Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

ລະດົມທຶນຊ່ວຍເຫຼືອຜູ້ປະສົມໄພ ທີ່ໄດ້ຮັບຜົນກະທົບຈາກນ້ຳຖ້ວມຮ້າຍແຮງ ຍ້ອນເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ ຢູ່ແຂວງອັດຕະປື.
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018

ນິຕິກຳສຳຄັນ

ຂ່າວສານໜ້າສົນໃຈ

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະ​​ໄຕ ເອກະພາບ ວັດທະນາຖາວອນ

 

 

ນະຄອນຫຼວງວຽງຈັນ

ຄະນະກວດກາພັກ-ລັດ                                                                                                                                                                          ເລກທີ :…020……./ ຄກພນວ                                                                                                           

                                                                                                            ລົງວັນທີ :......................

ໜ້າທີ່ ແລະ ຂອບເຂດສິດ

ມາດຕາ 2 : ພາລະ​ບົດບາດ

2.1 :​ເປັນ​ເສນາ​ທິການ ​ແລະ ມີ​ຄວາມ​ຮັບຜິດຊອບ​ຕໍ່​ຄະນະ​ພັກ,ຄະນະ​ປະຈຳ​ພັກ,​ເຈົ້າ​ຄອງ​ນະຄອນຫູວງວຽງຈັນ ​ໃນ​ການ​ຄົ້ນ​ຄ້ວາ​ຜັນ​ຂະຫຍາຍ ​ແລະ ຈັດ​ຕັງ​ແນວທາງ​ນະ​ໂຍບາຍ,ມະຕິ,ຄຳ​ສັ່ງ,ກົດ​ລະບຽບພັກ,ລະບຽບການ ​ແລະ ກົດມາຍ​ຂອງ​ລັດ ກ່ຽວກກກັບ​ວຽກງານ​ກວດກາ ​ແລະ ກວດກາ​ການ​ສະ​ກັ້ນ​ຕ້ານ​ການ​ສໍ້​ລາດ​ບັງ​ຫຼວງ.

2.2 : ​ເປັນ​ເສນາ​ທິການ​ໃຫ້​ຄະນະ​ພັກ,ຄະນະ​ປະຈຳ​ພັກ,​ເຈົ້າ​ຄອງ​ນະຄອນຫຼວງວຽງຈັນ ​ໃນ​ການ​ຄົ້ນ​ຄ້ວາ​ແກ້​ໄຂ​ຄຳ​ຮ້ອງ​ຟ້ອງ​ຕໍ່​ການຈັດ​ຕັ້ງ ​ແລະ ສະມາຊິກ​ພັກ,​ແກ້​ໄຂ​ຄຳ​ຮ້ອງທຸກ​ກ່ຽວກັບ​ການ​ລົງ​ວິ​ໄນ​ຂອງ​ພັກ,ຄົ້ນ​ຄ້ວາສະ​ເໜີວິທີ​ແກ້​ໄຂ​ຄຳ​ຮ້ອງ,ຄຳ​ສະ​ເໜີຂອງ​ພະນັກງານ ລັດຖະກອນ ​ແລະ ພົນລະ​ເມືອງ​ຕາມ​ພາລະ​ບົດບາດ,ສິດ ​ແລະ ໜ້າທີ່​ຂອງ​ຕົນ.

2.3 : ຊີ້​ນຳ-​ນຳພາ​ທາງ​ດ້ານ​ວິຊາ​ສະ​ເພາະ​ກວດກາ ​ແລະ ບຸງ​ວຽກງານ​ດ້ານ​ວິຊາ​ສະ​ເພາະ​ໄລຍະ​ສັ້ນ ​ໃຫ້​ແກ່​ພະນັກງານ​ກວດກາ​ຂັນ​ຕົ້ນ ​ແລະ ຂັ້ນ​ລຸ່ມ.

ມາດຕາ3 : ໜ້າທີ່

3.1 : ຄົ້ນຄ້ວາຜັນຂະຫຍາຍແນວທາງນະໂຍບາຍ,ກົດລະບຽບຂອງພັກ,ມະຕິ,ຄຳສັ່ງຂອງພັກ ແລະ ບັນດານິຕິກຳຂອງລັດທີ່ຂັ້ນສູນກາງ ແລະ ຂັ້ນຕົ້ນ ກ່ຽວກັບວຽກງານກວດກາໃຫ້ເປັນທິດທາງແຜນການ,ຂໍ້ກຳນົດ,ລະບຽບການ,ມາກຕະການ ແລະ ວິທີການດຳເນີນການກວດກາໃນຂອບເຂດຄວາມຮັບຜິດຊອບຂອງຕົນ.

3.2 : ເປັນເຈົ້າການປະສານສົມທົບກັບການຈັດຕັ້ງພັກ,ການຈັດຕັ້ງຂອງລັດ,ອົງການຈັດຕັ້ງມະຫາຊົນ ຢູ່ອ້ອມຂ້າງນະຄອນຫຼວງວຽງຈັນ ແລະ ບັນດາເມືອງ ໃນການກຳນົດທິດທາງ,ແຜນການ,ໂຄງການກວດກາພັກ,ກວດກາລັດ,ກວດກາສະກັດກັ້ນຕ້ານການສໍ້ລາດບັງຫຼວງໃນແຕ່ລະໄລຍະ ແລະ ຈັດຕັ້ງປະຕິບັດການກວດກາເປັນປົກກະຕິຕາມທິດທາງແຜນການ ແລະ ໂຄງການດັ່ງກ່າວ.

3.3 : ກວດກາການຈັດຕັ້ງພັກ-ລັດຂັ້ນນະຄອນຫຼວງວຽງຈັນ ແລະ ບັນດາເມືອງ ກ່ຽວກັບການເຄື່ອນໄຫວປະຕິບັດໜ້າທີ່ ແລະ ຄວາມຮັບຜິດຊອບ ຖ້າເຫັນວ່າມີປະກົດການລະເມີດຕໍ່ແນວທາງນະໂຍບາຍ,ມະຕິ,ຄຳສັ່ງ,ກົດລະບຽບຂອງພັກ ບັນດານິຕິກຳ ແລະ ກົດໝາຍຂອງລັດ

3.4 : ກວດກາສະມາຊິກພັກ,ນັບທັງກຳມະການຂັ້ນດຽວກັນ,ກວດກາພະນັກງານ,ລັດຖະກອນທີ່ຂຶ້ນກັບສິດຄຸ້ມຄອງຂອງຄະນະບໍລິຫານງານພັກ ນະຄອນຫຼວງວຽງຈັນ ເມຶ່ອມີປະກົດການລະເມີດຕໍ່ກົດລະບຽບຂອງພັກ,ກົດໝາຍຂອງລັດ ແລະ ໃນການປະຕິບັດໜ້າທີ່ຕາມທີ່ໄດ້ຮັບການມອບໝາຍ.

3.5 : ສຶກສາອົບຮົມ ການຈັດຕັ້ງພັກ,ການຈັດຕັ້ງລັດ,ສະມາຊິກພັກ,ພະນັກງານລັດຖະກອນໃນການປະຕິບັດກົດລະບຽບຂອງພັກ ແລະ ກົດໝາຍຂອງລັດ ຕໍ່ເປົ້າໝາຍທີ່ຖືກກວດກາ.

3.6 : ກວດກາຈັດຕັ້ງຜັນຂະຫຍາຍ ແນວທາງນະໂຍບາຍ, ມະຕິ,ຄຳສັ່ງຂອງພັກ ແລະ ລັດໃຫ້ເປັນນິຕິກຳ ຂອງນະຄອນຫຼວງວຽງຈັນ, ເມືອງ,ບັນດາພະແນກການ,ອົງການຂອງນະຄອນຫຼວງວຽງຈັນ.

3.7 : ກວດກາການລົງວິໃນຂອງການຈັດຕັ້ງພັກທີ່ຢູ່ໃນຄວາມຮັບຜິດຊອບ ກ່ຽວກັບການປະຕິບັດວິໃນຕໍ່ການຈັດຕັ້ງພັກ ແລະ ສະມາຊິກພັກ ທີ່ລະເມີດກົດລະບຽບຂອງພັກ,ກົດໝາຍຂອງລັດ.

3.8 : ກວດກາການເງີນຂອງຄະນະພັກຂັ້ນດຽວກັນ ແລະ ຂັ້ນລຸ່ມທີ່ຖັດຕົນ.

3.9 : ຕິດຕາມ,ກວດກາ,ເກັບກຳຂໍ້ມູນ ແລະ ຮັບແຈ້ງຊັບສິນ-ໜິ້ສິນຂອງສະມາຊິກພັກ,ພະນັກງານ,ລັດຖະກອນທີ່ຂຶ້ນກັນສິດຄຸ້ມຄອງຂອງນະຄອນຫຼວງວຽງຈັນ.

3.10 : ຮັບ ແລະ ຄົ້ນຄ້ວາຄຳສະເໜີ,ແກ້ໄຂຄຳຮ້ອງຟ້ອງ-ຮ້ອງທຸກ ທີ່ພົວພັນເຖິງ ປະກົດການລະເມີດກົດລະບຽບຂອງພັກ,ມະຕິ,ຄຳສັ່ງ, ການປະຕິບັດໜ້າທີ່ຂອງການຈັດຕັ້ງ ແລະ ສະມາຊິກພັກ ທີ່ຂຶ້ນກັບສິດຄຸ້ມຄອງຂອງຂັ້ນຕົ້ນ,ພິຈາລະນາ,ໃຫ້ຄຳແນະນຳ ຫຼື ແກ້ໄຂຄຳຮ້ອງ ແລະ ຄຳສະເໜີຕ່າງໆຂອງການຈັດຕັ້ງ ຫຼື ບຸກຄົນ ກ່ຽວກັບການກະທຳທີ່ບໍ່ຖືກຕ້ອງຂອງພະນັກງານ ລັດຖະກອນ ແລະ ອົງການບໍລິຫານລັດ.

3.11 : ກວດກາການອອກ ແລະ ການປະຕິບັດນິຕິກຳ ທີ່ມີປະກົດການລະເມີດ ແລະ ບໍ່ສອດຄ່ອງກັບແນວທາງ,ມະຕິ,ຄຳສັ່ງ, ແລະ ກົດໝາຍຂອງລັດ ຕາມຂອບເຂດຄວາມຮັບຜິດຊອບຂອງນະຄອນຫຼວງວຽງຈັນ.

3.12 : ກວດກາສະກັດກັ້ນປະກົດການຫຍໍ້ທໍ້ ແລະ ຕ້ານການສໍ້ລາດບັງຫຼວງໃນການຈັດຕັ້ງພັກ,ການຈັດຕັ້ງລັດ,ສະມາຊິກພັກ,ພະນັກງານ,ລັດຖະກອນທີ່ຂຶ້ນກັບສິດຄຸ້ມຄອງຂອງນະຄອນຫຼວງວຽງຈັນ.

3.13 : ກວດກາການຮັບຜິດຊອບໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມ,ການປະຕິບັດໂຄງການ,ແຜນງົບປະມານ,ການຄຸ້ມຄອງນຳໃຊ້ຊັບສິນ,ເງີນກອງທຶນ ການປະຕິບັດບັນດາໂຄງການ,ທຶນກູ້ຢືມ,ທຶນຊ່ວຍເຫຼືອລ້າ ທີ່ຂຶ້ນກັບສິດຄຸ້ມຄອງຂອງນະຄອນຫຼວງວຽງຈັນ.

3.14 : ກວດກາບັນດາຫົວໜ້າທຸລະກິດ ທີ່ຂຶ້ນກັບສິດຄຸ້ມຄອງຂອງນະຄອນຫຼວງວຽງຈັນ.

3.15 : ສະຫລຸບລາຍງານຜົນຂອງການກວດກາ ສະເໜີມາດຕະການ ແລະ ວິທີແກ້ໄຂຜົນຂອງການກວດກາຕໍ່ຄະນະບໍລິຫານງານພັກນະຄອນຫຼວງວຽງຈັນ ຄະນະປະຈຳພັກ,ເຈົ້າຄອງນະຄອນຫຼວງວຽງຈັນ.ເພື່ອຊີ້ນຳການຈັດຕັງປະຕິບັດຕົວຈິງ ພ້ອມທັງລາຍງານຕໍ່ຄະນະກຳມະການກວດກາສູນກາງພັກເປັນປົກກະຕິ.

3.16 : ສຶກສາອົບຮົມ,ຄຸ້ມຄອງ,ບຳລຸງສ້າງ, ນຳໃຊ້ ແລະ ປະຕິບັດນະໂຍບາຍຕໍ່ພະນັກງານ,ລັດຖະກອນ ທີ່ຂຶ້ນກັບຄວາມຮັບຜິດຊອບຂອງຄະນະກຳມະການກວດກາພັກ-ລັດນະຄອນຫຼວງວຽງຈັນ.

3.17 : ສົມທົບກັບພາກສວນກ່ຽວຄ່ອງສ້າງແຜນການຄຸ້ມຄອງນຳໃຊ້ງົບປະມານ,ພາຫະນະ,ອຸປະກອນ,ຊັບສິນ ແລະ ລາຍຮັບ-ລາຍຈ່າຍອື່ນໆ ໃຫ້ຖືກຕ້ອງຕາມລະບຽບຫລັກກນ

3.18 : ປະຕິບັດໜ້າທີ່ອື່ນໆຕາມການມອບໝາຍຂອງຄະນະບໍລິຫານງານພັກ,ຄະນະປະຈຳພັກ ແລະ ເຈົ້າຄອງນະຄອນຫຼວງວຽງຈັນ.

ມາດຕາ 4 ຂອບເຂດສິດ

4.1 : ສະເໜີຄະນະປະຈຳພັກ,ເຈົ້າຄອງນະຄອນຫຼວງວຽງຈັນຕົກລົງດຳເນີນການກວດກາຕໍ່ການຈັດຕັ້ງພັກ,ການຈັດຕັ້ງລັດ,ແນວລາວສ້າງຊາດ,ອົງການຈັດຕັ້ງມະຫາຊົນ,ບັນດາວິສາຫະກິດ,ສະມາຊິກພັກ,ພະນັກງານ,ລັດຖະກອນທີ່ຂຶ້ນກັບສິດຄຸ້ມຄອງຂອງນະຄອນຫຼວງວຽງຈັນ.

4.2 : ສະເໜີຕໍ່ການຈັດຕັ້ງພັກ,ການຈັດຕັ້ງລັດ ພິຈາລະນາໂຈະການປະຕິບັດ ເພື່ອປັບປຸງແກ້ໄຂ ຫຼືລົບລ້າງເນື້ອໃນມະຕິຕົກລົງ,ຂໍ້ກຳນົດ ແລະ ນິຕິກຳຕ່າງໆທີ່ເຫັນວ່າບໍ່ສອດຄ່ອງກັບແນວທາງ,ກົດລະບຽບຂອງພັກ,ດຳລັດ,ຄຳສັ່ງ ແລະ ກົດໝາຍຂອງລັດ ພ້ອມທັງລາຍງານໃຫ້ຂັ້ນເທິງຊາບ

4.3 : ສະເໜີຄະນະປະຈຳພັກ,ເຈົ້າຄອງນະຄອນຫຼວງວຽງຈັນສັ່ງໂຈະ ຫຼືຍົກເລີກນິຕິກຳ,ນະໂຍບາຍຕ່າງໆຂອງອົງການປົກຄອງຂັ້ນລຸ່ມ ຫຼື ພະນັກງານ,ອົງການຂອງນະຄອນຫຼວງວຽງຈັນ,ຂອງຂະແໜງການວາງອອກ ທີ່ຂັດກັບແນວທາງ,ມະຕິ,ດຳລັດ,ຄຳສັ່ງ ແລະ ລະບຽບກົດໝາຍ

4.4 : ທວງເອົາເອກະສານ,ຫຼັກຖານ ແລະ ຂໍ້ມູນຕ່າງໆ ກ່ຽວກັບການກວດກາ,ການແຈ້ງຊັບສິນ,ໜີ້ສິນ ແລະ ການຈັດຕັ້ງທີ່ກ່ຽວຄ່ອງ.

4.5 : ເຊີນການຈັດຕັ້ງພັກ,ການຈັດຕັ້ງລັດ,ອົງການຈັດຕັ້ງມະຫາຊົນ,ອົງການຈັດຕັ້ງສັງຄົມ,ສະມາຊິກພັກ,ພະນັກງານ,ລັດຖະກອນ,ກຳມະກອນ,ທະຫານ ຕຳຫຼວດ ແລະ ພົນລະເມືອງມາລາຍງານໃຫ້ຄຳຊີ້ແຈງ,ອະທິບາຍ,ປະກອບຫລັກຖານຂໍ້ມູນໃຫ້ຄະນະກວດກາ ຫຼື ພະນັກງານກວດກາຂອງຄະນະກຳມະການກວດກາພັກ-ລັດ ນະຄອນຫຼວງວຽງຈັນ.

4.6 : ສະເໜີຕໍ່ການຈັດຕັ້ງທີ່ກ່ຽວຄ່ອງ ໂຈະຊົ່ວຄາວໃນການເຄື່ອນໄຫວວຽກງານ,ການປະຕິບັດໜ້າທີ່,ການຊັບຊ້ອນ,ແຕ່ງຕັ້ງ,ການຍົກຍ້າຍໄປຮັບຜິດຊອບວຽກງານອື່ນ ຕໍ່ສະມາຊກພັກ,ພະນັກງານ,ລັດຖະກອນໃນເວລາທີ່ກວດກາບໍ່ທັນສຳເລັດ ຫຼື ຢູ່ໃນເປົ້າໝາຍຂອງການກວດກາ ເມຶ່ອເຫັນວ່າຈະມີຜົນກະທົບສ້າງຄວາມຫຍຸ້ງຍາກໃຫ້ແກ່ການກວດກາ.

4.7 : ຄົ້ນຄ້ວານຳສະເໜີ ຄະນະປະຈຳພັກ,ເຈົ້າຄອງນະຄອນຫຼວງວຽງຈັນ,ສະພາແຫ່ງຊາດປະຈຳເຂດ ຕົກລົງແຕ່ງຕັ້ງຄະນະກຳມະການ ເພື່ອດຳເນີນການກວດກາບັນຫາໃດໜຶ່ງທີ່ມີຄວາມຊັບສົນ ແລະ ມີການພົວພັນກັບຫຼາຍຂະແໜງ

ການ.

4.8 : ຕິດຕາມ,ກວດກາ ກຳສະພາບການເຄື່ອນໄຫວຂອງສະມາຊິກພັກ,ພະນັກງານແລະການຈັດຕັ້ງທີ່ຂຶ້ນກັບສູນກາງຄຸ້ມຄອງຢູ່ໃນທ້ອງຖິ່ນຕົນ ເພື່ອສ່ອງແສງລາຍງານໃຫ້ຄະນະກຳມະການກວດກາສູນກາງ

4.9 : ສະເໜີ ແລະ ປະກອບຄຳເຫັນ ກ່ຽວກັບການສະໝັກຮັບເລືອກຕັ້ງ,ການແຕ່ງຕັ້ງເລື່ອນຊັ້ນ,ຍົກຍ້າຍ,ການປະຕິບັດວິໃນຕໍ່ສະມາຊິກພັກ,ພະນັກງານທີ່ຂຶ້ນກັບສິດຄຸ້ມຄອງຂອງ ນະຄອນຫຼວງວຽງຈັນ.

4.10 : ຜາ່ນການກວດກາ ຖ້າເຫັນວ່າມີການກະທຳຜິດຕໍ່ລະບຽບລັດຖະກອນ,ຂໍ້ກຳນົດ,ກົດໝາຍຂອງລັດ ຄະນະກຳມະການກວດກາພັກ-ລັດ ນະຄອນຫຼວງວຽງຈັນ ມີສິດສະເໜີຮູບການວິໃນລະດັບຕ່າງໆຕໍ່ພະນັກງານ,ລັດຖະກອນ ທີ່ຂຶ້ນກັບສິດຄຸ້ມຄອງຂອງນະຄອນຫຼວງວຽງຈັນ,ພ້ອມກັນນັ້ນກໍ່ສະເໜີພາກສ່ວນກ່ຽວຄ່ອງເກັບກູ້ເອົາຊັບສົມບັດທີ່ຕົກເຮ່ຍເສຍຫາຍຄືນມາໃຫ້ລັດ ແລະ ໃຊ້ແທນຄ່າເສຍຫາຍຕາມລະບຽບກົດໝາຍທີ່ໄດ້ກຳນົດໄວ້.

4.11 : ສະເໜີຕົກລົງຮູບການວິໄນຕໍ່ການຈັດຕັ້ງພັກ, ສະມາຊິກພັກ ຂັ້ນນະຄອນຫຼວງວຽງຈັນ ຄຸ້ມຄອງທີ່ລະເມີດກົດລະບຽບພັກ ຫຼື ສະເໜີລົບລ້າງການລົງວິໄນຂອງຄະນະພັກຂັ້ນລຸ່ມຖັດຕົນທີ່ບໍ່ຖືກຕ້ອງກັບກົດລະບຽບຂອງພັກ.

4.12 : ຄົ້ນຄ້ວາແກ້ໄຂຄຳຮ້ອງຟ້ອງຕໍ່ການຈັດຕັ້ງພັກ,ສະມາຊິກພັກ,ພະນັກງານ ແລະ ແກ້ໄຂຄຳຮ້ອງທຸກ ກ່ຽວກັບການລົງວິໄນຂອງພັກ,ຄຳສະເໜີຂອງພົນລະເມືອງຕໍ່ກັບການກະທຳຂອງພະນັກງານ,ລັດຖະກອນ ແລະ ອົງການບໍລິຫານທີ່ລະເມີດລະບຽບກົດໝາຍ ໃນຂອບເຂດຄວາມຮັບຜິດຊອບຂອງນະຄອນຫຼວງວຽງຈັນ.

4.13 : ນຳໃຊ້ມາດຕະກນສືບສວນ-ສອບສວນ ຕາມທີ່ໄດ້ກຳນົດໄວ້ໃນກົດໝາຍວ່າດ້ວຍການນຳເນີນຄະດີອາຍາ ແລະ ສະຫລຸບປະກອບສຳນວນຄະດີ ກ່ຽວກັບການສໍ້ລາດບັງຫຼວງ ສົ່ງໃຫ້ໄອຍະການປະຊາຊົນພິຈາລະນາຕາມກົດໝາຍທີ່ໄດ້ກຳນົດໄວ້.

4.14 : ກວດກາປັບປຸງການຈັດຕັ້ງ ແລະ ການເຄື່ອນໄຫວ,ໃຫ້ການແນະນຳວຽກງານຂອງຄະນະກຳມະການກວດກາຢູ່ບັນດາຂະແໜງການອ້ອມຂ້າງ ນະຄອນຫຼວງວຽງຈັນ ແລະ ບັນດາເມືອງ.

4.15 : ສະເໜີຄະນະພັກ,ຄະນະກວດກາບັນດາຂະແໜງການອ້ອມຂ້າງ ນະຄອນຫຼວງວຽງຈັນ ແລະ ບັນດາເມືອງໂຈະການປະຕິບັດ ຫຼືໃຫ້ພິຈາລະນາຄືນໃໝ່ ກ່ຽວກັບການຕົກລົງຜົນຂອງການກວດກາທີ່ເຫັນວ່າບໍ່ຖືກຕ້ອງກັບກົດລະບຽບຂອງພັກ ແລະ ກົດໝາຍຂອງລັດ.

4.16 : ຄົ້ນຄ້ວາອອກຄຳສັ່ງ,ແຈ້ງການ,ບົດແນະນຳ,ລະບຽບການ,ມາດຕະການ,ວິທີການລະອຽດ ເພື່ອຈັດຕັ້ງປະຕິບັດ ກ່ຽວກັບການກວດກາພັກ,ກວດກາລັດ,ວຽກງານການສະກັດກັ້ນຕໍ່ການສໍ້ລາດບັງຫຼວງ ​ແລະ ວຽກງານ​ຄົ້ນ​ຄ້ວາ​ແກ້​ໄຂ​ຄຳ​ຮ້ອງ​ຟ້ອງ-​ຮ້ອງທຸກ ​ແລະ ຄຳ​ສະ​ເໜີຂອງ​ພົນລະ​ເມືອງ​ໃນ​ຂອບ​ເຂດ​ສິດ​ຄຸ້ມ​ຄອງ​ຂອງ​ນະຄອນຫຼວງວຽງຈັນ ບົນ​ພື້ນຖານ​ແນວທາງ​ນະ​ໂຍບາຍ​ຂອງພັກ,ກົດໝາຍຂອງ​ລັດ ​ແລະ ບັນດາ​ນິຕິ​ກຳ​ຂອງ​ຂັ້ນ​ເທິງ.

4.17 : ມີ​ສິດ​ຈັດ​ວາງ,ຊັບຊ້ອນ,ມອບໝາຍໜ້າທີ່​ວຽກງານ,ສະ​ເໜີຄະນະ​ປະຈຳ​ພັກ,​ເຈົ້າ​ຄອງ​ນະຄອນຫຼວງວຽງຈັນ ​ແຕ່ງ​ຕັ້ງ,ຍົກຍ້າຍ,ປະຕິບັດ​ວິ​ໃນ​ຕໍ່​ພະນັກງານ,ລັດຖະກອນ​ຂອງ​ຄະນະ​ກຳມະການ​ກວດກາ​ພັກ-​ລັດ​ນະຄອນຫຼວງວຽງຈັນ.

4.18 : ປະທານ,ຮອງ​ປະທານ ມີ​ສິດ​ເຂົ້າ​ຮ່ວມ​ກອງ​ປະຊຸມສະ​ໄໝສາມັນ ຫຼື ວິສາມັນ​ຂອງ​ຄະນະ​ບໍລິຫານ​ງານ​ພັກ ນະຄ​ອນຫຼວງວຽງຈັນ,ກອງ​ປະຊຸມ​ຂອງ​ອົງການ​ປົກຄອງ​ນະຄອນຫຼວງວຽງຈັນ.

4.19 : ປະຕິບັດ​ສິດ​ອື່ນໆຕາມ​ການ​ມອບໝາຍຂອງ​ຄະນະ​ກຳມະການ​ກວດກາ​ສູນ​ກາງ,ຄະນະ​ບໍລິຫານ​ງານ​ພັກ,ຄະນະ​ປະຈຳ​ພັກ,​ເຈົ້າ​ຄອງ​ນະຄອນຫຼວງວຽງຈັນ ​ແລະ ຕາມ​ກົດໝາຍທີ່​​ໄດ້ກຳນົດ.

 

 

 

 

 

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 174

ຈຳນວນຜູ້ເຂົ້າຊົມເດືອນນີ້ 700

ຈຳນວນຜູ້ເຂົ້າຊົມທັງໝົດ 30202

Currently are 55 guests and no members online

ແຜນທີ່ນະຄອນຫຼວງວຽງຈັນ