ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວສານພົ້ນເດັ່ນປະຈຳວັນ

ວັນທີ 5 ຕຸລາ 2021, ເວລາ 09:00 ໂມງ ທ່ານ ພູວົງ ວົງຄໍາຊາວ ຮອງເຈົ້າຄອງ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19 ນະຄອນຫຼວງວຽງຈັນ ພ້ອມດ້ວຍທ່ານເຈົ້າເມືອງໄຊທານີ, ທ່ານຮອງຫົວໜ້າພະແນກອຸດສາຫະກໍາ ແລະ ການຄ້າ ແລະ ຄະນະສະເພາະກິດ ໄດ້ລົງກວດກາ ແລະ ປະເມີນຄວາມສ່ຽງ ກ່ຽວກັບມາດຕະການປ້ອງກັນ ການແຜ່ລະບາດຂອງເຊື້ອພະຍາດ COVID-19 ຢູ່ຮ້ານຊຸບເປີມາເກັດໂຊກທະວີ ແລະ ຕະຫຼາດມະຫາວິທະຍາໄລແຫ່ງຊາດ ດົງໂດກ, ຜ່ານການລົງກວດກາເຫັນວ່າ ທັງສອງສະຖານທີ່ແມ່ນມີຄວາມພ້ອມຮອບດ້ານ ແລະ ມີມາດຕະການປ້ອງກັນທີ່ເຂັ້ມງວດ ຕໍ່ພະນັກງານທີ່ໃຫ້ບໍລິການ ລວມເຖິງ ພໍ່ແມ່ປະຊາຊົນ ທີ່ມາໃຊ້ບໍລິການ ໃຫ້ມີຄວາມສະດວກສະບາຍ ແລະ ປອດໄພ, ໃນນັ້ນ ຫົວໜ້າຄະນະສະເພາະກິດ ຍັງໄດ້ເນັ້ນບາງບັນຫາສໍາຄັນ ດັ່ງນີ້:

  1. ໃຫ້ເຈົ້າໜ້າທີ່ການຄ້າ ເຮັດສັນຍາກັບເຈົ້າຂອງທຸລະກິດ ກ່ຽວກັບມາດຕະການປ້ອງກັນຕ່າງໆ ລວມທັງໃຫ້ມີຄວາມຮັບຜິດຊອບຮ່ວມຕໍ່ສັງຄົມ, ຄ່າພັກ-ເຊົາ, ຄ່າປິ່ນປົວ, ຄ່າອາຫານ ແລະ ເຄື່ອງດື່ມ... ກໍລະນີພະນັກງານຂອງຕົນມີຄວາມສ່ຽງ ຫຼື ຕິດເຊື້ອພະຍາດ.
  2. ໃຫ້ສືບຕໍ່ປະຕິບັດມາດຕະການຮ່ວມມືກັນ ເພື່ອຕ້ານພະຍາດ ຕາມວິທີດໍາລົງຊີວິດໃໝ່ (ແທກອຸນຫະພູມ, ຮັກສາໄລຍະຫ່າງທາງສັງຄົມ ຢ່າງໜ້ອຍ 1 ແມັດ, ໃສ່ຜ້າປິດປາກ-ດັງ, ລ້າງມືໃສ່ສະບູ ຫຼື ນໍ້າຢາຂ້າເຊື້ອ) ໃຫ້ມີຄວາມເຂັ້ມແຂງແຕ່ຫົວທີ່.
  3. ຊົມເຊີຍເຈົ້າຂອງກິດຈະການຕະຫຼາດມະຫາວິທະຍາໄລແຫ່ງຊາດ ດົງໂດກ ທີ່ລະດົມໃຫ້ຊາວຄ້າຂາຍໃຫ້ໄດ້ຮັບວັກຊີນ ພ້ອມທັງຂຶ້ນທະບຽນບັນຊີຜູ້ມາຂາຍເຄື່ອງໄວ້ ເພື່ອສະດວກໃນການຕິດຕາມທາມລາຍໄດ້ທັນທີ ຖ້າມີກໍລະນີຕິດເຊື້ອ ຫຼື ສໍາພັດໃກ້ຊິດກັບຜູ້ຕິດເຊື້ອ.
  4. ຂໍໃຫ້ເມືອງ ແລະ ເຈົ້າໜ້າທີ່ການຄ້າ ນໍາເອົາບົດຮຽນຂອງຕະຫຼາດນີ້ ໄປຜັນຂະຫຍາຍສູ່ຕະຫຼາດອື່ນໆ ເພາະເຫັນວ່າເຮັດໄດ້ດີຫຼາຍ, ຖ້າຕະຫຼາດໃດມີກໍລະນີຜູ້ຕິດເຊື້ອ ກໍ່ຕ້ອງໄດ້ປິດຕະຫຼາດ ເພື່ອສີດຢາຂ້າເຊື້ອ ແລະ ຕິດຕາມທາມລາຍຈົນຄົບ ຈຶ່ງຈະສາມາດເປີດຕະຫຼາດໄດ້ ຊຶ່ງຈະເຮັັດຊາວຄ້າຂາຍເສຍໂອກາດ, ເສຍເວລາ ແລະ ຂາດລາຍໄດ້.
  5. ໃຫ້ເມືອງ ແລະ ເຈົ້າໜ້າທີ່ການຄ້າ ຖືໂອກາດນີ້ ຫັນເອົາຊຸມຊົນຄ້າຂາຍອ້ອມຂ້າງຕະຫຼາດ ແລະ ການຂາຍເຄື່ອງຊະຊາຍຕາມແຄມທາງ ໃຫ້ເຂົ້າສູ່ຕະຫຼາດ ນອກຈາກຜູ້ທີ່ຄ້າຂາຍຢູ່ເຮືອນຂອງຕົນເອງ ເພື່ອແກ້ໄຂປະກົດການຫຍໍ້ທໍ້.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 1

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 1

ຈຳນວນຜູ້ເຂົ້າຊົມເດືອນນີ້ 1323

ຈຳນວນຜູ້ເຂົ້າຊົມທັງໝົດ 87952

Currently are 4 guests and no members online