ​ສູ້​ຊົນ ແລະ 6 ແຜນ​ງານ​ຂອງ​ການ​ຂະຫຍາຍ​ຜັງເມືອງ ນວ.

ທ່ານ​ຮອງ​ລັດຖະມົນຕີ​ກະຊວງ ​ຍທຂ ກ່າວ​ວ່າ: ອົງການ​ສະຫະປະຊາ​ຊາດ ເພື່ອ​ເຄຫະ​ສະຖານໂລກ (UN HABITAT) ໄດ້​ກຳນົດ​ຫົວຂໍ້​ໃໝ່ໆ​ຂຶ້ນ​ມາ ໂດຍ​ອີງຕາມ​ບັນຫາ​ທີ່​ເກີດ​ຂຶ້ນ ແລະ ພົ້ນເດັ່ນ​ໃນ​ປັດຈຸບັນ ທັງ​ຕິດ​ພັນ​ກັບວຽກ​ງານ​ເຄຫະ​ສະຖານ ເຊິ່ງ​ປີນີ້​ຄົບຮອບ 31 ປີ (10/10/1985-10/10/2016) ໄດ້​ກຳນົດ​ພາຍໃຕ້​ຫົວຂໍ້ “ທີ່ຢູ່​ອາໄສ​ໃນ​ເຂດ​ໃຈກາງ​ເມືອງ” ເຊິ່ງ​ການ​ຈັດ​ສຳ​ມະນາ​ດັ່ງກ່າວ ຈະ​ກາຍເປັນ​ນິມິດໝາຍ​ໃນ​ການ​ເລີ່ມ​ຕົ້ນ​ແຫ່ງ​ການສະເຫຼີມສະຫຼອງ ​ບັນດາ​ເຫດການສຳຄັນ ແລະ ກິດຈະກຳ​ຕ່າງໆ​ທີ່ເກີດ​ຂຶ້ນ​ຢູ່ ນວ ປັດຈຸບັນ ​ປະຊາກອນ​ທີ່​ອາໄສ​ຢູ່​ເຂດ​ຕົວ​ເມືອງ​ໃນທົ່ວ​ໂລກ ປະມານ 25% ແມ່ນຍັງ​ອາໄສ​ຢູ່​ໃນ​ເຂດ​ຊຸມ​ຊົນ​ແອ​ອັດ ແລະ ທີ່ຢູ່​ບໍ່​ເໝາະ​ສົມ ສະນັ້ນ ຄວາມ​ຕ້ອງການ​ທີ່ຢູ່​ອາໄສ​ໄດ້ເພີ່ມ​ຂຶ້ນ​ໃນ​ແຕ່​ລະ​ວັນ ເນື່ອງ​ມາຈາກ​ອັດຕາ​ເກີດ​ໃໝ່​ຂອງ​ປະຊາກອນ ການ​ເຄື່ອນ​ຍ້າຍ​ເຂົ້າ​ມາຕັ້ງ​ຖິ່ນ​ຖານ​ໃນ​ຕົວ​ເມືອງ ​ເພື່ອ​ສະແຫວງ​ຫາ​ໂອກາດ​ຕ່າງໆ ໃນ​ນັ້ນ ຮອດ​ປີ 2020 ທົ່ວ​ໂລກ​ຈະ​ມີຄວາມ​ຕ້ອງ​ການເຮືອນ​ຢູ່​ອາໄສ 1 ຕື້​ຫຼັງ ເພື່ອ​ຮອງ​ຮັບ​ການ​ເພີ່ມ​ຂຶ້ນຂອງ​ປະຊາກອນ​ໃນ​ຕົວ​ເມືອງ​ ປະມານ 50 ລ້ານ​ຄົນ.

ສຳລັບ ​ສປປ ລາວ ໂດຍ​ສະເພາະ ນະຄອນຫຼວງ​ວຽງ​ຈັນ ໄດ້ວາງ​ແຜນ​ຍຸດ​ທະ​ສາດ​ເພື່ອ​ການພັດທະນາ ນວ ເປັນ​ແຕ່​ລະ​ໄລຍະ​ຄື: ໄລຍະ​ສັ້ນ ແຕ່​ປີ 2015-2020 ໄລຍະ​ກາງ ແຕ່​ປີ 2020-2025 ແລະ ໄລຍະ​ຍາວ 2025-2030 ຫຼື ຫຼາຍ​ກວ່າ​ນັ້ນ ໂດຍ​ໄດ້ເອົາໃຈໃສ່​ປັບປຸງ​ຈັດ​ສັນ​ຜັງເມືອງ ສະໜັບສະໜູນ​ໃຫ້​ແກ່​ການ​ພັດທະ​ນາ​ທາງ​ດ້ານ​ເສດຖະກິດ-ສັງຄົມ ຈັດ​ສັນ​ເຮືອນ​ພັກ​ອາໄສ ແນໃສ່​ຍົກ​ລະດັບ​ຊີວິດ​ການ​ເປັນ​ຢູ່ຂອງ​ປະຊາຊົນ​ໃຫ້​ນັບ​ມື້​ດີ​ຂຶ້ນ ຫຼຸດຜ່ອນ​ຄວາມທຸກ​ຍາກ​ລົງ​ເທື່ອ​ລະກ້າວ ເອົາໃຈໃສ່​ພັດທະນາ​ພື້ນຖານ​ໂຄງ​ລ່າງ​ໃຫ້​ທົ່ວ​ເຖິງ ພ້ອມທັງ​ວາງ​ເປົ້າ​ໝາຍ​ສູ້​ຊົນ​ໃຫ້ ນວ ກາຍເປັນ​ນະຄອນຫຼວງ​ທີ່​ມີ​ຄວາມສີວິໄລ ເປັນ​ຕົວ​ເມືອງ​ສີຂຽວ​ຕາມທິດ​ນະໂຍບາຍ 6ສ ໂດຍ​ຖື​ເອົາການ​ພັດທະນາ​ຕາມ​ແຜນຜັງລວມ​ທີ່​ກຳນົດ​ໄວ້ ຍົກ​ລະດັບ​ພື້ນຖານ​ໂຄງ​ລ່າງ​ເຂດ​ເມືອງເກົ່າໃຫ້ເໝາະ​ສົມ ກາຍເປັນ​ເມືອງ​ທ່ອງທ່ຽວ ເຂດ​ບໍລິການ​ດ້ານ​ການ​ຄ້າຂະໜາດ​ກາງ ແລະ ນ້ອຍ ສ້າງເຂດ​ພັດທະນາ​ບຶງ​ທາດຫຼວງ ​ເປັນຄຸ້ມ​ເມືອງ​ທັນ​ສະໄໝ ເຂດ​ອຸດ​ສາຫະ​ກຳ​ໄຊ​ເຊດ​ຖາ ທັງ​ເປັນ​ສວນເປັນ​ເຂດ​ອຸດສາຫະກຳ​ໜັກ ເຂດນິຄົມ​ໂຄກ​ສະອາດ ເປັນ​ເຂດ​ອຸດສາ​ຫະ​ກຳ​ເບົາ ເຂດ​ດົງ​ໂພ​ສີ​ ເປັນເຂດ​ການ​ສຶກ​ສາ ແລະ ເຂດອື່ນໆ.

ທີ່ມາ: ໜັງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 39

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 79

ຈຳນວນຜູ້ເຂົ້າຊົມເດືອນນີ້ 786

ຈຳນວນຜູ້ເຂົ້າຊົມທັງໝົດ 26395

Currently are 77 guests and no members online

ແຜນທີ່ນະຄອນຫຼວງວຽງຈັນ