Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ

ນິຕິກຳສຳຄັນ

ຂ່າວສານໜ້າສົນໃຈ

610181491f335e904a9714bdeda91aa7

ເມືອງ​ຈັນທະ​ບູ​ລີ​ຮ່ວມ​ກັບ​ຫ້ອງການ​ຄຸ້ມ​ຄອງ ແລະ ບໍລິການ​ຕົວເມືອງ​ວຽງ​ຈັນ ໄດ້​ຈັດ​ພິທີ​ສະເຫຼີມສະຫຼອງ ແລະ ນັບ​ຖອຍຫຼັງ​ສົ່ງທ້າຍ​ປີ​ເກົ່າ ​ຄສ 2016 ແລະ ຕ້ອນຮັບ​ປີ​ໃໝ່​ສາກົນ ​ຄສ 2017 ຂຶ້ນ​ຢ່າງ​ຄຶກຄື້ນ​ມ່ວນຊື່ນ​ໃນ​ຄ່ຳຄືນ​ວັນ​ທີ 31 ທັນວາ 2016 ທີ່ສວນ​ປະຕູ​ໄຊ ມີ​ທ່ານ ສິນ​ລະ​ວົງ ຄຸດ​ໄພທູນ ກຳມະການ​ກົມ​ການເມືອງ​ສູນ​ກາງ​ພັກ ເລຂາ​ຄະນະພັກ ເຈົ້າ​ຄອງ​ນະຄອນຫຼວງ​ວຽງຈັນ ພ້ອມ​ດ້ວຍ​ພັນ​ລະ​ຍາ ທ່ານ ອາ​ລຸນ​ແກ້ວ ກິດ​ຕິ​ຄຸນ ລັດ​ຖະ​ມົນຕີ​ປະຈຳ​ສຳນັກງານ​ນາຍົກ​ລັດ​ຖະມົນຕີ ບັນດາ​ການ​ນຳ​ນະຄອນຫຼວງ ນັກທຸລະກິດ ແລະ ຊາວ​ນະຄອນ​ຫຼວງ​ວຽງ​ຈັນ ​ເຂົ້າ​ຮ່ວມ​ຢ່າງຫຼວງຫຼາຍ.

ໃນ​ພິທີ​ອັນ​ທີ່​ມີ​ຄວາມ​ໝາຍ​ດັ່ງກ່າວ ທ່ານ ສິນ​ລະ​ວົງ ຄຸດ​ໄພທູນ ຕາງໜ້າ​ໃຫ້​ຄະນະ​ບໍລິຫານ​ງານພັກ ກໍ່​ຄືອົງການ​ປົກຄອງ​ນະຄອນ​ຫຼວງ​ວຽງ​ຈັນ ໄດ້​ຂຶ້ນ​ກ່າວ​ມີຄຳ​ເຫັນ ແລະ ອວຍພອນ​ປີ​ໃໝ່ສາກົນ ເຊິ່ງ​ທ່ານ​ໄດ້​ກ່າວ​ວ່າ: ໃນປີ ​ຄສ 2016 ຜ່ານ​ພົ້ນ​ໄປ ພວກເຮົາ​ທຸກ​ຄົນ​ໄດ້​ພ້ອມ​ກັນ​ເຮັດ​ວຽກງານ​ຢ່າງ​ຫ້າວຫັນ​ຕັ້ງໜ້າ ແລະ ສ້າງ​ໄດ້ຜົນ​ງານ​ອັນ​ໃຫຍ່​ຫຼວງຫຼາຍ​ດ້ານ​ທີ່​ໜ້າ​ພາກພູມ​ໃຈ ແລະ ປີ​ໃໝ່​ສາກົນ ​ຄສ 2017 ໄດ້​ກ້າວ​ເຂົ້າ​ມາສູ່ຂ້າພະເຈົ້າ ໃນນາມ​ຜູ້​ບໍລິຫານ​ງານ​ນະຄອນຫຼວງ​ວຽງ​ຈັນ ຂໍ​ສະແດງ​ຄວາມຂອບໃຈ ແລະ ຮູ້​ບຸນຄຸນ​ເປັນ​ຢ່າງສູງ​ຕໍ່​ຜູ້ນຳ​ພັກ-ລັດ ທີ່​ໄດ້​ທຸ້ມເທສະຕິ​ປັນຍາ ແລະ ກຳ​ແຮງ​ກຳລັງກາຍ​ຢ່າງ​ບໍ່​ຮູ້​ອິດ​ຮູ້​ເມື່ອຍ ​ເຂົ້າ​ໃນພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ລາວ ກໍ່​ຄືນະຄອນຫຼວງ​ວຽງ​ຈັນຂອງພວກ​ເຮົາ​ຕະຫຼອດ​ປີ 2016 ທີ່ຜ່ານ​ມາ ອັນ​ໄດ້​ເຮັດ​ໃຫ້​ປະເທດຊາດ​ມີ​ຄວາມ​ຈະເລີນ​ກ້າວໜ້າ ແລະ ຮຸ່ງເຮືອງ​ສີວິໄລ​ເປັນ​ກ້າວໆ ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ປະຊາ​ຊົນ​ບັນດາເຜົ່າ ໂດຍ​ສະເພາະປະຊາຊົນ​ນະຄອນຫຼວງ​ວຽງ​ຈັນ ໄດ້​ຮັບ​ການ​ຍົກ​ລະດັບ​ນັບ​ມື້​ນັບ​ດີຂຶ້ນ​ອີກ​ບາດກ້າວ​ໜຶ່ງ ແລະ ຫວັງຢ່າງ​ຍິ່ງ​ວ່າ​ໃນ​ປີ 2017 ບັນດາທ່ານ​ທັງຫຼາຍ​ຈະ​ອອກແຮງ​ໃຫ້​ດີກວ່າ​ເກົ່າ ​ເພື່ອ​ສ້າງສາ​ພັດທະນາປະເທດ​ລາວ ກໍ່​ຄືສ້າງສາ​ນະຄອນ​ຫຼວງ​ວຽງ​ຈັນ ສ້າງສາ​ສຳນັກ​ງານ​ອົງການ ແລະ ຄອບຄົວຂອງ​ຕົນ​ເອງ​ໃຫ້​ດີ​ຂຶ້ນ​ກວ່າ​ເກົ່າ ກໍ່ຄື​ຍາດ​ໄດ້ຜົນ​ງານ​ອັນ​ຍິ່ງ​ໃຫຍ່ ແລະ ໃຫຍ່​ຫຼວງ​ກວ່າ​ເກົ່າ ແລະ ເຮັດ​ໃຫ້​ປີ 2017 ເປັນ​ປີ​ແຫ່ງ​ສັນຕິ​ພາບ ມິດຕະພາບ ແລະ ການພັດທະນາ ຖື​ໂອກາດ​ອັນ​ເລີກງາມ​ຍາມ​ດີ​ນີ້ ໃນ​ນາມ​ຜູ້​ບໍ​ລິຫານ​ງານ​ນະຄອນຫຼວງ​ວຽງ​ຈັນ ​ຂໍ​ອວຍ​ໄຊ​ໃຫ້​ພອນ​ອັນ​ປະເສີດ​ແກ່​ຜູ້ນຳ​ພັກ-ລັດ ບັນດາ​ທ່ານ​ນັກຮົບປະຕິວັດ​ອາວຸໂສ ບຳນານ ແລະ ພີ່ນ້ອງ​ຊາວ​ລາວ​ທີ່ຢູ່​ພາຍ​ໃນ ແລະ ຕ່າງປະເທດ ພີ່ນ້ອງ​ຊາວນະຄອນຫຼວງ​ວຽງ​ຈັນ ທູຕານຸທູດ ແລະ ອົງ​ການຈັດຕັ້ງ​ສາກົນ​ປະຈຳ​ລາວ​ໃນ​ຕະຫຼອດ​ປີ​ໃໝ່ 2017 ຈົ່ງ​ມີ​ສຸຂະພາບ​ເຂັ້ມແຂງ ມີ​ພະລາ​ນາ​ໄມ​ສົມບູນ ແລະ ມີ​ຜົນ​ສຳເລັດ​ອັນ​ໃໝ່​ໃນ​ວຽກ​ງານ​ຂອງ​ຕົນເອງ.

 

https://www.vientianemai.net

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 60

ຈຳນວນຜູ້ເຂົ້າຊົມວານນີ້ 64

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 652

ຈຳນວນຜູ້ເຂົ້າຊົມທັງໝົດ 37881

Currently are 31 guests and no members online

ແຜນທີ່ນະຄອນຫຼວງວຽງຈັນ