Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ
ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ

ນິຕິກຳສຳຄັນ

ຂ່າວສານໜ້າສົນໃຈ

     ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ (ນວ) ລົງພົບປະປະຊາຊົນບ້ານສະພານທອງໃຕ້ ເມືອງສີສັດຕະນາກ ນວ ໃນວັນທີ 8 ມັງກອນ 2019 ໂດຍມີທ່ານ ໂພຄຳ ໄຊຍະສອນ ເຈົ້າເມືອງສີສັດຕະນາກ ພ້ອມດ້ວຍພາກສ່ວນກ່ຽວຂ້ອງໃຫ້ການຕ້ອນຮັບ.


     ໂອກາດນີ້ ກໍ່ໄດ້ຮັບຟັງການລາຍງານສະພາບໂດຍລວມ ກ່ຽວກັບການຈັດຕັ້ງເຄື່ອນໄຫວວຽກງານຂອງບ້ານໄລຍະ 3 ເດືອນ ປີ 2018 ຜ່ານມາ ເຊິ່ງບ້ານສະພານທອງໃຕ້ ແມ່ນ 1 ໃນ 37 ບ້ານທີ່ຂຶ້ນກັບເມືອງສີສັດຕະນາກ ມີເນື້ອທີ່ 408.669 ຕາແມັດ ມີປະຊາກອນ 1.987 ຄົນ 394 ຄອບຄົວ 571 ຫຼັງຄາເຮືອນ ທ່າແຮງຂອງບ້ານ ມີຮ້ານຂາຍເຄື່ອງ 40 ຮ້ານ ຮ້ານເສີມຄວາມງາມ 3 ຮ້ານ ບໍລິສັດ 11 ແລະ ອົງການຊ່ວຍເຫຼືອລ້າ 2 ອົງການ ເຮືອນໃຫ້ເຊົ່າ 111 ຫຼັງ ຫ້ອງແຖວ 26 ຫຼັງ ອາພາດເມັ້ນ 4 ແຫ່ງ ຄຣີນິກ 2 ແຫ່ງ ໂຮງໝໍເອກະຊົນ 1 ແຫ່ງ 1 ກຸ່ມທ້ອນເງິນຂອງສະຫະພັນແມ່ຍິງ ໄລຍະຜ່ານມາບ້ານໄດ້ສຸມໃສ່ການພັດທະນາວຽກງານແຕ່ລະດ້ານ ເປັນຕົ້ນ ການພັດທະນາເສດຖະກິດ-ສັງຄົມ ໂດຍສະເພາະ ພື້ນຖານໂຄງລ່າງ ເຊິ່ງໃນປີ 2018 ສາມາດປັບປຸງສ້ອມແປງ ແລະ ແກ້ໄຂສະພາບເສັ້ນທາງຮ່ອມຢູ່ໜ່ວຍ 2 ຍາວ 350 ແມັດ ມູນຄ່າ 255 ລ້ານກີບ ຕິດປ້າຍບອກທາງແຕ່ລະຈຸດ 11 ປ້າຍ ລະດົມເງິນປະຊາຊົນຊື້ຢາງໝາກຕອຍຕາບທາງ 2,9 ລ້ານກີບ ຖອກເງິນສ່ວຍສາອາກອນ ແລະ ພາສີທີ່ດິນໃຫ້ເມືອງໄດ້ 103 ລ້ານກວ່າກີບ ເທົ່າກັບ 88,61%.
     ທ່ານ ສິນລະວົງ ຄຸດໄພທູນ ໄດ້ສະແດງຄວາມຊົມເຊີຍໃນການຊີ້ນຳນຳພາວຽກງານຕ່າງໆຂອງອຳນາດການປົກຄອງບ້ານໄລຍະຜ່ານມາ ເຮັດໃຫ້ວຽກງານແຕ່ລະດ້ານມີຜົນສຳເລັດຫຼາຍຂຶ້ນ ພ້ອມນີ້ ຍັງໄດ້ເປີດໂອກາດໃຫ້ປະຊາຊົນໄດ້ສະແດງຄວາມຄິດເຫັນ ແລະ ສະເໜີບັນຫາທີ່ຕ້ອງການຢາກໃຫ້ຂັ້ນເທິງ ກໍ່ຄື ພາກສ່ວນກ່ຽວຂ້ອງສືບຕໍ່ແກ້ໄຂ ເຊິ່ງບັນຫາທີ່ປະຊາຊົນຢາກໃຫ້ມີການແກ້ໄຂຮີບດ່ວນ ແມ່ນບັນຫາການຈະລາຈອນຕິດຂັດຕາມເສັ້ນທາງເຂດບ້ານສະພານທອງໃຕ້ ເຮັດໃຫ້ມີລົດຕິດຍາວຢຽດ ການຈອດລົດໃຫຍ່ຂອງຜູ້ປົກຄອງ ແລະ ນັກ-ຮຽນໂຮງຮຽນກຽດຕິສັກ ຢາກໃຫ້ຈອດຢູ່ຟາກດຽວກັນ ເພື່ອຄວາມເປັນລະບຽບ ແລະ ຫຼຸດຜ່ອນຄວາມແອອັດ ເນື່ອງຈາກວ່າປັດຈຸບັນຍັງແກ້ໄຂບໍ່ທັນໄດ້ ແລະ ບັນຫາລົດຕິດໃນໂມງການຢູ່ເຂດໂຮງຮຽນປັນຍາທິບ ໂຮງຮຽນວີເອເອັດ ແລະ ໂຮງຮຽນສັບພະວິຊາ ສະເໜີໃຫ້ຈະລາຈອນມາຊ່ວຍລະບາຍລົດ ແກ້ໄຂເຂດພື້ນທີ່ຕ່ຳທີ່ມີນ້ຳຖ້ວມອັ່ງ-ຂັງໃນໄລຍະລະດູຝົນ ການຈັດງານສ້າງສັນຕ່າງໆທີ່ມີການຕັ້ງເຕັ້ນກວມເອົາເສັ້ນທາງ ແລະ ສະເໜີຊ່ວຍງົບປະມານໃນການປັບປຸງທາງຮ່ອມໃນແຕ່ລະເສັ້ນ ເພື່ອຍົກລະດັບໃຫ້ເປັນເສັ້ນທາງປູຢາງ ແລະ ອື່ນໆ.

 

ທີ່ມາຂໍ້ມູນຈາກ:ໜ້ງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 201

ຈຳນວນຜູ້ເຂົ້າຊົມເດືອນນີ້ 677

ຈຳນວນຜູ້ເຂົ້າຊົມທັງໝົດ 49672

Currently are 29 guests and no members online

ແຜນທີ່ນະຄອນຫຼວງວຽງຈັນ