Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
3 ຫຼຸດ 3 ເພີ່ມ 3 ຂະບວນການ
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.

ນິຕິກຳສຳຄັນ

ຂ່າວສານໜ້າສົນໃຈ

ທາລະນະລັດປະຊາທິປະໄຕປະຊາຊົນລາວ

ສັນຕິພາບເອກະລາດປະຊາທິປະ​​ໄຕເອກະພາບວັດທະນາຖາວອນ

ນະຄອນຫຼວງວຽງຈັນ

ຄະນະໂຄສະນາອົບຮົມ                                                                                                                                                            ເລກທີ :336……./ ຄອ.ນວ                                                                                                         

                                                                                                                    ລົງວັນທີ :......................

ມາດຕາ 2 : ພາລະບົດບາດ

ຄະນະໂຄສະນາອົບຮົມນະຄອນຫຼວງວຽງຈັນ ມີພາລະບົດບາດເປັນເສນາທິການ ແລະ ເປັນອົງການວິຊາສະເພາະໃຫ້ແກ່ຄະນະປະຈຳພັກ ແລະ ຄະນະບໍລິຫານງານພັກນະຄອນຫຼວງວຽງຈັນ ດ້ານການດຳເນີນວຽກງານໂຄສະນາອົບຮົມ ກໍ່ຄືວຽກງານການເມືອງ-ແນວຄິດ,ຊ່ວຍຄະນະພັກໃນການສ້າງແຜນການ,ໂຄງການວຽກງານການເມືອງ-ແນວຄິດ ທັງເປັນຜູ້ດຳເນີນການເຮັດຕົວຈິງ ແລະ ທັງຕິດຕາມ,ຊຸກຍູ້,ກວດກາຕີລາຄາ ແລະ ສະຫລຸບລາຍງານສະພາບ,ຮັບປກັນໃຫ້ວຽກງານໂຄສະນາອົບຮົມ ກໍ່ຄືວຽກງານການເມືອງ-ແນວຄິດ ຂອງຄະນະພັກເປັນໄປຕາມຫຼັກການລວມສູນເປັນເອກະພາບ.

ມາດຕາ 3 : ໜ້າທີ່

3.1 : ປະຕິບັດແນວທາງ ແລະ ມະຕິຂອງພັກ ກ່ຽວກັບວຽກງານການເມືອງ-ແນວຄິດ ກໍ່ຄືການຊີ້ນຳຂອງຄະນະພັກໂຄສະນາອົບຮົມສູນກາງພັກ ແລະ ຄະນະປະຈຳພັກ ນະຄອນຫຼວງວຽງຈັນ ຢ່າງເປັນເຈົ້າການ,ເຂັ້ມງວດ ແລະ ມີປະສິດທິຜົນ.

3.2 : ເຫັນເອົາມະຕິກອງປະຊຸມໃຫຍ່ຂອງອົງຄະນະພັກ ນະຄອນຫຼວງວຽງຈັນ ໃຫ້ເປັນອັນລະອຽດ,ເປັນແຜນງານ,ໂຄງການ ເພື່ອສ້າງເປັນເອກະສານເຜີຍແຜ່ໃຫ້ແກ່ເປົ້າໝາາຍຕ່າງໆ ໃນຄວາມຮັບຜິດຊອບຕົນ.

3.3 : ຂຶ້ນແຜນການ,ໂຄງການໃຫ້ລະອຽດ ໃນການບຳລຸງສ້າງຖັນແຖວພະນັກງານຜູ້ທີ່ເຮັດວຽກງານ ການເມືອງ-ແນວຄິດ,ນັກໂຄສະນາ-ປາຖະກະຖາ ໃຫ້ພຽງພໍທາງດ້ານຈຳນວນ ແລະຄຸນນະພາບ ເພື່ອຕອບສະໜອງຄວາມຕ້ອງການຂອງວຽກງານໃນໄລຍະໃໝ່.

3.4 : ນຳເອົາເອກະສານແນວທາງນະໂຍບາຍຂອງພັກ,ແຜນພັດທະນາເສດຖະກິດ-ສັງຄົມຂອງນະຄອນຫຼວງ,ລະບຽບກົດໝາຍຂອງລັດ,ເອກະສານໂຄສະນາ-ປະຖະກະຖາໃນໂອກາດວັນສຳຄັນຂອງຊາດ,ຂອງພັກ,ຂອງການນຳຂັ້ນສູງ,ສະພາບທີ່ພົ້ນເດັ່ນຢູ່ພາຍໃນ ແລະ ຕ່າງປະເທດ ເພື່ອໂຄສະນາ-ປາຖະກະຖາໃຫ້ພະນັກງານ,ສະມາຊິກພັກ,ທະຫານ, ຕຳຫຼວດ ແລະ ພໍ່ຄ້າຊາວຂາຍ ຕະຫຼອດຮອດພໍ່ແມ່ປະຊາຊົນບັນດາເຜົ່າໃນນະຄອນຫຼວງ.

3.5 : ຈັດຝຶກອົບຮົມໃຫ້ພະນັກງານ,ສະມາຊິກພັກ,ຄະນະພັກຮາກຖານ ແລະ ພະນັກງານຂັນຮາກຖານ ຕາມເນື້ອໃນເອກະສານອົບຮົມສະມາຊິກພັກ,ເປົ້າໝາຍຂະຫຍາຍເຂົ້າພັກ,ເອກະສານອົບຮົມພະນັກງານຂັ້ນຮາກຖານ ແລະ ເອກະສານອື່ນໆ ໃຫ້ແຕ່ລະເປົ້າໝາຍຢ່າງທົ່ວເຖິງ.

3.6 : ກຳແໜ້ນສະພາບແນວຄິດ,ຫາງສຽງສັງຄົມ,ຖ້ອຍທຳນອງຂອງສັດຕູ ແລະ ກຸ່ມຄົນບໍ່ດີ ເພື່ອສ່ອງແສງລາຍງານໃຫ້ຂັ້ນເທິງເປັນປົກກະຕິ ແລະ ສະເໜີໃຫ້ມີວິທີການ,ມາດຕະການແກ້ໄຂຢ່າງທັນການ.

3.7 : ປະສານສົມທົບກັບຄະນະພັກເມືອງ ແລະ ຄະນະໂຄສະນາອົບຮົມເມືອງ ເພື່ອສຶກສາອົບຮົມການເມືອງ-ແນວຄິດ,ຈັດຕັ້ງບຳລຸງ ແນະນຳດ້ານວິຊາການ,ສະໜອງເອກະສານທີ່ຈຳເປັນໃຫ້ຄະນະໂຄສະນາອົບຮົມເມືອງ ແລະ ພະແນກການ,ອົງການຕ່າງໆອ້ອມຂ້າງນະຄອນຫຼວງວຽງຈັນ.

3.8 : ອອກວາລະສານຂອງອົງການປົກຄອງນະຄອນຫຼວງວຽງຈັນ ເປັນລາຍໄຕມາດ/ເດືອນ ເພື່ອເຮັດໜ້າທີ່ສຶກສາອົບຮົມທາງກ້ວາງ ແລະ ເພີ່ມຄວາມຮັບຮູ້ທາງດ້ານການເມືອງ-ແນວຄິດ ໃຫ້ແກ່ສະມາຊິກພັກ-ພະນັກງານ ແລະ ທຸກຊັ້ນຄົນໃນນະຄອນຫຼວງວຽງຈັນ ແຕ່ລະໄລຍະ.

ມາດຕາ 4 : ຂອບເຂດສິດ

4.1 : ພົວພັນປະສານສົມທົບ,ຕິດຕາມ,ກວດກາ,ຊຸກຍູ້ ແລະ ປະກອບຄຳເຫັນກ່ຽວກັບແຜນການ,ໂຄງການ ແລະ ການປັບປຸງ,ຊັບຊ້ອນບຸກຄະລາກອນຂອງຄະນະໂຄສະນາອົບຮົມນະຄອນຫຼວງ,ເມືອງໃນຂອບເຂດຄວາມຮັບຜິດຊອບຂອງຕົນ.

4.2 : ເຂົ້າຮ່ວມກອງປະຊຸມຕ່າງໆ ແລະ ປະກອບຄຳເຫັນທີ່ພົວພັນເຖິງວຽກງານການເມືອງ-ແນວຄິດ ທີ່ຂັ້ນເທິງ,ພະແນກການ,ອົງການທຽບເທົ່າ ແລະ ເມືອງອ້ອມຂ້າງນະຄອນຫຼວງວຽງຈັນຈັດຂຶ້ນ.

4.3 : ອອກຄຳແນະນຳ ແລະ ແຈ້ງການຕ່າງໆ ເຖິງຄະນະໜ່ວຍພັກເອກະລາດ,ຄະນະພັກຮາກຖານປະຈຳພະແນກການ ອົງການທຽບເທົ່າ ແລະ ເມືອງໃນຂອບເຂດນະຄອນຫຼວງກ່ຽວກັບການຈັດຕັ້ງປະຕິບັດວຽກງານໂຄສະນາອົບຮົມ ກໍ່ຄືວຽກງານການເມືອງ-ແນວຄິດ.

4.4 : ຮຽກໂຮມປະຊຸມພະນັກງານໂຄສະນາອົບຮົມ ຫຼື ຜູ້ຮັບຜິດຊອບວຽກງານກນເມືອງ-ແນວຄິດ ປະຈຳຢູ່ບັນດາພະແນກການ,ອົງການທຽບເທົ່າ ແລະ ເມືອງອ້ອມຂ້າງນະຄອນຫຼວງວຽງຈັນ ເພື່ອປຶກສາຫາລື, ຄົ້ນຫາ ຫຼື ເຜີຍແຜ່ແນະນຳກ່ຽວກັບທິດທາງ,ວິທີການ ແລະ ມາດຕະການດຳເນີນວຽກງານໂຄສະນາອົບຮົມ.

4.5 : ຕົກລົງບັນຫາພາຍໃນຄະນະໂຄສະນາວຽກງານອົບຮົມນະຄອນຫຼວງ ເປັນຕົ້ນ ແມ່ນວຽກງານໂຄສະນາອົບຮົມ,ການປັບປຸງກົງຈັກການຈັດຕັ້ງ,ການປະຕິບັດນະໂຍບາຍ,ການກໍໍໍໍ່ສ້າງ,ການບຳລຸງຍົກລະດັບຄວາມຮູ້,ຄວາມສາມາດຕ່າງໆຂອງພະນັກງານ-ລັດຖະກອນ ໃນຂອບເຂດຄວາມຮັບຜິດຊອບຂອງຕົ້ນ.

4.6 : ຈັດຕັ້ງປະຕິບັດງົບປະມານຂອງຕົນໃຫ້ຖືກຕ້ອງຕາມລະບຽບຫຼັກການ ແລະ ການນຳໃຊ້ພາຫະນະ,ວັດຖຸອຸປະກອນຕ່າງໆ ທີ່ພັກ-ລັດມອບໝາຍໃຫ້ເປັນສິດທິຜົນ.

III. ແຜນຍຸດທະສາດ 10 ປີ (2016-2025)

  1. ນຳພາສຶກສາອົບຮົມການເມືອງ-ແນວຄິດໃຫ້ສະມາຊິກພັກ,ພະນັກງານ-ລັດຖະກອນ ແລະ ປະຊາຊົນລາວນະຄອນຫຼວງໃຫ້ທົ່ວເຖິງທຸກເປົ້າໝາຍ ໂດຍສະເພາະ ເຂດຊົນນະບົດ-ຊານເມືອງ ແລະ ຫາງໄກສອກຫຼີກ ສາມາດຮັບຮູ້ເຂົ້າໃຈກ່ຽວກັບແນວທາງນະໂຍບາຍຂອງພັກ,ລະບຽບກົດໝາຍຂອງລັດຢ່າງເລິກເຊິ່ງ-ເຖິງຖອງ ກ້າວໄປສູ່ການຈັດຕັ້ງປະຕິບັດທີ່ຖືກຕ້ອງ ແລະ ເປັນເອກະພາບໃນທົ່ວສັງຄົມ,ຮັບປະກັນໃຫ້ວຽກງານການເມືອງຊຶມເລິກໃນຂົງເຂດການສຶກສາ ແຕ່ລະບົບອານຸບານຂຶ້ນໄປ, ປູກຈິດສຳນຶກຄວາມຮັກຊາດ ຄົນລາວ ຊາດລາວໃຫ້ແກ່ອະນຸຊົນ-ເຍົາວະຊົນລຸ້ນສືບທອດ ໃຫ້ມີຄວາມຮັບຮູ້-ເຂົ້າໃຈ ແລະ ສົນໃຈບັນຫາການເມືອງ ເຊື່ອມໂຍ່ງກັບສາກົນ ກາຍເປັນນັກໂຄສະນາ-ປາຖະກະຖາມະຫາຊົນ ຕິດຕາມ : ຄົ້ນຄ້ວາເກັ່ງ ຂຽນເກັ່ງ,ເວົ້າເກັ່ງ.
  2. ເຮັດໃຫ້ວຽກງານໂຄສະນາ-ປາຖະກະຖາດ້ວຍປາກ ສອດຫ້ອຍຕິດພັນກັບຮາກຖານການເມືອງ ແລະ ບ້ານຢ່າງເປັນລະບົບ-ຄົບຊຸດ,ສ້າງຈຳນວນເລົ່າມູນເຊື້ອປະຫັວດສາດຂອງຊາດ-ຂອງພັກ,ເປີດຊຸດສຶກສາອົບຮົມຍົກລະດັບການເມືອງ-ແນວຄິດ ແລະ ທິດສະດີ,ວຽກງານໂຄສະນາອົບຮົມ,ສ້າງນັກປາຖະກະຖາຂັ້ນຮາກຖານ ແລະ ອອກວາລະສານນະຄອນຫຼວງສູ່ສັງຄົມໃຫ້ເປັນປົກກະຕິ ແລະ ຕໍ່ເນື່ອງ,ເພື່ອສຶກສາອົບຮົມແນວຄິດຂອງພະນັກງານ,ສະມາຊິກພັກ ແລະ ປະຊາຊົນທົ່ວນະຄອນຫຼວງ ມີນໍ້າໃຈຮັກຊາດຢ່າງເລິກເຊິ່ງ,ເຊີດຊູຈິດໃຈຮັກລະບອບປະຊາທິປະໄຕປະຊາຊົນ,ຢຶດໝັ້ນຈຸດໝາຍສັງຄົມນິຍົມ,ມີແນວຄິດຄຸນສົມບັດ ແລະ ໂລກະທັດທີ່ກ້າວໜ້າ,ປະຕິບັດຜົນການຈັດຕັ້ງຜັນຂະຫຍາຍບາດກ້າວບຸກທະລຸໃຫ້ເຂົ້າສູ່ລວງເລິກ ໃຫ້ມີຄວາມສະຫງົບອຸ່ນອ່ຽນ,ມີຄວາມສາມັກຄີປອງດອງເປັນປຶກແຜນໜາແໜ້ນ,ມີຄວາມເປັນເອກະພາບຕໍ່ແນວທາງນະໂຍບາຍ ແລະ ການນຳພາຂອງພັກ,ມີສະຕິເຄົາລົບການຈັດຕັ້ງ,ປະຕິບັດກົດລະບຽບພັກ-ລັດ,ກົດໝາຍບ້ານເມືອງຢ່າງເຂັ້ມງວດ.
  3. ສ້າງໃຫ້ໄດ້ບ້ານຕົວແບບດ້ານວຽກງານໂຄສະນາອົບຮົມໃຫ້ໄດ້ຢ່າງນ້ອຍ 80% ຂອງຈຳນວນບ້ານທັງໝົດໃນທົ່ວນະຄອນຫຼວງວຽງຈັນ.

VI. ທິດທາງ,ຄາດໝາຍສູ້ຊົນ ໃນ 5 ປີຕໍ່ໜ້າ (2016-2020)

  1. ທິດທາງລວມ :

-          ເພີ່ມທະວີນຳພາສຶກສາອົບຮົມການເມືອງ-ແນວຄິດໃຫ້ພະນັກງານ,ສະມາຊິກພັກ ແລະ ປະຊາຊົນທົ່ວນະຄອນຫຼວງວຽງຈັນໃຫ້ເຊື່ອມຊຶມກຳແໜ້ນແນວທາງປ່ຽນແປງໃໝ່ຢ່າງຮອບດ້ານຂອງພັກ ເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກນະຄອນຫຼວງວຽງຈັນ, ມະຕິກອງປະຊຸມໃຫຍ່ ຄັ້ງທີ X ຂອງພັກຢ່າງເລິກເຊິ່ງ,ປະຕິບັດບາດກ້າວບຸກທະລຸທັງ 4 ດ້ານ ໃຫ້ປະກົດຜົນເປັນຈິງ,ເສີມຂະຫຍາຍສິດເປັນເຈົ້າຂອງປະຊາຊົນ,ມີຄວາມສາມັກຄີປອງດອງເປັກແຜນ,ເພີ່ມທະວີຄວາມເຊຶ່ອໝັ້ນຕໍ່ການນຳພາຂອງພັກ ແລະ ອານາຄົດຂອງປະເທດຊາດ,ເຊີດຊູນໍ້າໃຈຮັກຊາດ ຮັກລະບອບປະຊາທິປະໄຕປະຊາ,ຕັ້ງໜ້າປະຕິບັດແຜນພັດທະນາເສດຖະກິດ-ສັງຄົມ ຄັ້ງທີ VIII ຂອງລັດ ຕາມທິດຫັນເປັນອຸດສາຫະກຳ ແລະ ທັນສະໄໝ ກ້າວສູ່ການເຊື່ອມໂຍງກັບສາກົນຢ່າງບໍ່ຢຸດຢັ້ງ.

-          ຫັນທິດຂອງວຽກງານໂຄສະນາອົບຮົມກ້າວສູ່ຍຸກສະໄໝເຕັກໂນໂລຊີຂ່າວສານ ເນັ້ນໜັກເນື້ອໃນສັ້ນກະທັດຮັດ-ຈຳກັດດ້ານເວລາ ອີງໃສ່ຂໍ້ມູນຕົວຈິງປະສານສົມທົບຢ່າງກົມກຽວຜ່ານຮູບພາບປະຈັກຕາດ້ວຍເຄື່ອງມືທັນສະໄໝໃນການໂຄສະນາດ້ວຍປາກ ຮັບປະກັນໃຫ້ວຽກງານແນວຄິດມີການເຄື່ອນໄຫວຢ່າງແຂງແຮງ ແລະ ທົ່ວເຖິງທຸກເປົ້່າໝາຍ,ຕີຖອຍສະພາບແນວຄິດ,ປະກົດການຫຍໍ້ທໍ້,ຖ້ອຍທຳນອງບິດເບືອນໃສ່ຮ້າຍປ້າຍສີຂອງກຳລັງປໍລະປັກຕໍ່ການນຳພາຂອງພັກ,ຕໍ່ການພັດທະນາຂອງນະຄອນຫຼວງວຽງຈັນໃຫ້ທັນສະພາບການ.

-          ຈັດຕັ້ງຜັນຂະຫຍາຍເນື້ອໃນຈິດໃຈຂອງມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກນະຄອນຫຼວງວຽງຈັນ,ມະຕິກອງປະຊຸມໃຫຍ່ ຄັ້ງທີ X ຂອງພັກ ຫັນເປັນໂຄງການອັນລະອຽດຂອງຕົນ ສອດຫ້ອຍຕິດພັນກັບເນື້ອໃນຂໍ້ແຂ່ງຂັນຂອງຄະນະໂຄສະນາອົບຮົມທີ່ວ່າ: ຄົ້ນຄວ້າເກັ່ງ ຂຽນເກັ່ງ ເວົ້າເກັ່ງ ໃຫ້ປະກົດຜົນເປັນຈິງ ແລະ ຜັນຂະຫຍາຍກວ້າງອອກ ກາຍເປັນການກະທຳ ແລະ ຄວາມຮັບຜິດຊອບປົກກະຕິຂອງທຸກຄົນໃນສັງຄົມກ່ຽວກັບວຽກງານການເມືອງ-ແນວຄິດ.

  1. ຄາດໝາຍສູ້ຊົນລວມ

-          ສູ້ຊົນນຳເອົາມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກນະຄອນຫຼວງວຽງຈັນ,ມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງລັດ ລົງສູ່ຮາກຖານຢ່າງທົ່ວເຖິງ ເຮັດໃຫ້ສະມາຊິກພັກ, ພະນັກຫຼັກແຫຼ່ງ ແລະ ປະຊາຊົນທົ່ວນະຄອນຫຼວງວຽງຈັນໄດ້ຮັບຮູ້ເຊື່ອມຊຶມ,ກຳແໜ້ນ ແລະ ສາມາດນຳໄປຈັດຕັ້ງປະຕິບັດໃນຕົວຈິງຢ່າງມີປະສິດທິຜົນ.

-          ສູ້ຊົນຈັດຕັ້ງປາຖະກະຖາໂຄສະນາເລົ່ມູນເຊື້ອປະຫັວດສາດຂອງຊາດ-ຂອງພັກ,ເປີດຊຸດສຶກສາອົບຮົມຍົກລະດັບການເມືອງ-ແນວຄິດ ແລະ ທິດສະດີ,ວຽກງານໂຕສະນາອົບຮົມ,ສ້າງນັກປາຖະກະຖາຂັ້ນຮາກຖານ ແລະ ອອກວາລະສານນະຄອນຫຼວງສູ່ສັງຄົມໃຫ້ເປັນປົກກະຕິ ແລະ ຕໍ່ເນືອງ ເພື່ອສຶກສາອົບຮົມແນວຄິດຂອງພະນັກງານ,ສະມາຊິກພັດ ແລະ ປະຊາຊົນທົ່ວນະຄອນຫຼວງ ໃຫ້ມີຄວາມສະຫງົບອຸ່ນອ່ຽນ,ມີຄວາມສາມັກຄີເປັນເອກະພາບຕໍ່ແນວທາງນະໂຍບາຍ ແລະ ການນຳພາຂອງພັກ,ມີສະຕິເຄົາລົບການຈັດຕັ້ງ ປະຕິບັດກົດລະບຽບພັກ,ກົດໝາຍຂອງລັດ,ຍົກສູງຄວາມເປັນແບບຢ່າງນຳໜ້າມະຫາຊົນຮອບດ້ານ,ເປັນເຈົ້າການຕອບຕ້ານ ແກ້ໄຂປະກົດການຫຍໍ້ທໍ້ຕ່າງໆໃນສັງຄົມ, ມີຄວາມຮັບຜິດຊອບ ແລະ ຕັດສິນໃຈສູງຕໍ່ໜ້າທີ່ການເມືອງຂອງຕົນທີ່ພັກ-ລັດມອບໝາຍ.

-          ສູ້ຊົນສ້າງໃຫ້ໄດ້ບ້ານຕົວແບບດ້ານວຽກງານໂຄສະນາອົບຮົມໃນຂອບເຂດທົ່ວນະຄອນຫຼວງວຽງຈັນໃຫ້ໄດ້ປີລະ 1-2 ບ້ານຂອງ 9 ຕົວເມືອງ,ຮັບປະກັນສ້າງກຳລັງພະນັກງານແນວຄິດລຸ້ນສືບທອດ ຕາມທິດຂໍ້ແຂ່ງຂັນ ຮັກຊາດ ແລະ ພັດທະນາ ທີ່ວ່າ: ຄົ້ນຄ້ວາເກັ່ງ ຂຽນເກັ່ງ ເວົ້າເກັ່ງ ໃຫ້ເປັນຕາໜ່າງທີ່ແໜ້ນໜາທາງດ້ານຄຸນນະພາບ ແລະ ຂະຫຍາຍດ້ານຈຳນວນເພື່ອນຮ່ວມງານແນວຄິດໃນທົ່ວສັງຄົມ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 174

ຈຳນວນຜູ້ເຂົ້າຊົມເດືອນນີ້ 700

ຈຳນວນຜູ້ເຂົ້າຊົມທັງໝົດ 30202

Currently are 57 guests and no members online

ແຜນທີ່ນະຄອນຫຼວງວຽງຈັນ