Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

3 ຫຼຸດ 3 ເພີ່ມ 3 ຂະບວນການ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ

ນິຕິກຳສຳຄັນ

ຂ່າວສານໜ້າສົນໃຈ

2a13f934190d8fcd7901b5418386e0b4

ນະຄອນຫຼວງ​ວຽງ​ຈັນ (ນວ) ກຽມ​ຈະ​ກວດກາ​ຢ່າງ​ເຂັ້ມ​ງວດ ກ່ຽວ​ກັບ​ແຮງ​ງານ​ທີ່​ເຄື່ອນ​ໄຫວ​ບໍ່ຖືກຕ້ອງໃນ 9 ຕົວ​ເມືອງ ນັບ​ແຕ່ກຳມະກອນ​ແບກ​ຫາບ​ຕາມ​ຖະໜົນ​ຫົນທາງ ຕະຫຼອດ​ຮອດ​ຟາມ ແລະ ບໍລິສັດ​ຕ່າງໆ​ເພື່ອ​ໃຫ້​ມີຄວາມ​ເປັນ​ລະບຽບ​ຮຽບ​ຮ້ອຍຂອງ​ສັງຄົມ ແລະ ຕໍ່​ສາຍຕາ​ນັກທ່ອງ​ທ່ຽວ.

ກອງ​ປະຊຸມ​ປຶກສາ​ຫາລື​ການຂຶ້ນ​ທະບຽນ ແລະ ອອກ​ບັດ​ອະນຸ​ຍາດ​ຊົ່ວຄາວ​ໃຫ້​ແຮງ​ງານ​ຕ່າງປະເທດ ​ທີ່​ເຄື່ອນ​ໄຫວ​ບໍ່​ຖືກຕ້ອງ​ຢູ່ ນວ ໄດ້​ຈັດ​ຂຶ້ນ​ວັນ​ທີ 7 ກໍລະກົດ 2016 ທີ່​ຫ້ອງ​ວ່າການ ນວ ໂດຍເປັນ​ປະທານ​ຂອງ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ຜູ້​ຊີ້​ນຳ​ຂົງເຂດ​ວັດທະນະ​ທຳ-ສັງຄົມ ທ່ານ​ນາງ ລຳພອຍ ສີ​ອັກ​ຄະ​ຈັນ ຫົວໜ້າ​ພະແນກ​ແຮງ​ງານ ແລະ ສະຫວັດດີການ-ສັງຄົມ (​ຮສສ) ນວ ຜູ້​ຕາງໜ້າ​ຈາກ​ກະຊວງ​ປ້ອງ​ກັນ​ຄວາມສະຫງົບ ກອງ​ບັນຊາ​ການ ​ປກສ ຈາກ 9 ຕົວ​ເມືອງ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານ ສີ​ຫຸນ ສິດທິ​ລື​ໄຊ ກ່າວວ່າ: ເພື່ອ​ເປັນ​ການ​ປະຕິບັດ​ຕາມຄຳ​ສັ່ງ​ຂອງ​ນາຍົກລັດຖະມົນຕີ ສະບັບ​ເລກ​ທີ 62/​ນຍ ລົງ​ວັນ​ທີ 13/11/2015 ແຜນ​ປະຕິບັດ​ງານການ​ຂຶ້ນ​ທະບຽນ ແລະ ອອກ​ບັດອະນຸຍາດ​ຊົ່ວຄາວ​ໃຫ້​ແຮງ​ງານຕ່າງປະເທດ ​ທີ່​ເຄື່ອນ​ໄຫວ​ບໍ່​ຖືກຕ້ອງ​ຕາມ​ລະບຽບ​ກົດໝາຍ​ຢູ່ ນວ ເຊິ່ງ​ຈະ​ເລີ່ມ​ປະຕິບັດພ້ອມ​ກັນ​ນັບແຕ່​ວັນ​ທີ 17 ກໍລະກົດ-17 ສິງຫາ 2016 ຈະ​ມີ​ການ​ລົງ​ໄປ​ເຜີຍແຜ່​ໃຫ້​ກັບ​ຜູ້​ປະກອບ​ການ ແລະ ນັກທຸລະກິດທີ່​ດຳເນີນ​ທຸລະ​ກິດ ຢູ່​ໃນ​ທຸກ​ຂົງເຂດ​ເປັນຕົ້ນ​ຂົງເຂດການ​ບໍລິການ ໂຄງການ​ທຸກ​ປະເພດ ເຂດ​ເສດຖະກິດ​ພິເສດ ເຂດເສດຖະກິດ​ສະເພາະ ທີ່​ມີແຮງງານ​ຕ່າງປະເທດ​ສັງກັດ​ຢູ່​ໄດ້​ຮັບ​ຮູ້ ແລະ ເຂົ້າໃຈ​ກ່ຽວ​ກັບ​ການ​ອອກອະນຸຍາດ ​ເພື່ອ​ໃຫ້​ແຮງ​ງານ​ກຽມປັບ​ຕົວ​ໃນ​ການ​ປະກອບ​ອາຊີບ ວຽກ​ງານ​ຢ່າງ​ຖືກຕ້ອງ​ຕາມ​ກົດໝາຍ​ແຮງ​ງານ​ຂອງ ​ສປປ ລາວ.

ສຳລັບ​ການ​ປະຕິບັດ​ຄັ້ງ​ນີ້ ແມ່ນ​ຈະ​ເລີ່ມ​ຈາກ​ການ​ປັບ​ສະ​ຖານະ​ພາບ​ການ​ຂຶ້ນ​ທະບຽນ ແລະ ອອກ​ບັດ​ອະນຸຍາດ​ຊົ່ວຄາວ 6 ເດືອນ ແລະ 1 ປີ ຕາມ​ຫົວໜ່ວຍທຸລະ​ກິດ​ໄປ​ຈົນ​ເຖິງ​ໂຄງການ​ຂະໜາດ​ໃຫຍ່ ຜູ້​ທີ່​ມາ​ລົງທຶນ​ຄ້າຂາຍ​ໃຫ້ການ​ບໍລິການ ຫຼື ດຳເນີນທຸລະ​ກິດ​ທຸກ​ປະເພດ​ທີ່​ບໍ່​ຂັດ​ກັບລະບຽບ​ການ​ຂອງ​ຂະແໜງການຄ້າ ແລະ ການ​ລົງທຶນ ລວມ​ໄປເຖິງກຳມະກອນ​ແບກ​ຫາບຫິ້ວ ເອົາ​ເຄື່ອງ​ໃສ່​ລໍ້ ຫຼື ລົດ​ເລາະ​ຂາຍ ລ້ຽງສັດ​ນ້ຳ ສັດ​ບົກ ໃຫ້​ບໍລິການເສີມ​ຄວາມ​ງາມ ຮ້ານ​ກາເຟ ຮ້ານ​ກິນ​ດື່ມ ຮ້ານ​ບັນເທີງ ແລະ ອຶ່ນໆ.

ການ​ຂຶ້ນ​ທະບຽນ ແລະ ອອກບັດ​ອະນຸຍາດ​ຊົ່ວຄາວ​ໃຫ້​ແຮງງານ​ຕ່າງປະເທດ ​ແມ່ນ​ໄດ້​ມີ​ການປະຕິບັດ​ກັນ​ມາ​ໄດ້ 10 ກວ່າ​ປີແລ້ວ ແຕ່​ຍັງ​ມີ​ສະຖິຕິ​ເພີ່ມ​ຂຶ້ນ​ທຸກປີ ລັກສະນະ​ຂອງ​ແຮງ​ງານ​ແມ່ນມາ​ເຮັດ​ວຽກ​ກັບ​ໂຄງການ ພາຍຫຼັງ​ໂຄງການ​ສຳເລັດ​ແລ້ວ​ກໍ່​ບໍ່​ກັບ ແລະ ອີກ​ລັກສະນະ​ແມ່ນ​ມີ​ໜັງສື​ເດີນທາງ (ປັດ​ສະ​ປໍ) ມາ​ໃນນາມ​ນັກ​ທ່ອງ​ທ່ຽວ ແລະ ມາເຄື່ອນ​ໄຫວ​ເຮັດ​ວຽກ​ຂັດ​ກັບ​ກົດໝາຍ​ແຮງ​ງານ​ຂອງ ​ສປປ ລາວ.

 

ຂໍ້ມູ້ນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 31

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 262

ຈຳນວນຜູ້ເຂົ້າຊົມເດືອນນີ້ 1166

ຈຳນວນຜູ້ເຂົ້າຊົມທັງໝົດ 32201

Currently are 39 guests and no members online

ແຜນທີ່ນະຄອນຫຼວງວຽງຈັນ