ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວສານພົ້ນເດັ່ນປະຈຳວັນ

ນະຄອນຫຼວງ ແລະ ແຂວງບ່າເຣ່ຍ-ຫວຸ້ງເຕົ່າ ເພີ່ມທະວີການຮ່ວມມື
ນະຄອນຫຼວງ ຈູດທຳລາຍຢາເສບຕິດຫຼາຍກວ່າ 700 ກິໂລ
ປະທານປະເທດ ເນັ້ນນາຊາຍທອງ ສືບຕໍ່ຍູ້ແຮງການຜະລິດເປັນສິນຄ້າໃຫ້ຫຼາຍຂຶ້ນ
ເຈົ້າໜ້າທີ່ອາວຸໂສ 5 ນະຄອນລຸ່ມແມ່ນໍ້າຂອງສຸມໃສ່ປຶກສາຫາລືເລືອກຄໍາຂວັນເຊື່ອມຕໍ່ດ້ານການທ່ອງທ່ຽວ
ເວທີສົນທະນາເນື່ອງໃນວັນເຄຫາສະຖານໂລກ 2019
ການປະກາດການຈັດຕັ້ງຄະນະຄຸ້ມຄອງດ່ານສາກົນຂົວມິດຕະພາບ ລາວ-ໄທ 1 ນະຄອນຫຼວງວຽງຈັນ (ຊຸດໃໝ່)
ຄະນະພັກ ອົງການປົກຄອງ ນວ ສືບຕໍ່ມອບເງິນ ແລະ ເຄື່ອງຊ່ວຍເຫຼືອໃຫ້ແຂວງເຊກອງ ແລະ ແຂວງສາລະວັນ
ນ້ຳໃຈຈາກຄະນະພັກ, ອົງການປົກຄອງ, ສະພາປະຊາຊົນ ແລະ ປະຊາຊົນຊາວນະຄອນຫຼວງວຽງຈັນ ຊ່ວຍຜູ້ປະສົບໄພນ້ຳຖ້ວມ ແຂວງອັດຕະປື
ທ່ານຮອງເຈົ້າຄອງ ນວ ພ້ອມຄະນະລົງມອບເຄື່ອງຊ່ວຍເຫຼຶອຜູ້ປະສົບໄພນຳ້ຖ້ວມແຂວງຈຳປາສັກ
ມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມແຂວງສະຫວັນນະເຂດ
ນະຄອນຫຼວງວຽງຈັນ ມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ແຂວງຄຳມ່ວນ.

     ວັນ​ທີ 15 ມີ­ນາ 2019ທີ່ຜ່ານມາ ທ່ານ​ນາງ ສີ​ສຸ­ພັນ ຫຼວງ​ລາດ ຫົວ­ໜ້າ​ກົມ​ຄວບ​ຄຸມ​ມົນ​ລະ​ພິດ ໄດ້​ຕາງ­ໜ້າ​ໃຫ້​ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ໄດ້​ແຈ້ງ​ໃຫ້​ທົ່ວ​ສັງ­ຄົມ​ຮັບ​ຊາບ​ວ່າ: ໃນ​ວັນ​ທີ 9-14 ມີ­ນາ 2019 ຢູ່​ນະ­ຄອນ­ຫຼວງ​ວຽງ​ຈັນ ແລະ ບັນ­ດາ​ແຂວງ​ໃກ້​ຄຽງ ໄດ້​ເກີດ​ມີ​ສະ­ພາບ​ໝອກ​ຄວັນ​ປົກ​ຫຸ້ມ​ບໍ­ລິ­ເວນ​ກວ້າງ ໂດຍ​ອີງ­ໃສ່​ຜົນ​ການ​ວັດ­ແທກ​ຄຸນ​ນະ​ພາບ​ອາ­ກາດ ໂດຍ​ສະ​ຖາ​ບັນ​ຄົ້ນ­ຄວ້າ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ເຊິ່ງ​ໄດ້​ວັດ­ແທກ​ຄຸນ​ນະ​ພາບ​ອາ­ກາດ​ຢູ່​ສະ­ຖາ­ນີ​ວັດ­ແທກ ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ໂດຍ​ວັດ­ແທກ​ຢ່າງ​ຕໍ່​ເນື່ອງ ຕະ­ຫຼອດ 24 ຊົ່ວ­ໂມງ ໃນ​ແຕ່​ລະ​ວັນ ໄດ້​ຊີ້​ໃຫ້​ເຫັນ​ວ່າ ຄ່າ​ຝຸ່ນ​ລະ­ອອງ​ຂະ­ໜາດ 2,5 ໄມ​ຄຼອນ ຫຼື PM-2,5 ສູງ​ກວ່າ​ມາດ­ຕະ­ຖານ ແລະ ເພີ່ມ​ຂຶ້ນ​ຢ່າງ​ຕໍ່​ເນື່ອງ ເລີ່ມ​ແຕ່​ວັນ​ທີ 11 ມີ­ນາ 2019 ເປັນ­ຕົ້ນ​ມາ ເຫັນ​ວ່າ​ຄ່າ​ຄວາມ​ເຂັ້ມ​ຂຸ້ນ​ຂອງ​ຝຸ່ນ​ລະ­ອອງ PM-2,5 ສູງ​ເຖິງ 108,9 ug/m3 ໃນ​ວັນ​ທີ 12 ມີ­ນາ ສູງ​ຂຶ້ນ​ເຖິງ 172,1 ug/m3 ເຊິ່ງ​ສູງ​ກວ່າ​ຄ່າ​ມາດ­ຕະ­ຖານ​ສິ່ງ­ແວ­ດລ້ອມ​ແຫ່ງ​ຊາດ​ຂອງ ສປປ ລາວ ທີ່​ກຳ­ນົດ​ໄວ້ 50 ug/m3 ຫຼື ສູງ​ກວ່າ​ມາດ­ຕະ­ຖານ​ຄຸນ​ນະ​ພາບ​ສິ່ງ­ແວ­ດລ້ອມ​ແຫ່ງ​ຊາດ ປະ­ມານ 3,5 ເທົ່າ​ຕົວ ຖື​ເປັນ​ລະ­ດັບ​ອັນ­ຕະ­ລາຍ ມາ​ເຖິງ​ວັນ​ທີ 13 ມີ­ນາ ຄ່າ​ຝຸ່ນ​ລະ­ອອງ PM-2,5 ໄດ້​ເລີ່ມ​ຫຼຸດ​ລົງ​ມາ 14,6 ug/m3.

      ຜົນ​ຂອງ​ການ​ວັດ­ແທກ​ຝຸ່ນ​ລະ­ອອງ​ທີ່​ມີ​ຂະ­ໜາດ 2,5 ໄມ​ຄຼອນ PM-2,5 ແບບ​ອັດ­ຕະ­ໂນ­ມັດ​ຢູ່​ສະ­ຖາ­ນີ​ວັດ­ແທກ ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ນະ­ຄອນ­ຫຼວງ​ວຽງ​ຈັນ ໃນ​ວັນ​ທີ 9-14 ມີ­ນາ 2019 PM2,5 ແມ່ນ​ຝຸ່ນ​ລະ­ອອງ​ຂະ­ໜາດ​ນ້ອຍ​ກວ່າ 2,5 ໄມ​ຄຼອນ ເປັນ​ມົນ​ລະ​ພິດ​ທີ່​ມີ​ຂະ­ໜາດ​ນ້ອຍ​ກວ່າ 1/25 ຂອງ​ເສັ້ນ​ຜ່ານ​ສູນ​ກາງ​ເສັ້ນ​ຜົມ​ຂອງ​ຄົນ ຫຼື ມີ​ຂະ­ໜາດ 1/2 ຂອງ​ເມັດ​ເລືອດ​ແດງ​ຂອງ​ຄົນ ຝຸ່ນ​ລະ­ອອງ​ດັ່ງ­ກ່າວ ສາ­ມາດ​ລອຍ​ຢູ່​ໃນ​ຊັ້ນ​ບັນ­ຍາ­ກາດ​ໄດ້​ດີ ແລະ ປົນ​ເປື້ອນ​ກັບ​ມົນ​ລະ​ພິດ​ອື່ນ ເຊິ່ງ​ສາ­ມາດ​ແຜ່​ກະ­ຈາຍ​ເຂົ້າ​ສູ່​ລະ­ບົບ​ທາງ​ເດີນ​ຫາຍ­ໃຈ​ຂອງ​ຄົນ ໂດຍ​ຜ່ານ​ເນື້ອ​ເຫຍື່ອ​ຂອງ​ລະ­ບົບ​ຫາຍ­ໃຈ ປອດ​ຫາຍ­ໃຈ​ສ່ວນ​ລຸ່ມ ກະ­ແສ​ເລືອດ ແລະ ແຜ່​ກະ­ຈາຍ​ໄປ​ສູ່​ອະ​ໄວ​ຍະ​ວະ​ຕ່າງໆ​ໃນ​ຮ່າງ­ກາຍ ເຊິ່ງ​ອາດ​ສົ່ງ​ຜົນ​ກະ­ທົບ​ຕໍ່​ລະ­ບົບ​ທາງ​ເດີນ​ຫາຍ­ໃຈ ຫາຍ­ໃຈ­ຝືດ​ເຄືອງ ເກີດ​ພະ­ຍາດ​ພູມ​ແພ້ ເພີ່ມ​ຄວາມ​ສ່ຽງ​ເປັນ​ພະ­ຍາດ​ຊຳ​ເຮື້ອ ແລະ ເປັນ​ພະ­ຍາດ​ມະ​ເຮັງ ໂດຍ​ທົ່ວ​ໄປ​ແລ້ວ ແຫຼ່ງ​ກຳ­ເນີດ​ຂອງ PM2,5 ແມ່ນ​ເກີດ​ມາ​ຈາກ​ການ​ເຜົາ​ໄໝ້​ຢູ່​ໃນ​ບ່ອນ​ໂລ່ງ (ຈູດ​ຂີ້​ເຫຍື້ອ ຫຼື ຈູດ​ປ່າ) ການ​ຄົມ­ມະ­ນາ­ຄົມ​ຂົນ­ສົ່ງ ການ​ຜະ­ລິດ​ພະ­ລັງ­ງານ​ໄຟ­ຟ້າ​ຄວາມ​ຮ້ອນ ແລະ ການ​ຜະ­ລິດ​ອຸດ­ສາ­ຫະ­ກຳ.

     ສຳ­ລັບ​ສະ­ພາບ​ໝອກ​ຄວັນ​ທີ່​ເກີດ​ຂຶ້ນ​ໃນ​ນະ­ຄອນ­ຫຼວງ​ວຽງ​ຈັນ ແລະ ເຂດ​ໃກ້​ຄຽງ​ຄັ້ງ​ນີ້​ແມ່ນ​ເກີດ​ມາ​ຈາກ​ໄຟ​ໄໝ້​ປ່າ ແລະ ການ​ຈູດ​ປ່າ​ເຮັດ​ໄຮ່​ໃນ​ເຂດ​ເມືອງ​ສັງ​ທອງ ເມືອງ​ສີ​ໂຄດ​ຕະ­ບອງ ແລະ ເມືອງ​ນາ​ຊາຍ​ທອງ ລວມ​ທັງ​ໝອກ​ຄວັນ​ຂ້າມ​ຊາຍ​ແດນ​ມາ​ຈາກ​ບັນ­ດາ​ປະ­ເທດ​ອ້ອມ​ຂ້າງ ມາ​ຮອດ​ປັດ­ຈຸ­ບັນ ສະ­ພາບ​ການ​ດັ່ງ­ກ່າວ​ກໍ​ເລີ່ມ​ດີ​ຂຶ້ນ​ເປັນ​ກ້າວໆ ເນື່ອງ​ຈາກ​ໄຟ​ປ່າ​ໄດ້​ມອດ​ລົງ​ແລ້ວ ອີງ​ຕາມ​ພະ­ຍາ­ກອນ​ອາ­ກາດ​ຂອງ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ​ຄາດ​ວ່າ​ໃນ​ວັນ​ທີ 17-18 ມີ­ນາ 2019 ມີ​ທ່າ​ອ່ຽງ​ຝົນ​ຈະ​ຕົກ​ໃນ​ລະ­ດັບ​ຄ່ອຍ​ຢູ່​ນະ­ຄອນ­ຫຼວງ​ວຽງ​ຈັນ ເຊິ່ງ​ຈະ​ເຮັດ​ໃຫ້​ສະ­ພາບ​ມົນ​ລະ​ພິດ​ດັ່ງ­ກ່າວ​ຫຼຸດ­ຜ່ອນ​ລົງ (ຖ້າ​ຫາ​ກວ່າ​ບໍ່​ມີ​ການ​ຈູດ​ຂີ້​ເຫຍື້ອ ຫຼື ຈູດ​ປ່າ​ເພີ່ມ​ຕື່ມ) ແຕ່​ເຖິງ​ແນວ­ໃດ​ກໍ​ຕາມ ເພື່ອ​ຫຼີກ​ລ່ຽງ​ຜົນ​ກະ­ທົບ​ຕໍ່​ສຸ­ຂະ­ພາບ​ຂອງ​ປະ­ຊາ­ຊົນ ໃນ​ໄລ­ຍະ​ທີ່​ຍັງ​ມີ​ສະ­ພາບ​ດັ່ງ­ກ່າວ ຈຶ່ງ​ຂໍ​ແນະ­ນຳ​ໃນ​ການ​ປະ­ຕິ­ບັດ​ດັ່ງ­ນີ້: ຫຼີກ​ລ່ຽງ​ການ­ເຄື່ອນ­ໄຫວ​ກິດ­ຈະ­ກຳ​ກາງ­ແຈ້ງ ຫຼື ນອກ​ອາ­ຄານ ນອກ​ເຮືອນ ປິດ​ປະ­ຕູ ປ່ອງ­ຢ້ຽມ ບໍ່​ໃຫ້​ຝຸ່ນ​ເຂົ້າ ໃຊ້​ຜ້າ​ຈຸ່ມ​ນ້ຳ​ປິດ​ປາກ ແລະ ດັງ ຫຼື ໃຊ້​ໜ້າ​ກາກ​ອະ­ນາ­ໄມ (N95 MOUTH MASK) ເມື່ອ​ຈະ​ອອກ​ນອກ​ບ້ານ ຖ້າ​ຫາກ​ບໍ່​ສາ­ມາດ​ຊອກ​ຫາ​ຜ້າ​ປິດ​ປາກ​ອະ­ນາ­ໄມ​ໄດ້ (N95 MOUTH MASK) ແມ່ນ​ໃຫ້​ໃຊ້​ຜ້າ​ປິດ​ປາກ​ທຳ​ມະ​ດາ ແຕ່​ໃຫ້​ໃຊ້​ສອງ​ຊັ້ນ​ກໍ​ຈະ​ສາ­ມາດ​ຊ່ວຍ​ປ້ອງ​ກັນ​ໄດ້ ດື່ມ­ນ້ຳ​ໃຫ້​ຫຼາຍ ແລະ ໃຊ້​ນ້ຳ​ເກືອ​ທາ​ຄໍ ປ້ອງ​ກັນ​ການ​ເຈັບ­ຄໍ ເພີ່ມ​ຄວາມ​ລະ­ມັດ­ລະ­ວັງ​ໃນ​ການ​ຂັບ​ຂີ່​ຍານ ພາ­ຫະ­ນະ ຜູ້​ທີ່​ມີ​ພະ­ຍາດ​ປະ­ຈຳ​ຕົວ ຖ້າ​ມີ​ອາ­ການ​ຜິດ​ປົກ­ກະ­ຕິ​ໃຫ້​ໄປ​ພົບ​ແພດ​ທັນ­ທີ ຫ້າມ​ຈູດ​ຂີ້​ເຫຍື້ອ​ຊະ­ຊາຍ ແລະ ຫ້າມ​ຈູດ​ປ່າ​ທີ່​ຈະ​ເພີ່ມ​ມົນ​ລະ​ພິດ​ຂຶ້ນ​ຕື່ມ ແລະ ໃຫ້​ຕິດ­ຕາມ​ການ​ລາຍ​ງານ​ສະ­ພາບ​ມົນ​ລະ​ພິດ​ທາງ​ອາ­ກາດ ຈາກ​ໜ່ວຍ​ງານ​ທີ່​ມີ​ພາ­ລະ​ບົດ­ບາດ ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ດ້ານ​ນີ້​ສະ­ເພາະ ເພື່ອ​ຫຼີກ​ລ່ຽງ​ສະ­ກັດ​ກັ້ນ​ຂໍ້​ມູນ​ທີ່​ບໍ່​ມີ​ມູນ​ຄວາມ​ຈິງ ແລະ ຂາດ​ການ​ກວດ​ສອບ.

     ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ຈະ​ເຮັດ​ໜ້າ­ທີ່​ຕິດ­ຕາມ ແລະ ວັດ­ແທກ​ສະ­ພາບ​ຄຸນ​ນະ​ພາບ​ອາ­ກາດ​ປະ­ຈຳ​ວັນ ແລະ ແຈ້ງ​ຜົນ​ເປັນ​ແຕ່​ລະ​ໄລ­ຍະ ພ້ອມ​ນີ້ ຈະ​ປະ­ສານ​ສົມ­ທົບ​ກັບ​ອົງ­ການ​ປົກ­ຄອງ​ເມືອງ​ທີ່​ກ່ຽວ­ຂ້ອງ ເພື່ອ​ຄວບ​ຄຸມ​ບໍ່​ໃຫ້​ມີ​ການ​ຈູດ​ຂີ້​ເຫຍື້ອ​ຊະ­ຊາຍ ແລະ ຈູດ​ປ່າ ນອກ​ນີ້ ກໍ​ຮຽກ­ຮ້ອງ​ມາ​ຍັງ​ທຸກ​ພາກ­ສ່ວນ ແລະ ສັງ­ຄົມ​ກໍ​ຄື ປະ­ຊາ­ຊົນ​ບັນ­ດາ­ເຜົ່າ ຈົ່ງ​ເປັນ​ເຈົ້າ​ການ​ນຳ​ກັນ​ໃນ​ການ​ບໍ່​ຈູດ​ຂີ້​ເຫຍື້ອ​ຊະ­ຊາຍ ຫຼຸດ­ຜ່ອນ​ການ​ນຳ​ໃຊ້​ລົດ​ທີ່​ເປັນ​ຄວັນ ແລະ ອື່ນໆ​ທີ່​ມີ​ຜົນ​ກະ­ທົບ​ຕໍ່​ໂຊນ​ອາ­ກາດ.

#ແຫຼ່ງຂ່າວ: ໜັງສືພິມວຽງຈັນໃໝ່.
ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 9

ຈຳນວນຜູ້ເຂົ້າຊົມວານນີ້ 62

ຈຳນວນຜູ້ເຂົ້າຊົມອາທິດນີ້ 156

ຈຳນວນຜູ້ເຂົ້າຊົມເດືອນນີ້ 587

ຈຳນວນຜູ້ເຂົ້າຊົມທັງໝົດ 51663

Currently are 22 guests and no members online