Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
3 ຫຼຸດ 3 ເພີ່ມ 3 ຂະບວນການ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ

ນິຕິກຳສຳຄັນ

ຂ່າວສານໜ້າສົນໃຈ

ສາທາລະນະລັດປະຊາທິປະໄຕປະຊາຊົນລາວ

ສັນຕິພາບເອກະລາດປະຊາທິປະໄຕເອກະພາບວັດທະນະຖາວອນ

ກຳແພງນະຄອນວຽງຈັນ                                                                                                                                                ​ເລກທີ່ 1560/ຈຄ.ກພ

ຂໍ້ກຳນົດ

ວ່າດດ້ວຍ

ການຄຸ້ມຄອງດ່ານສາກົນຫົວຂົວມິດຕະພາບ

ທ່ານາແລ້ງ, ກຳແພງນະຄອນວຽງຈັນ

-      ອີງຕາມຄຳສັ່ງແນະນຳເລກທີ່ 05/ນຍ, ລົງວັນທີ່ 11 ພຶດສະພາ 1994 ວ່າດ້ວຍການປັບປຸງການຄຸ້ມຄອງແລະບໍລິການຢູ່ບັນດາດ່ານສາກົນໃນທົ່ວປະເທດ.

-      ອີງຕາມຂໍ້ຕົກລົງລະຫວ່າງລັດຖະບານແຫ່ງ...ລາວແລະລັດຖະບານແຫ່ງລາຊສະອານາຈັກໄທວ່າດ້ວຍຂົວມິດຕະພາບທີ່ໄດ້ເຊັນກັນໃນວັນທີ່ 02 ​ເມສາ 1994 ລະຫ່ວາງລັດຖະມົນຕີກະຊວງການຕ່າງປະເທດລາວແລະໄທ.

-      ອີງຕາມໃບແຈ້ງການຂອງຫ້ອງວ່າການສຳນັກງານນາຍຍົກລັດຖະມົນຕີສະບັບ​​ເລກທີ່ 496/ຫສນຍແລະເລກທີ່ 497/ຫສນຍ, ລົງວັນທີ່ 26 ​ເມສາ 1994 ວ່າດ້ວຍການຄຸ້ມຄອງແລະນຳໃຊ້ຂົວມິດຕະພາບໃຫ້ຢູ່ພາຍໃຕ້ການຊີນຳໂດຍກົງຂອງຄະນະພັກ, ຄະນະປົກຄອງກຳແພງນະຄອນວຽງຈັນ.

-      ອີງຕາມໃບແຈ້ງການຂອງເຈົ້າຄອງກຳແພງນະຄອນວຽງຈັນສະບັບເລກທີ່ 565/ຈຄ.ກພ; ລົງວັນທີ່ 05 ພຶດສະພາ 1994 ກ່ຽວກັບການນຳໃຊ້ແລະຄຸ້ມຄອງຂົວມິດຕະພາບ.

ພາກທີ I

ວ່າດ້ວຍດຳລັດຫລັກການລວມກ່ຽວກັບການຈັດຕັ້ງແລະຄຸ້ມຄອງດ່ານສາກົນ

ຫົວຂົວມິດຕະພາບທ່ານາແລ້ງກຳແພງນະຄອນວຽງຈັນ

(ຕໍ່ໄປນີ້ຈະເອີ້ນຫຍໍ້ວ່າດ້ານສາກົນຂົວມິດຕະພາບ ” )

  1. I.ທີ່ຕັ້ງແລະພາລະບົດບາດຂອງດ່ານສາກົນຂົວມິດຕະພາບ.
    1. ທີ່ຕັ້ງ.

ດ່ານສາກົນຂົວມິດຕະພາບແມ່ນດ່ານຕິດຈອດລະຫວ່າງກຳແພງນະຄອນວຽງຈັນ...ລາວກັບແຂວງຫນອງຄາຍແຫ່ງລາຊະອານະຈັກໄທຍ, ​ເປັນດ່ານເຂົ້າ-ອອກທາງດ້ານຍຸດທະສາດ, ການເມືອງ, ​ເສດຖະກິດແລະວັດທະນະທຳສັງຄົມສູ່ຕ່າງປະເທດ.

ດ່ານສາກົນຂົວມິດຕະພາບແມ່ນອົງການຈັດຕັ້ງລັດບໍລິຫານ, ວິຊາການທີ່ປະຕິບັດແນວທາງການເມືອງພາຍໃນແລະຕ່າງປະເທດຂອງພັກແລະລັດຖະບານແຫ່ງ...ລາວ.

  1. 2.ພາລະບົດບາດ.

-        ດ່ານສາກົນຂົວມິດຕະພາບແມ່ນອົງການຈັດຕັ້ງລັດບໍລິຫານເຮັດຫນ້າທີ່ເປັນເສນາທິການໃຫ້ແກ່ຄະນະພັກ, ອຳນາດການປົກຄອງກຳແພງນະຄອນວຽງຈັນແລະລັດຖະບານລາວກ່ຽວກັບການຈັດຕັ້ງປະຕິບັດແນວທາງນະໂຍບາຍຂອງພັກ, ກົດຫມາຍຂອງລັດແລະຊໍ້ກຳນົດກົດລະບຽບມະຕິຄຳສັ່ງຂອງຂັ້ນເທິງໃຫ້ເຂັ້ມງວດແລະມີປະສິດທິຜົນ; ມີຫນ້າທີ່ຄຸ້ມຄອງດ່ານຊາຍແດນລາວ-​​ໄທ.

-        ການນຳໃຊ້ຂົວແລະອຳນວຍຄວາມສະດວກຍານພະຫະນະ, ຜູ້ໂດຍສານ, ສິນຄ້າແລະສີ່ງຂອງອື່ນໆທີ່ເຂົ້າ-ອອກຜ່ານດ່ານໃຫ້ຖືກຕ້ອງຕາມກົດຫມາຍ, ຂໍ້ກຳນົດກົດລະບຽບທີ່ໄດ້ກຳນົດໄວ້.

  1. II.ສິດແລະຫນ້າທີຂອງຄະນະຮັບຜິດຊອບດ່ານສາກົນຂົວມິດຕະພາບ.

ຫນ້າທີ່:

  1. ມີຫນ້າທີ່ຄົ້ນຄ້ວາຈັດຕັ້ງປະຕິບັດແນວທາງນະໂຍບາຍຂອງພັກ, ກົດຫມາຍຂອງລັດ, ຂໍ້ກຳນົດກົດລະບຽບມະຕິຄຳສັ່ງຂອງຄະນະພັກ, ອຳນາການປົກຄອງໃຫ້ປາກົດຜົນເປັນຈິງ.
  2. ມີຫນ້າທີ່ຈັດຕັ້ງປະຕິບັດທຸກມະຕິຄຳສັ່ງຂອງຄະນະພັກ, ອຳນາດການປົກຄອງກຳແພງນະຄອນວຽງຈັນແລະລັດຖະບານໃນການຄຸ້ມຄອງນຳໃຊ້ດ່ານໃຫ້ມີປະສິດທິຜົນ, ​ໃຫ້ມີຄວາມສະຫງົບປອດໄພມີຄວາມເປັນລະບຽບຮຽບຮ້ອຍ.
  3. ມີຫນ້າທີ່ປົກປັກຮັກສາຄວາມສະຫງົບສຸກ, ຄວາມເປັນລະບຽບຮຽບຮ້ອຍ, ຄວບຄຸມການເຂົ້າ-ອອກຂອງຍານພາຫະນະ, ຄົນໂດຍສານແລະສິນຄ້າທຸກປະເພດໃຫ້ຖືກຕ້ອງຕາມກົດຫມາຍ,ຂໍ້ກຳນົດກົດລະບຽບແລະມະຕິຄຳສັ່ງຂອງຂະແຫນງການທີ່ໄດ້ກຳນົດໄວ້.
  4. ມີຫນ້າທີ່ຄຸ້ມຄອງ, ນຳໃຊ້, ປົກປັກຮັກສາຊັບສົມບັດຂອງລັດ, ກິດຈະການຕ່າງໆພາຍໃນດ່ານແລະເຂດຄຸ້ມຄອງຮ່ວມກັນເທິງຂົວມິດຕະພາບ.
  5. ມີຫນ້າທີ່ລາຍງານແລະຂໍຄຳເຫັນຈາກຄະນະພັກ, ອຳນາດການປົກຄອງຕາມສາຍຕັ້ງແລະສາຍຂວາງປະສານສົມທົບກັບກະຂວງແລະຂະແຫນງການທີ່ກ່ຽວຂ້ອງ.
  6. ມີຫນ້າທີ່ປະສານງານກັບໃ່າຍໄທໃນການຄຸ້ມມຄອງແລະນຳໃຊ້ຂົວມິດຕະພາບ.

ສິດຂອບເຂດການຕັດສິນໃຈຂອງວຽກງງານຂອງດ່ານສາກົນຂົວມິດຕະພາບ:

-      ມີສິດຂື້ນແຜນການງົບປະມານຄຸ້ມຄອງລາຍຮັບ-ລາຍຈ່າຍບົຍພື້ນຖານການຕົກລົງເຫັນດີຈາກຂັ້ນເທີ.

-      ມີສິດຕັດສິນວຽກງານໃນຂອບເຂດຄວາມຮັບຜິດຊອບກໍລະນີເຈັບເປັນແລະຮິບດ່ວນ.

-      ມີສິດຜົວພັນປະສານງານກັບທຸກພາຍສ່ວນທີ່ກ່ຽວຂ້ອງທັງພາຍໃນແລະຕ່າງປະເທດເພື່ອປະຕິບັດຫນ້າທີ່ຂອງດ່ານພາຍໃຕ້ການຊີນຳຮອບດ້ານຂອງເຈົ້າຄອງກຳແພງນະຄອນວຽງຈັນ.

-      ມີສິດຈັດຕັ້ງ​, ກວດກາ, ​ແນະນຳຕັກເຕືອນບັນດາບຸກຄົນ ( ຜູ້ໂດຍສານ ) ພາກສ່ວນຕ່າງໆທີ່ເຂົ້າ - ອອກແລະປະຕິບັດວຽກງານຢູ່ດ່ານສສາກົນຂົວມິດຕະພາບໂດຍສົມທົບກັບຂະແຫນງການທີ່ກ່ຽວຂ້ອງ.

-      ມີສສິດສົມທົບພົວພັນກັບຊະແຫນງການບັນທຶກຄະດີ, ນຳສົ່ງແລະລາຍງານຜູ້ກະທຳຜິດໃຫ້ພາກສ່ວນກ່ຽວຂ້ອງ.

-      ມີສິດຊີ້ນຳໆພາຈັດຕັ້ງ, ຄຸ້ມຄອງແລະບັນຊາບັນດາແຫນງການ, ລັດຖະກອນໃນຂອບເຂດຮັບຜິດຊອບຢູ່ດ່ານສາກົນຂົວມິດຕະພາບເພື່ອໃຫ້ສຳເລັດຫນ້າທີ່.

 

ໂຄງຮ່າງການຈັດຕັ້ງດ່ານຂົວມິດຕະພາບ

 

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 174

ຈຳນວນຜູ້ເຂົ້າຊົມເດືອນນີ້ 700

ຈຳນວນຜູ້ເຂົ້າຊົມທັງໝົດ 30202

Currently are 58 guests and no members online

ແຜນທີ່ນະຄອນຫຼວງວຽງຈັນ