Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !
ການພົບປະລະຫວ່າງຄະນະຜູ້​ແທນ​າກນ​ນຳ​ຂັ້ນ​ສູງນະຄອນຫຼວງວຽງຈັນແລະຄະນະຜູ້​ແທນ​ການ​ນຳ​ຂັ້ນ​ສູງນະຄອນໂຮ່ຈິມິງ
3 ຫຼຸດ 3 ເພີ່ມ 3 ຂະບວນການ
ກອງປະຊຸມສະຫຼູບວຽກງານການເງິນ ນວ ປະຈໍາປີ 2017 ແລະ ທິດທາງແຜນການ ປີ 2018
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018

ນິຕິກຳສຳຄັນ

ຂ່າວສານໜ້າສົນໃຈ

32390691 572800219766607 9186831352748572672 n

     ໃນວັນທີ 11 ພຶດສະພາ 2018 ທີ່ຜ່ານມາ ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງຢ້ຽມຢາມຄວາມຄືບໜ້າຂອງໂຄງການກໍ່ສ້າງໂຮງໝໍມິດຕະພາບ ຢູ່ຖະໜົນໂພນຕ້ອງ ບ້ານຈອມມະນີ ເມືອງຈັນທະບູລີ ນວ ໂດຍຕອບຮັບການເຊີນຂອງກະຊວງສາທາລະນະສຸກ ແລະ ໃຫ້ກຽດຕ້ອນຮັບໂດຍທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະ.

   32337016 572800596433236 7660315755736465408 n

   ສຳລັບໂຮງໝໍແຫ່ງນີ້ແມ່ນຈະຂະຫຍາຍເປັນໂຮງໝໍມິດຕະພາບທີ່ທັນສະໄໝ ຂະໜາດ 308 ຕຽງ ເຊີ່ງໄດ້ເລີ່ມລົງມືກໍ່ສ້າງແຕ່ຕົ້ນປີ 2016 ໃນເນື້ອທີ່ດິນ 20 ພັນເຮັກຕາ ມີ 4 ຊັ້ນ ມີຫ້ອງກວດພະຍາດ, ຫ້ອງຜ່າຕັດ, ຫ້ອງນອນ ແລະ ອຸປະກອນການແພດອື່ນໆ ທີ່ໄດ້ມາດຕະຖານຂອງ ອີຢູ, ໂດຍນຳໃຊ້ເງິນກູ້ຢືມຈາກປະເທດ ໂອຕຣິດ ປະຈຸບັນແມ່ນໃກ້ຈະສຳເລັດ ແລະ ຄາດວ່າໃນເດືອນ ກໍລະກົດ ປີ 2018 ນີ້ ຈະເລີ່ມເປີດທົດລອງນຳໃຊ້.

     ພາຍຫຼັງ ຮັບຟັງການລາຍງານກ່ຽວກັບໂຄງການທ່ານເຈົ້າຄອງ ນວ ກໍໄດ້ປະກອບຄຳເຫັນຊົມເຊີຍຕໍ່ໂຄງການດັ່ງກ່າວ ເພາະເປັນບາດກ້າວໃໝ່ດ້ານວຽກງານສາທາລະນະສຸກ ການບໍລິການ ແລະ ການປິ່ນປົວ, ເປັນໂຮງໝໍທັນສະໄໝທີ່ຄົບວົງຈອນໄດ້ມາດຕະຖານສາກົນແຫ່ງທຳອິດ ໃນ ສປປ ລາວ ແລະ ຍັງໄດ້ພິຈາລະນາຮັບເອົາຂໍ້ສະເໜີກ່ຽວກັບແຜນຜັງການກໍ່ສ້າງເສັ້ນທາງເຂົ້າສູ່ໂຮງໝໍດັ່ງກ່າວທີ່ມີໄລຍະທາງ 800 ແມັດ ເພື່ອອຳນວຍຄວາມສະດວກໃນການໄປ-ມາ ເຊີ່ງໄດ້ມອບໃຫ້ພະແນກໂຍທາທິການ-ຂົນສົ່ງ ກວດກາສຳຫຼວດໃນຂັ້ນຕອນຕໍ່ໄປ.

     ພ້ອມດ້ວຍກັນ, ຄະນະຮັບຜິດຊອບໂຄງການກໍ່ສ້າງໂຮງໝໍມິດຕະພາບ ກໍ່ຍັງຈະໄດ້ສືບຕໍ່ກວດກາໂຄງສ້າງຂອງຕຶກໂຮງໝໍມິດຕະພາບຫຼັງປັດຈຸບັນ ທີ່ໄດ້ຮັບການຊ່ວຍເຫຼືອຈາກອະດີດສະຫະພາບໂຊຫວຽດ ເພື່ອປັບປຸງບູລະນະຄືນໃໝ່ ເຊີ່ງທາງສະຖານທູດສາທາລະນະ ລັດສະຫະພັນຣັດເຊຍ ກຳລັງສຶກສາສຳຫຼວດໂຄງການຢູ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 78

ຈຳນວນຜູ້ເຂົ້າຊົມເດືອນນີ້ 785

ຈຳນວນຜູ້ເຂົ້າຊົມທັງໝົດ 26394

Currently are 6 guests and no members online

ແຜນທີ່ນະຄອນຫຼວງວຽງຈັນ